[HBO] 權力遊戲前傳龍之家族HOTD Season 1 電視劇情討論區(4)

就係嬲個繼承權唔應該係佢度
而且公主亂搞係會影響到velaryon既繼承權

其實我唔明點解咁多人撐黑黨，雖然書入面兩邊都係仆街黎，但我覺得單睇個claim其實係綠黨有道理啲。Visery I執意比公主繼承其實等同推翻101大議會既決定，只係呢點已經夠啦

其實講道理係Aegon 出世就即刻改繼承人做Aegon
不過現代價值觀覺得女人做都無咩問題
因為公主其實就係一個男人（不過女人身體咁）

所以我唔明點解咁多人撐黑黨
雖然係手段兩邊都仆街架啦
但講道理明顯係黑黨理虧
生私生子搞到人地個家族繼承人無左佢個血統仲要唔比人講

因為國王既order 大過晒所有傳統
不嬲都係咁 私生子都可以改返做正統
好似Ramsay 咁

如果Viserys 講到明係俾公主做
所有傳統 人 都吹佢唔漲
加上Viserys 對公主的愛同偏心
更加係觀眾比較投入個段 +埋Daemon

所以綠黨都係錯個邊 因為佢地而加係"搶位"

1. 實然同應然既分別。你講既「如果Viserys 講到明係俾公主做
所有傳統 人 都吹佢唔漲」「國王既order 大過晒所有傳統」都係講緊國王大晒，但佢應唔應該咁做又係另一回事。 (而且我都唔認為冰與火既世界觀係國王有天賦權利獨斷專行，冰與火既世界觀係參考中古歐洲，中世紀歐洲貴族分分鐘大過國王，即使中央集權如中國皇帝一樣唔以完全獨斷專行)
實際上，國王當然可以大石砸死蟹無視先例 (好似Viserys I咁話總之一定係公主做架啦)，無人吹得佢漲。但佢應唔應該咁做 / 可唔可以 / 有無權力咁做、咁做係唔係just又係另一回事。

2. 實際黎講 (姐係唔講道理/道理，單純效益角度出發)，Viserys 立公主依然係一個好差既決定。佢同101大議會既問題可以分成2點。一：同101大議會既結果男嗣優先既先例衝突，令公主合法性減弱；二：無視101大議會既先例其實等同於否定埋Viserys I自己既繼位合法性 (如果唔係當初Viserys點贏選舉？)。

3. 私生子正名唔適用於呢個情況。由始至終Viserys都無承認過公主3個仔係私生子，自然談不上正名同合法化。

4. 去舉Ramsay或者其他歷史既私生子作為比喻都唔恰當。今次3個私生子係公主 (女家) 既私生子，唔係Velaryon (男家)既私生子，姐係半點Velaryon既血脈都無 (如果係男家既私生子都仲有一半)，呢個情況仲算唔係Velaryon既私生子其實已經好debatable (無咁既先例)，宜咁既私生子仲可唔可以扶正 (繼承權)都係有爭議。

你意思係跟咩?

其實daemon 先係關鍵

唔怪望落得咁熟口面，兩個都有拍last kingdom

搞清楚先，征服後既Westeros繼承法傳統有幾種
一係Andals同first man既
二係多恩既
三係iron throne既
除左多恩以外，一同三都係遵循男性優於女性既原則 (Iron throne就係直系男性優於直系女性)

我估你既point係覺得男優先於女係westeros既傳統，但唔係，龍家繼承傳統都係男優於女。呢一點有好多例子，書fire and blood講到Jaehaerys I既繼承問題時都講得好清楚：
登基為王既係Aegon，唔係佢家姐Visenya
Maegor I 死後，係Jaehaerys I繼位，而唔係佢家姐Rhaena
Jaehaerys I跳過Rhaenys，任命Baelon為繼承人
101大議會就唔洗講了

所以其實睇翻龍家歷史已經可以見到慣例係直系男嗣優於女嗣。(但無錯呢個係慣例，唔係明文律法，不過呢個做左咁多次既慣例，幾乎已可當成不明文規定)

