【你有冇一個忘記唔到嘅人?】《為拯救未來逝去的妳,我成了記憶信貸的客戶》(2)

998 回覆
122 Like 2 Dislike
2022-09-19 16:52:21
2022-09-19 21:11:35
感謝支持
2022-09-19 21:51:16
大世界觀故
2022-09-19 22:04:03
想不到,這超巨型的24寸薄餅,竟能被吃光,只剩1塊留給芊柔。單是12號單人匹馬就吃了一半,這驚人的食量到底哪裏來的?

至於Asahi啤酒,芊柔和我喝得很多,12號似乎不喜歡酒精。

木村拓JOY不吃不喝,而12號和我一直觀賞著芊柔的「打機直播」,終於一小時過去了,遊戲中追求女生的成績是——

由於太惹女生憎厭,被她下毒弄到入院了。

「Merry Christmas。」我揶揄道,芊柔瞪我一眼,又按「重新開始」。

她的臉頰都紅透了,似乎是個易醉的傢伙。

啤酒喝到不知第幾罐了,芊柔不知第幾次卡在第一關,因為從未成功獲取任何對象的歡心,因此完全沒有18禁的情節,連H Game都變成合家歡遊戲了。待被攻略的女生對玩家的好感度是-93%,大概到-100%就會攻擊玩家之類的。很殘忍的遊戲喔。

居然被我說中了,芊柔才是真正的「遊戲界毒撚」,太可憐了。

「芊柔,我哋幾時傾程雨奈嘅嘢呢?」

「走開。」

我盯著一臉不忿的她,不知好氣還是好笑。我觀察著她在遊戲中作的選項,不禁傻眼:「喂,妳做乜係咁毆打個女仔?」

這樣操作,好感度怎可能不是負數?!還有這是個戀愛遊戲,怎麼會提供「毆打對象」這種荒謬的選項呀?!

芊柔放肆罵道:「佢條友咁假,裝模作樣做埋啲作狀手勢,仲要用嗰把死人Kawaii海豚聲同我講廢話。做乜姐,俾人閹咗呀?」

我懷疑,這傢伙已經半醉了。

「湖小姐,提提妳,嗰個係女仔嚟。」

「點解我一定要溝佢?」

「遊戲目標係咁。」

「完全荒謬!」她頻臨崩潰,玩遊戲需要如此認真嗎?

我想了一會兒,道:「唉,等我幫妳手喇。」

她坐到她側旁,把薄餅塞到她手中:「溝埋呢條女,就傾返正經嘢喇。」

只需要10分鐘。



1小時後。

「死毒撚……啊哈哈!」芊柔捧腹大笑,喝光手上的啤酒,有點神智不清。

「喂係妳唔睇清楚Guidelines!溝錯人呀!呢條女係Default咗溝唔到㗎!」我用手機展示著攻略內容,崩潰道。

12號趴倒在茶几上睡了,木村拓JOY坐在側旁,仍舊在笑——笑什麼的,難道就沒有其他表情嗎?

