[運動勞損] 膝軟骨缺損 及退化性關節炎

係 19歲已收山

https://t.me/+36MmY5StkZw1NTM1
膝頭受傷谷

一個半月前行行下外屈到隻腳，之後就後外側有個位每次屈個陣都kick 一下同痛，照左MRI, 報告話有軟骨問題。

A 0.8cm osteochondral lesion is noted posterior lateral tibial plateau with focal full-thickness chondral tear and subchondral edema.

依家情況都無變，行10分鐘就會痛，踩單車每轉到嗰個位就會kick一下，squat唔可以低過60度。


軟骨問題有咩方法搞😞

📍傳統治療: 無方法搞
控制好體重 ／ 避免做痛嘅運動同動作 ／ 休息 ／ 葡萄糖胺軟骨素 ／ 游水 ／ 衝擊波針灸？
＞＞＞＞ 延緩

再生治療
📍PRP血小板濃漿注射
-📍SVF注射(有微量幹細胞)
哩兩樣香港有，PRP比較多，SVF聽醫生講有 但我唔知邊度。

自體軟骨細胞培植：
-📍ACI/MACI 喺香港做，就拎去外國培植
- 📍台灣-層片(無基質支架, 成片係軟骨細胞 再疊起幾片貼去患處)

自體幹細胞培植(脂肪／骨髓來源)
-📍香港無培植產品，只有港大／中大等等做研究，港大陳佩教授2015／16年話做準備做人體臨床試驗，你可search問下
-📍台灣2018年法例開放自體細胞治療

大致上方法係哩啲，之前有討論到大約價錢／效果／局限性等等，有性趣可爬文睇睇

謝謝🙏估唔到一粒軟骨可以搞到咁痛同kick kick下😞😞

韌帶穩定關節，你做左ACL 解決唔到半月板＆ 軟骨問題
手術做韌帶重建,到時磨平埋半月板個小損傷，以免擴大

再者軟骨又係另一個麻煩野，做完上述手術，未必令你做返之前劇烈嘅運動

但你軟骨受損初期，做再生治療可能效果較佳，避免形成退化性關節炎

ACL術康復後，你仲要預一段時間治療軟骨問題，否則做返運動 初時唔覺，慢慢就變到我咁
可以爬下之前啲留言 或 pin留言參考下

原來大過6mm已經係無得救，唔理佢會唔會愈來愈大？

當然會 佢無血管入去 自己修補唔到，磨到無哂軟骨 骨磨骨又發炎，行路 坐低都痛，最終做人工關節

豬清，我十幾年前每星期打一次波（3小時）突然－次滕頭超級酸軟之後我便停了沒打。直至上年我開始手痕又打返每星期約兩次每次1-2小時，但我感覺完全冇問題，我只是每天吃centrxxx men唔知係咪關事；另外以前我是在hard court 做運動，現在通常在indoor, 地板比較軟身的可能冇咁傷滕頭唔頂。

平時生活習慣飲食可以點預防同補充軟骨

依家膝頭長期痛瞓喺床都會赤赤痛

第一點係，如果撕裂唔做 當劇烈運動時好大機會斷裂。
第二點 軟骨磨蝕左 就無, 唔會再生返，磨到一個程度就逆轉唔到，形成退化關節。
軟骨細胞 要喺健康嘅關節時， 適當嘅壓力擠壓,令佢新陳代謝 保持健康。
但當受損，佢生長速度極緩慢，點都追唔上磨耗嘅速度，而且膝關節係每日磨擦最多嘅關節

我自己咩都做過，小腿腓腸肌 比目魚肌 大腿前後 臀大中肌等全身都練，拉筋亦拉足 TFL 臀肌etc, 食左一年膠原蛋白肽 仲食緊，運動只游水
ps.操肌+拉筋 幫助係有，但你要平衡個關節是否承受到，而我傷得太嚴重，不合適做，你初期 我不清楚，但至少要輕量治療一段時間，例如游水+拉筋

我睇過幾個專科醫生，個個都話無野可以做，睇兩個膝專家，都係咁講，我情況 退化左 只能延緩退化

喺香港無得搞了，我考慮遲啲去台灣睇幹細胞培植 注射式唔洗開刀

免疫力保健品應該唔關事掛？
你運動唔算密，會否拉傷周邊肌肉／疲勞 ，運動前後做足拉筋，控制好體重

預防勝於治療
軟骨健康時，減體脂 ＆ 練肌肉 強化穩定關節／ 拉筋 柔軟度提升 減少對關節拉扯 磨擦勞損 ／ 足夠休息
咁樣就好似一般運動員咁 劇烈運動都可以健康使用
保健品： 葡萄糖胺軟骨素,膠原蛋白肽，幫助關節潤滑

呢個真係一大遺憾

有無睇過姓江的膝專家？我見介紹寫有軟骨培植，但唔知係咪香港做。

睇過。喺香港抽軟骨細胞 運去外國培植 再運返來香港開刀植入

我而家做完個幾月
感覺膝頭有塊野係入面zip 住zip 全緊
屈膝太耐就啪一聲
巴打個陣抖左幾耐

原本都係蝕左一半
睇番報告做完手術個窿開左差唔多成1cm
係度後悔緊會唔會唔做好過做

軟骨形成術（無培植自體細胞）？
係咪6星期戴支架+ 6星期拐杖半力行？
我3個月左右甩拐杖

micro-fracture
做完第一個星期要雙拐杖
之後行山杖就得
但係而家仲腫

micro-fracture同宜家市面(非香港)最新嘅再生治療比較，我覺得真係唔太有用，但喺香港黎講 都叫辦法之一，雖然係纖維軟骨 但好過無啦，但唔好再做劇烈運動 好易又磨返走同擴大

btw最近用英文search Bone Marrow Stem cell (BMSC therapy)骨髓間質幹細胞 同埋 exosome 外泌體治療，都有多啲文章睇下，哩類治療比prp效用強起碼過百倍

你個軟骨缺損size有幾大啊？ 公立定私家做？
我1月個陣拗柴，整親脛骨上個軟骨，依家有kick痛，個size係0.8 cm

我都打算問下佢意見