路過d教堂仔呀之類，
行到河邊，環境ok，呢個時候好攰下，於是就係河邊D長椅坐下，點知哇頂極多蚊
，於是逼住繼續行
。終點係上圖果堆樹果邊既城堡
過橋
河景真實睇係幾好，影出黎又一般
。
呢個時候唔知點解個天色開始差（感覺上威尼斯果舊雨雲成個trip追住我地黎行，好彩接住佢步划慢過我地
）。
呢度雖然唔出名，但呢個河景我覺得都唔錯，當然唔係好精彩既絕景啦，不過好少人，流水聲，幾舒服。
對面岸有個城堡之類既野，入面好似無得入/無野睇的，多數D人去都只係想行上去從高處睇古城景。
不過其實呢個唔係必去景點黎，因為見trip advisor上面d人都無特別話好靚，亦有人話個view有D樹遮住等等，唔鐘意行樓梯或者爬山既我地當然上去之前要做個風險評估睇下行唔行得過
，不過今次我地因為見還掂都黎到，時間又尚早（好似先三、四點），個位目測唔算高，就行下啦 。
一半路程，呢度睇到舊鬥獸場，似乎準備緊演唱會
唔似Florence果個，呢度無人咁濟，上到去都得我地同另外兩三個人。
D路都輕鬆既。
呢度就係個景，果然係無乜料到
，有唔少好高既樹遮住，只能從條罅望，河都唔算好睇到好多，所以ok啦，並唔精彩 。個鐘樓好搶眼 逗留左唔夠五分鐘我地就碌返落去，呢度有條樓梯幾靚，
我地係度互相影即影即有，係大張既。期間上圖呢對外國情侶見我地影得咁開心，個男既竟然（應該被條女lur佢）問我地可唔可以用我地部機幫佢幫影張即影即有
，哇，無預期地有人夠膽問 ，其實我地剩返好少相紙但仲有唔少地方要影相 ，不過見佢咁勇敢加上佢地好似幾sweet咁，reject好似好掃興 ，於是我地就影左張送比佢地 ，記得影得好靚 ，見到佢地走左後狂拎住張相黎影相
。點知，望望下遠處既佢地，我地先醒覺，仆街唔記得叫佢地幫返我地兩個影合照
，嗚哇，呢度影會好靚的
行完呢度，都差唔多，
等車返車站。
有趣地，今次架巴士係旅遊巴既車型黎，一上車我地就坐係司機位後放低野
，之後先發覺無位買車票，只有duk 八達通果個位 ，我地未比錢，但司機完全無講野
，接住既站有其他人（得兩三個）上車，有D有duk咭，有d好似又無
，於是結果係超級奇怪地我地就將錯就錯 ，逃票模式下坐左司機位正後面四個字，最後竟然又無事發生。 逃票之都 拎返行李後就出發去Florence
今次架車好舒服，勁新淨，仲有齊D usb位差電
英式建築物好靚