「起碼我只係中毒入院,但你係被佢殺死埋喎。」芊柔冷笑道,把啤酒罐捏成一團。

我才想放狠話,卻注意到她的穿著,霎時愣住。

她依舊外披米色冷衫,裏頭是白色襯衫搭深紅色無袖連身裙。

她頭戴著貝雷帽,卻不是公司專用的那頂。

是深紅色的那頂,上次我在葵湧廣場買給她的那頂。

剛才沒留意,原來她一直穿戴著。

「老細,你望住我做乜?」芊柔不解。

「妳做乜著到成個聖誕老人咁?」

「你咁得閒,不如去死一死。」

「頂帽原來好襯妳。」

「……乜嘢『原來』?有幾出奇呀?」芊柔怒瞪著我,可我著實……

我究竟是怎麼了?是喝醉的關係嗎?我凝視著戴紅帽的芊柔,竟入了神。

戴著紅帽的她,再次令我想起了游海琳。

我一定是喝醉了。

芊柔被我看得很不自在,打趣道:「哦我明喇。遊戲入面溝唔到女太挫敗,宜家想轉而溝本小姐啊嘛。毒撚,不如搵塊鏡,照吓自己個樣先?」

她明明是要調劑氣氛,我卻失去了說笑的心情,使氣氛更尷尬。

我想起了,程雨愛給我的那盒抹茶粉。剛才還未喝茶,這班傢伙就闖進來了。

明明,我是要準備那件事的,差點就忘記了。

芊柔,才是今晚的主角啊。

我瞄了一眼顯示著「9:46」的時鐘,對芊柔道:「妳幾點走?」

「乜你好想趕本小姐走?」

「唔想。」

她意料不到我的回答,呆了好幾秒:「……你想點?」

「畀半個鐘我。」

「一定唔慌好嘢……」

「等陣咪知。」我說罷就走進廚房,關上門。

我以程雨愛送的廉價抹茶粉,沖了一杯茶,喝了一口。

……果然……是這樣嗎。

尋覓了那麼久,都一直找不到它……竟然就是錯過了這個平價牌子的抹茶粉。我真是蠢透了。

是憶記冰室,那令人沒齒難忘的抹茶味,不可能搞錯。

我按捺著內心的震撼,內心念著那道甜品的製作步驟。

這2年間,我練習過太多次了,即使睡著也夢見自己在製作那道甜品。

萬事俱備,只欠東風。

欠的,就是這獨一無二的抹茶粉。

只要有了它,於半小時內完成製作,輕而易舉。
2022-09-19 22:08:06
 10時15分,我從廚房走了出來,抹了一額汗。無法想像,一向怕冷的我竟會在攝氏3度流汗,大概是心情激動的關係吧。