所以應然上，綠黨用繼承慣例去要求Viserys更換繼承人呢點係合理既。
實然上，更換繼承人既政治利益亦比保留公主多。
1. 保存Viserys自己既合法性 (因為佢自己就係男嗣優於女嗣呢條不明文規定既最大受益者)
2. Westeros大部分貴族都認同男性繼承權優於女性，keep住公主服唔到眾。

書只係話Daemon有拖馬，但無話Daemon拖馬導致Viserys贏。(同埋海蛇都有拖馬)。反而fire and blood講得好清楚，Viserys贏係因為佢係男嗣。「不過國内大多數諸侯關心的是确保男性繼承優先于女性繼承，韋賽裏斯在這點上占有巨大優勢，因其繼承權源自父系，而蘭尼諾的繼承權源自母系。」
唔好屈本書唔該。

*講得唔太清楚
Viserys贏係因為老豆係男嗣

咁咪反對佢仔做king,搞公主做咩？
班人初時有跪低向公主宣誓woo

velaryon繼承權同iron throne繼承係兩樣野黎..

我第一段講緊velaryon果邊，因為公主3個仔都唔係velaryon ，所以先有Vaemond索要claim既情節。情況就同正傳Stannis知道cersei 三個仔女係bastard之後話自己係rightful heir一樣。我睇唔順眼黑黨既一點係你有錯在先仲要劈死人 (書係公主叫Daemon殺Vaemond )

至於你話Iron throne繼承權問題，我不嬲都只係單純話綠黨想viserys換繼承人呢點都係有道理既

其實支持黑黨應該都係以下原因
Daemon型仔
龍女情義結
Alicent 表現太八婆投對家
純tv版表現,如有再補充...

駁唔到
但兩兄弟真係好戲啲

佢都嬲得唔合理喇
當初成家明知大仔係gay嘅都推去佢政治聯姻
house velaryon自己都有一半責任要負㗎
而且rhaenyra同laenor最後一次對話都提過佢地之間係有試過生喎，但真係唔得嘛

咁你叫rhaenyra除咗生bastard保住地位重可以點姐？

利申 對黑黨兩個bastard無好感

而當初成個house velaryon想高攀王族在先，好喇名利雙收著數就拎晒喇，而家見有機會自己造大就唔想付出代價，點講得去

Westeros班大男人個個處理家事都好差，差唔多超過一半角色都有Daddy Issue

Aegon自己都想躺平多過做King

個meme好似好有道理，但諗真啲其實唔合理。
Dance of the dragons 唔係因為無”successful and qualified ruler”同”leaving succession up to blood and chance”，而係因為繼承問題。

我諗整個meme 既人唔太理解古代繼承制度既意義。繼承制度，例如西周宗法制度（嫡長子繼承制）。繼承制度係為左避免繼承爭議，繼而爆發內戰而設既。因為嫡庶，長幼、男女等條件係直接明瞭既，幾無可議之處。所以一個完善既繼承制度係用黎確保穩定既，從來都唔係用黎搵一個”successful and qualified ruler既。

翻翻去dance of the dragons到，內戰既爆發唔係因為繼承制度出左個unsuccessful and unqualified ruler，係因為繼承制度既不完善。Westeros從來都無一個明確既繼承制度寫明直系男性同直系女性既繼承順位排序。呢個先係dance of the dragons爆發既原因，無一個制度一錘定音去解決繼承問題，比綠黨有機會challenge公主既繼承權。dance of the dragons既本質，我覺得可以咁睇：
1. 直系男性繼承權 vs 直系女性繼承權
2. 先例/慣例vs 國王意願
3. 貴族意願 vs 國王意願

提多兩句，冰火世界（至少westeros係）法律應該都係以普通法為原型，呢個亦可解釋點解一直無明確繼承法出現，而要開大議會去解決問題。

果2件爆炸頭黑妹係阿叔個女

阿叔同公主結婚，即係野仔後父

即係佢將2個女嫁俾自己2個仔？