【你有冇一個忘記唔到嘅人？】《為拯救未來逝去的妳，我成了記憶信貸的客戶》(2)

凡膠一直念念不忘，心存罪咎，就係因為咁
其實佢都好慘

沉浸回憶裏不斷自責，彷彿咁樣就會消解到一部分嘅罪過

一路都feel到佢肯定試過深深受傷

故事上半段，天宇好似好鍾意吐槽、嘻嘻哈哈咁，其實佢一直壓抑緊自己，有好幾次佢都頻臨爆發，譬如喺屋企睡房被芊柔打開嗰次

多數哩啲嘻嘻哈哈嘅人都好壓抑

即管睇吓芊柔會點安慰/回應佢

好期待

未夠虐...夢巴功力不止於此

期待游海琳既悲慘經歷

應該會出乎意料

果然係忠實讀者

宜家只是開始，完全未開始虐，仲有好幾個路口

夢巴咁講我就放心

期待被虐

被虐不健康

也會折磨角色

但阿夢喜歡

凌晨一推
就快夠75正皮再加更

今晚嗰篇冇咁sad

推

差5個正皮咋

《第22話：凡天宇。凡天宇。凡天宇。》

那夜，我倆到憶記冰室吃抹茶西多士，當時冰室只有我倆。

海琳吃了一口，突然不語。

我沒為意，良久才察覺她在飲泣。

「如果有日，我所熟悉嘅一切都消失，點算？」她問。

「吓？」

「如果呢間冰室，呢個卡位，呢塊西多士消失咗，我哋點算？」

我凝視海琳的淚容，按住她的手。

「到時我會開返間一模一樣嘅冰室。」

「……一模一樣？」

「嗯。」

「……都係呢個卡位？都係呢款西多士？你點做到？」

「我就係做到。」

「……白癡。」

⦾

「我本來打算等比賽結束，為佢慶祝生日嘅時候帶佢嚟，整呢個抹茶西多士畀佢食。」我低頭道，「但係……」

但是，這一切都不會發生。

游海琳，不會再回來了。

「喺我成功拯救程雨奈之後，我對佢嘅承諾，連同有關佢嘅記憶，全部都會消失，係咪？」

「係。」

「……我好快就會將佢忘記得一乾二淨。」

就像我倆從未相遇一樣。

芊柔靜默片刻，道：「你當初堅拒交易，原來係有咁嘅原因。」

雨滂沱地墜落，是為世界唯一的伴奏。玻璃結下薄霧，窗外太冷，房內太暖。

我遲疑片刻，把壓抑已久的話語和盤托出。

「湖芊柔，妳知道嘛。」

芊柔抬頭看我，那雙晶瑩眼眸在醞釀著什麼。

「妳成日令我諗返起游海琳。

明明每個人都係獨一無二，我唔應該自作多情……

明明請妳食呢件西多士，唔代表履行到承諾，

但係……我好開心妳賞面。」

我說畢，芊柔呆了很久，彷彿沒聽見我的話似的。

她好不容易，才擠出一句話。

「你話，我令你諗返起佢？」

「……嗯。」

「點解？」

「妳同佢嘅笑容一樣，或者係因為我覺得妳似佢，我先會覺得妳適合戴紅色帽。」

我已搞不懂自己在說什麼了。

「無論如何，多謝妳聽完。」我嘗試打趣道，「By the way，好似有人講過，我整到個甜品嘅話，就對佢做咩都得啵——」

我還是希望調劑氣氛，輕鬆地打個圓場。

然而，芊柔沒有理會。

她端起刀叉，將西多士切割成一塊塊，小口小口吃著。

「妳唔需要勉強食，反正已經凍曬……」

她一聲不響，直到把最後一塊都吞下肚。

她轉過頭，迷濛的雙眸與我對視。

「凡、天、宇。」

「……啊？」

她湊至我臉前，氣息溫熱我的臉龐。

她的貝雷帽都戴歪了，臉蛋潮紅，嘴角殘留著抹茶奶油。

「……妳又想借機炆我頭髮？」

「嘻嘻，俾你發現咗。」她把兩手縮至背後，淘氣地笑。

「估到妳。小學雞。」

「老細，你頭先提到，對我做咩都得？」

「……呢個條件係妳自己提出㗎……」我有點害羞。

「本小姐有講過咁嘅嘢咩？」芊柔皺眉。

「有！唔通我提出咩！」我吐槽道。

「……唔……」她雙目半閉，似乎已醉。

這傢伙，怎麼在該說笑時那般嚴肅啊……

誰知，她突然再靠近我：「唔……咁老細想對我做咩呢？」

明明我一直已想好答案，就是「嘻嘻嘻，我要連續1個鐘吱妳腳板底！」之類的。誰知在此時此刻，我腦海一片空白，啞口無聲。

芊柔身子朝我壓來，我則往門口方面退。

她……很奇怪。

「喂……唔好……玩啦——哇——」

我失足跌至暖爐旁的地板上，失去承托的芊柔順勢跌倒我身上。

就跟我倆在分行邂逅一樣。

「好痛……」我才想撫摸發疼的後腦，卻發現兩手被芊柔抓住，動彈不得。