12號和木村拓JOY原來已經離開了,家中只剩電視那充滿歡樂氛圍的遊戲音效。而芊柔……

搞什麼,她竟然睡著了。

她癱在椅子上睡著,像隻慵懶的小狗。

真是讓人放不下心的傢伙呢,我這麼想著。

可能是酒意正濃,我注視著芊柔時,又再記起以前那個她的畫面。

……是我多愁善感吧,不管換成任何一個女生在面前,或者都會令我聯想起她的。

凡天宇,別再胡思亂想了,明明已經決定了忘記她。

芊柔睡著反而正好,那我就能先準備一下。

我關掉電視及遊戲機,走到那破爛的睡房門前,猶豫了一下,推門而進。

數分鐘後,我脫下芊柔的貝雷帽,砸打她的臉。

她隨即驚醒,怒瞪著我:「你係咪有病?」

「妳嘅警戒心會唔會低咗啲?喺男仔屋企訓著,發生乜事點算?」

「……原來你對自己嘅低劣人格有咁充分嘅認識。」芊柔掩嘴笑著,把貝雷帽重新戴上。

「係你太易信人。」我不忿道。

「乜嘢呀,我唯獨信你一個。」芊柔曖昧地笑著,臉紅如富士蘋果,「你實際又可以做出啲乜呢,老——細——」

「一啲都唔好笑。」我不理會她了,「起身,帶妳去一個地方。」

她一愣:「邊度?」

我示意她到睡房門口,她收起笑意:「你之前,唔係禁止任何人入呢間房?」

上次她到訪我家時,不慎撞開房門,導致被我喝罵。

我思考片刻,誠懇道:「我一直唔俾人入呢間房,係因為我仍然俾嗰段過去所困住。」

「……」

「但係,上次俾妳當頭棒喝之後,我已經諗清楚,任由過去折磨只係另一種形式嘅逃避。」



「點解人類總係要囚禁自己喺過去?停駐喺枯萎嘅時間,就以為可以贖罪?除咗增添痛苦,唔會得到任何嘢。」



我續道:「妳講得啱,我必須面對過去。」

「……面對過去?」

「妳賞唔賞面,同我一齊面對?」

「……唔賞喎。」

「喂,劇本唔係咁寫……」

她聽罷,忍不住噗哧一笑。

「真係冇你辦法。本小姐最鍾意八卦人哋嘅過去。」

我請她打開睡房門,著她走進去。

睡房亮燈之際,她整個人驚呆了,一聲不響。

這間睡房,沒有睡床,沒有衣櫃,又或者說什麼都沒有。

只有一個狹窄的二人卡位。

卡位只設一邊的二人座位,不論尺寸、用料及色調,亦跟憶記冰室角落的那個二人卡位一模一樣。

上次我帶芊柔吃宵夜,坐的正是這款狹窄的座位。

「歡迎光臨憶記冰室。」我把客廳的暖爐拖了進來,畢竟睡房實在太冷。

我請芊柔到卡位坐下,並模仿茶餐廳伙計的語氣道:「靚女,想食咩呢。」

她一頭霧水:「我去咗邊?噁心男僕Café?」

「隨便妳。」

「咁有咩揀?」

「太夜喇,冰室只係得返常餐。」

她瞪我一眼:「冇得揀你仲問!」

我噗哧一笑,到廚房把那碟甜品踹到桌前。

芊柔看著桌上正冒出熱煙,淋上綠色醬的西多士,有點呆滯。

「同妳介紹返,抹茶西多士,憶記冰室例牌。」

「……點解有蠟燭?」她盯著西多士上插著的一支點燃著的蠟燭。

我坐到她側旁,笑道:「生日蛋糕,梗係有蠟燭啦。」

她呆了好幾秒,然後把臉縮進冷衫裏,小聲道:「咁你都記得。」

「上次同妳喺電車傾計,妳講過自己喺平安夜生日㗎嘛。」

其實我說了個謊,12號一早把她的生日告訴我,他請我為她慶祝生日,又不想芊柔知道這回事。其實最口硬心軟的,是12號這位上司呢。

「本小姐生日關你乜事?」

「咁妳上次都祝咗我生日快樂啦。」我道。

「邊有人會用西多士做生日蛋糕㗎,誠意呢?」

我盯著那蠟燭的火光,陷入回憶之海。

「我以前……成日都咁做。」

「用西多士當做生日蛋糕?」

「每年嗰個女仔生日,我哋都會去憶記冰室食抹茶西多士慶祝。」

「邊個女仔?」

「……游海琳,我生命入面最重要嘅人。」

窗外,下起纖纖細雨。

微弱的淡黃燈光下,我倆並肩坐在狹小的卡位,盯著熱騰騰的抹茶西多士。

「所以,你畀我食西多士,係利用本小姐做工具人緬懷另一條女?感覺真係差。」她不滿道。

「唔係。我請妳食西多士,係因為妳打賭贏咗。」

芊柔聽了我的話,足足呆了幾秒:「所以,你對自己許下承諾,要造出嘅甜品……」

「冇錯,就係抹茶西多士。」

「……喔。有啲突然。」芊柔依然呆若木雞,「恭喜曬。」

「所以妳贏咗,我宜家就請妳食咯。」我道。

她遲疑幾秒,吹熄蠟燭,拿刀叉切出一塊沾滿抹茶醬的西多士,放進嘴裏。

「好唔好食?」我問道。

她咀嚼得很慢,靜默了足足半分鐘,然後才道:「完全係茶餐廳嘅水準。估唔到你一直造唔出嘅甜品,係咁簡單嘅嘢……同我幻想中有啲唔同。」

「其實,我直頭覺得難食。」

「……吓?你一直想造出嘅,係自己都覺得難食嘅食物?」她很詫異。

「我要造出嘅,係憶記冰室嘅味道,必須做到一模一樣。我為咗造出呢種味道,已經足足用咗2年時間鑽研。」

「……點解要咁做?」

我看著一臉凝重的芊柔,低頭沉默了一會兒。

睡房內縈繞的,只剩窗外迷濛的雨鳴,整個世界都噤聲了。

