咁大個仔未去過歐洲好想去英國同埋進步下英文
因為大部份朋友都係嗰邊讀書
成日見佢地去啲景點玩
建議去旅行定係去嗰邊讀書好?
讀書可以留耐啲不過聽閒有啲地方出大城市都隔幾遠,除非放假都冇乜機會出去
平日生活等於去咗郊區咁
sorry又千字文
練英文的話,我覺得去讀書會好過旅行,
因為除非係果種自己去旅行而且會係hostel同鬼佬吹水一齊去玩,先多d機會講多d英文練到
唔係既剩旅行好多時練到既得d叫餐啊買野用既簡單英文,黎黎去去得幾句 要本新幾外向唔怕羞先有機會同人吹多幾句練到
但讀書的話,上堂圍內/大型討論都逼住狂講英文(香港英中定大學都無乜可能),返到宿舍出個pantry都實要同在場既人吹下水交代近況(佢地點都會r你吹水),可能你識既朋友都係外國人(除非你群香港人 ),點都練到多d類型同場合既英文 就算自己本身毒撚格都會逼到自己練
至於去旅行黎講,
巴打講既讀書係exchange定留學幾年
我自己覺得為旅行既,exchange一年甚至半年就夠,會夠時間玩到大半個歐洲以上(前提要儲定錢 ),留幾年果種反而見佢地好似grad先四圍去,唔知係咪平時學業要好認真呢,定預左去讀書出發前無儲定彈藥呢 exchange感覺玩得起d,因為pass就夠唔洗好grade 加上我同身邊既人都係覺得玩到半年一年就會好想返香港 加上洗錢都洗得7788,留幾年又無得出去真係會有住鄉村感覺
去讀住書旅行好既位係,你weekend可以玩下國內,中長假可以去遠d(就算搭飛機都可以400蚊有找)玩完一兩個禮拜又可以返去充下電,抖夠一兩個禮拜再出發,比起你特登香港飛過去連續一兩個月都係行程會玩得舒服d,因為特登飛過去每日都係成本,好難肯連續幾日摺係酒店唔出去用黎休息 我同朋友既經驗都係玩到第三個星期開始真係會攰,想抖返幾日 我有時直頭會抖一星期未夠 所以最理想係exchange地去旅行
唉 因為我仲係18考完dse
本身讀唔掂要挨asso
但香港我真係冇心機讀成日好想quit
平日出去玩個個問我點解唔去外國讀
可能覺得我asso仔玩到大富大貴擺明冇錢扮有錢
我屋企家境就中等,唔會要求我去外國但如果我要求亦唔會拒絕
屋企人話uk要50萬一年到時at least洗200萬
如果要洗呢個數目可能要搬屋住其他樓
但我問左好多巴打話其實如果要計到平嘅話total 70萭都搞掂到
因為講真如果真係要200萬我都寧願大個攞黎環遊世界/玩/買樓/車仲好
exchange我就未必會
去讀住書旅行都得但我怕到時唔想洗咁多錢所以大部分時間留喺自己果邊