貝雷帽落在我臉上，阻擋了視線，而我沒手撥走它。

即便如此，我仍然感到事態不對勁。

很不對勁。

我在一片漆黑中，感覺到芊柔攤在我胸口上，肩膀劇顫，喘息急促。

她的身體……很熱很燙。

我從她壓向我那柔軟的胸脯，感受到她噗通噗通的心跳。很快。

……不是吧……她……究竟在搞什麼呀……

等等……她怎麼會……

我好不容易，猛搖頭把貝雷帽甩開，卻看見滿臉紅潮的芊柔。

芊柔把我壓在地板上，從上而下與我對望。

她的雙腿纏著我的，輕輕前後摩擦。

理解狀況後，我後知後覺，臉紅耳熱。

她軟綿的大腿逐漸往上移，隱約碰觸我的胯下。

我各方各面都有了反應，全身雞皮疙瘩。

是我喝醉了嗎，此刻我竟然……覺得她……不……這怎可能……

這時，她以蜜糖般的聲線叫喚我。

「凡天宇。」

「……」

「凡天宇。」

「……」

「凡天宇。」

「我唔明白……」我忍不住道。

「本小姐唔叫多幾聲，怕下一秒就唔記得。」

「……因為『Pizza』？」

「乜嘢『Pizza』？」

「Oh我記錯咗，係『Blizzard』至啱。」

「你咁得閒，不如去死一死。」芊柔醒悟到被諷刺了。

「……」

「……」

她抓我的手無比使勁，弄得我吃痛。

她……在煩惱著什麼？抑或純碎是喝醉了？

她的心，或近或遠，多麼迷離。

我不知所措之際，她把臉慢慢湊近我的。

她白裏透紅的臉頰，她水汪汪的啡眸，她微紅的小鼻。

……再這樣下去，我會忍不住的……

冷冽的地板，燙熱的女孩。

我倆對視間，我端詳她的瞳孔。

我霎時發現，她眼裏從來有我的蹤影。

像個恬靜的湖，把我浸沒在溫存的懷抱裏。

腦海一片空白。

……我到底在逃避什麼？

難道就不能坦承嗎。

多麼想甩開她的手，把她緊擁，流淌在只有她的世界裏。

我倆的臉觸碰之際，腦海被掏空，只剩呼出的微熱，只剩蘋果般的淡香。

世界宛若憶界般，停駐在只有兩人的一秒。

「HEAD——SHOT！」

突如其來的一擊。

芊柔敏捷地彈起身，靠牆捧腹大笑。

……超……痛！

我按著超級疼痛的額頭，慘叫著：「搞——乜——鬼——呀？」

「哈哈……老細，你又中招喇……以為我得炆頭髮呢招？哈哈……哈哈哈！」芊柔按著發紅的額頭，笑到飆淚，「本小姐練習咗幾年嘅『愛心頭鎚』，終於有用武之地……哈……哈哈！」

「損人不利己妳都做？有冇咁無聊呀！」我惱羞成怒。

她剛才的挑逗行為，竟然就是為了……這個「迎頭痛擊」？！

「哼，邊個叫你當我係你前度嚟意淫呀？本小姐仲未嬲完㖭呀！」

「……妳講乜呀？！」我臉紅耳熱。

芊柔兩手擺後，身子微微躬前：「唔……唔通你頭先認真咗？雖然本小姐係魅力四射姐。」

「妳？去照吓塊鏡先啦。」

「唔……本小姐係咪傷咗純情處男嘅玻璃心呀？」芊柔曖昧一笑，撿起紅色貝雷帽，模仿跳飛機單腳跳，跳出客廳。

「咪癲拉，你唔係有個乜鬼守則咩，與客戶保持——」

「正常合作關係。」芊柔笑道，「閣下果然有腦。」

我看著她收拾細軟，戴上藍色貝雷帽，大概是要離開了。

「喂，深夜唔好落街，最近——」

「係係係，有連環殺人犯啊嘛。」芊柔打開門，門外是「燈塔」。

對，她回家只需幾秒，是我過慮了。

她踏出家門之際，靜呆了一會兒。

「生日蛋糕，好好食。」

她這麼說。

【43.29347238】

夠75正皮會再加更希望鍾意故事嘅正皮、留言，等阿夢知道有人追緊


9月21日加更目標
（1）【連登Post 2】正皮數達 75
（2）【Penana本故】喜歡數達 1500（連結：https://www.penana.com/story/109261）
（3）【IG】Followers數達標​​​​​ 1250 － [IG：utopian_hunter]

-加更目標每晚更新
-每日最多加1更

堅持好難，但你嘅支持，就係我寫落去嘅理由！
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter

走甜

今次結果係咩都冇發生

係我就唔忍了

其實天宇係有feel，所以佢最後都冇忍，放開枷鎖順從直覺，

點知被惡作劇之柔headshot