窗已牢牢關上,寒氣卻仍是肆意進襲,與門口的暖爐分庭抗禮。

芊柔目不轉睛盯著我,臉蛋白裏透紅,仿若染血的雪。

或許是太久沒喝酒的關係,頭開始發痛起來。

「……如果你唔想講就算——」

「唔可以。」我按著沉重的額頭,「由打開呢間房門開始,我就下定決心,唔可以再逃避。我要面對我嘅過去……只要妳願意聽。」

「……」

「……」

「本小姐,聽緊。」她道,仍舊別過臉。

「……2年前,我就係喺呢間房,傷害咗游海琳。」

「……」

「一直以嚟,我內心都反覆諗緊……佢會唔會憎我。」

「……」

我盯著熄掉的蠟燭,一股悲傷的感覺,席捲而來。

「佢係個……係個……」

我的頭,痛得像要撕裂般。



我再一次,回到這個湖裏。

我直視燃燒的大樓裏,隔窗看我的女孩。

我驚恐不已。

我跑進大樓的濃霧裏,不知為何,我清楚她所處的位置。

我闖進那單位,那道門卻上鎖了。

我耗盡力氣,亦無法打開它。

她就在門的另一邊。

而我,只能隔著門,不知所措地喊著。

【44.89234867】

2022-09-19 22:13:24
夠75正皮會再加更希望鍾意故事嘅正皮、留言,等阿夢知道有人追緊


9月19日加更目標
(1)【連登Post 2】正皮數達 75
(2)【Penana本故】喜歡數達 1500(連結:https://www.penana.com/story/109261
(3)【IG】Followers數達標​​​​​ 1250 - [IG:utopian_hunter]

-加更目標每晚更新
-每日最多加1更

堅持好難,但你嘅支持,就係我寫落去嘅理由!
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter


[/quote][/quote][/quote]
2022-09-19 22:58:18
燒死咗
2022-09-19 23:04:09
今個故,只係阿夢一個大Project嘅起點,
我打算建構一個大世界觀,《記憶信貸》作為第一彈,之後會有唔同嘅故事共享世界設定
2022-09-19 23:06:26
如果海琳真係被燒死咗......對天宇而言真係永烙心底嘅陰影

但若果海琳真係燒死咗,就需要解釋點解天宇早前巴士上會遇到海琳,非常詭異
2022-09-19 23:50:36
第20話問答出咗,大家點睇程雨奈?歡迎去IG Story投票,亦歡迎喺度留言話我知

2022-09-20 00:20:46
係咪撞鬼咋
2022-09-20 00:32:16
天宇自己都認為係幻覺

下一篇,就會揭曉更多天宇與海琳嘅過去,或者解答到你嘅疑問
2022-09-20 06:05:29
2022-09-20 08:20:36
2022-09-20 09:29:37
好亂啊我
2022-09-20 10:23:30
巴打睇完今晚嗰話,就唔會亂,會知道好多背後嘅故事
故事會正式進入一個截然不同嘅新階段!
2022-09-20 12:49:03
日日追日日推
2022-09-20 14:52:23
感謝麻婆絲打
2022-09-20 14:53:23
第21話問答都出爐了,大家評價吓天宇嘅表現先

2022-09-20 22:03:00
2022-09-20 22:12:18
雨傾盆而下,沖洗著滿城戾氣。

我按著劇痛的額頭,拼命回想與游海琳有關的過去。

可是,那幾乎是徒勞無功的。

與游海琳有關的記憶,仿佛被壓碎似的。

只能記起零碎,無法湊成完整的圖畫。

 就好像,局部忘記了她一樣。

「點解會咁……明明我清楚記得游海琳……點解突然會記唔起細節……」我喘息著。

芊柔盯著窗外的雨,沉思了一會兒。

「因為你同佢嘅記憶,即將成為交易嘅利息。人類腦海儲存即將作為利息嘅記憶,有時會產生混亂,雖然情況比較罕見。」

「但明明我仲未繳交利息!」

「呢段記憶仍然保留你腦海,只係會出現模糊化嘅現象。」

我不再追究下去,盯著睡房牆壁的污跡。

那是乾掉的血跡。

悲傷從心房傾瀉而出。

「雖然……我對游海琳嘅記憶好模糊……但係……嗰晚我係點樣傷害佢,我仲歷歷在目……係咪好諷刺?」

「嗯。」芊柔仍在聆聽。

「同游海琳爭吵嘅一刻,我體內有股莫名嘅躁動,覺得世界太多雜音。我好想……擺脫一切。當我恢復清醒嘅時候,就見到佢靠牆趴低,用嗰副眼神望住我……嗰副……有某啲嘢破碎咗嘅……眼神。」

「你推跌咗佢?」

我瞧著發顫的右手,吞一口口水。

「我用右手打中佢塊面,令佢撞到牆上。」

「……」

「我意識到自己對佢施暴,罪咎感湧上心頭……我自知失去咗理智,好怕自己會再失控,對佢造成更嚴重嘅傷害……所以我離開睡房,離開屋企,去咗後樓梯冷靜自己……但係……但係……」

芊柔一語不發,盯著我。

我捏著右手:「我……我唔知道……我令佢個頭撞到牆,流咗好多血……佢當時已經處於半昏迷狀態……而我忘記咗,自己一直開住煤氣爐,煮緊咩已經唔太記得……唔知幾耐之後,我先注意到,家門湧出黑煙。」

一場火災。

我把游海琳,困在了一場火災裏。

「火好快被撲滅,佢被送到醫院。而我亦因為精神虛弱,入院昏迷咗兩日。自從我醒返之後,就冇再見過佢。佢只係放低咗一本筆記本喺我病房,入面寫咗一首詩。」

那就是《Me Without You》,程雨奈看過的那首詩。

「點解你唔搵返佢?」芊柔問道。

「『點解』?……我想搵返佢,懇求原諒,但係……我可以點?」我的右手越抖越烈,「一個打破承諾嘅人,有乜嘢資格被原諒?」

「承諾?」

「我承諾過游海琳……永遠都會喺佢身邊……但係……哈哈……令佢流血嘅係我,而當佢被濃煙嗆住喉嚨嘅時候,我偏偏遺棄咗佢……」

我為了一群不愛我的人,就把唯一愛我的人丟進煉獄。

凡天宇,就是如此卑劣的人。

我看著佈滿淚水的雙手,苦笑著:「我……做乜喊?加害者點解要喊?博取可憐?」

「因為你著緊佢。」

我低頭看著右手:「自從嗰日起,我就唔再鑽研廚藝。我退出咗比賽,放棄到東京廚藝學院進修嘅機會,以後幾乎唔再下廚。烹飪係應該令他人幸福嘅,我冇辦法用呢隻傷害過佢嘅手,繼續追呢個夢。」

「……」

「我亦將呢間睡房鎖上,以後唔再打開。」我哽咽著,「每當諗起自己將游海琳打至頭破血流,將佢棄置喺火災現場……我就覺得自己好污糟……當時嘅佢一定好痛苦……點解……我會做出咁嘅事?佢一定好憎我,妳話係咪?」

「……」

「當我第一次,從未來記憶目睹程雨奈嘅死狀……我就即刻回想起游海琳趴喺牆邊嘅畫面……」

不同的人,不同的時間,卻是相同的姿態。

「所以,你選擇救程雨奈,係因為佢?」

「……我已經傷害咗游海琳一次,如果今次救唔到程雨奈,就等同傷害多佢一次……」

「你答應交易,係贖緊罪?」

「……我唔知道。」

我倆又沉默片刻,然後我道:「無論如何,我總算守返一個承諾。」

「承諾?」

「我應承過游海琳,要整出同憶記冰室一模一樣嘅抹茶西多士。」

「點解?」

「我哋每個星期,都一定會去憶記冰室食飯。佢最鍾意食嘅就係抹茶西多士,每年佢生日,我都會帶佢去食。」

「……嗰個女仔真係單調。」芊柔悶聲道,她似乎不太喜歡西多士。

「憶記冰室結業之後,我就參考餐廳設計,砌成咗呢個卡位。我本來打算學識整嗰款西多士之後,就帶佢嚟呢度。」

「搞咁多嘢,為乜?」芊柔皺眉。

「佢開心。」

「白癡。」她無奈道。
2022-09-20 22:19:29
夠75正皮會再加更希望鍾意故事嘅正皮、留言,等阿夢知道有人追緊


9月20日加更目標
(1)【連登Post 2】正皮數達 75
(2)【Penana本故】喜歡數達 1500(連結:https://www.penana.com/story/109261
(3)【IG】Followers數達標​​​​​ 1250 - [IG:utopian_hunter]

-加更目標每晚更新
-每日最多加1更

堅持好難,但你嘅支持,就係我寫落去嘅理由!
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter


2022-09-20 22:52:28
還未捨得不痛心 怕刻骨不銘心
在記憶裡愛 不痛不真
2022-09-20 23:02:34
原來凡膠同琳琳有咁嘅往事
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