【你有冇一個忘記唔到嘅人？】《為拯救未來逝去的妳，我成了記憶信貸的客戶》(2)

夢巴同我哋有時差，佢每日都咁早起身真係好勁

又要讀書又要日日咁準時出文...真係唔容易

「根據公司紀錄，記憶狀態反常嘅人類，例如記憶錯亂、失憶痴呆者，被收回記憶後可能會出現『記憶殘留』嘅現象，佢哋仲會短暫記得原版嘅記憶，但記憶會出現碎片化。」
伯父有痴呆，但天宇…

每日6點起身之前好啲，宜家開始遲天光、寒咗，難咗起身，
其實主要係做曬自己嘢，已經係深夜時分，呢個時間先可以專心處理出故嘅嘢，搞吓搞吓就到午夜後，第二日又唔夠精神，週而復始

我都好想休息，但我更想你地持續可以有文睇
寫故只係出故嘅第一個步驟，連載係第二個，
連載嘅節奏影響追Live讀者嘅體驗，尤其係懸疑故事，
一旦甩咗，體驗就會打折扣，
我想故事入到心，咁就要有咁嘅覺悟，
將原定計劃執行到底，無論有幾多人睇，無論評價係點。

而我係好享受於故台連載，
因為就好似同你哋一齊喺另一世界體驗旅程咁，
但故台連載係要雙向嘅，
所以我好感激，喺今時今日咁困難嘅境況，
仲有你哋陪我，開啟新一趟旅程，
我相信，故事係可以連結到我哋嘅。

多謝夢巴既付出

故台既故都追過唔小...但可以令到我變死忠得夢巴你一個

唔通......係記憶錯亂

之前天宇都成日幻覺見到一個湖，湖中心有棟燃燒中嘅大廈

多謝HomeLess巴仲有各位追故嘅巴絲
暫別4年，感覺環境變咗好多，
而我自己都變咗唔少，
希望係好嘅改變，
包括第一次寫愛情故，
下一篇計劃寫驚悚奇幻懸疑故事，希望尋求突破，畢竟已經寫過好幾次

近4年直情成個世界都唔同哂...

但無論個世界點變點亂...就唯有追文果一刻可以抽離依個世界咁...所以我好鍾意追文

love you夢巴

我成日覺得，故事係虛構嘅，但故事蘊含嘅情感通常都係真誠嘅，
所以無論風大浪大，故事會係個避風港，將我哋嘅情感連結起嚟

無國界醫生絲打

依家出文

《第28話：我知道你們帶走了她》

[13] 抱歉，我已經太累了。

我和Wiki抵達318號病房。

程雨愛手抱一個布袋，在門外的橫凳坐著，她一看見我就焦急地彈起。

「伯父點？」我關切問道。

「……情況已經穩定返，清醒，宜家喺房休息緊。」

「容我一問，伯父係咪有家族遺傳心臟病？」

「……頭先佢喺屋企客廳，一直自稱胸口唔舒服，維持咗一段時間，突然跌咗落地，呼吸急促，仲呼喊話自己個心臟好痛……」

「……佢冇事就好喇。」

「但係點解凡天宇你會知道，我家族有遺傳心臟病？我明明……冇同你提起過㗎喎……」程雨愛皺眉道。

對，這是程雨奈告訴我的。

但我不想再為程雨愛添煩了，故不予回應，轉而問道：「妳叫我嚟，係想我去見一見伯父？」

「……我……實在唔知點解釋好……」程雨愛瞧著病房門，「自從你發完癲離開我屋企，嗰條友就不斷提起『程雨奈』，問佢去咗邊……點解會咁？你對佢做咗咩？」

「……我乜都冇做過。」我深感錯愕。

「你可唔可以，入嚟見一見佢？」

我望向Wiki，他拿出那半包消化餅：「我喺出面等你。」

⦾

這是一間單人病房，空間寬敞，蒼白的燈光照亮每個角落。

我倆從門口望見伯父，他躺臥在病床上閉目。

程雨愛站一旁對我道：「……你同嗰條友傾。」

對，程雨愛與父親關係大概仍然不好，即使她無故忘記了姊姊，這一點亦不會改變。

我緩緩走近伯父，他半開雙眼，凝視著我。

「伯父。」我站他側旁，凝望者他虛弱的模樣。

才不見兩日，貌似老了十歲，彷彿丟失了靈魂似的。他臉上的皺紋彷彿多了幾條，雙目無神，臉色蒼白。

他與我對望，一聲不吭。

慢慢地，他空洞的雙眸睜大，然後死盯著我。

「……伯父？做咩事？」我難掩困惑。

「姐……」

「伯父你慢慢講。」

「……姐……姐……」他臉露驚惶的表情，嘴巴在微顫。

當我不知所措之際，他卻突然把三個字吐了出口。

姐控君。

我如觸電般，陡地一震。

「……凡天宇，佢講乜？」程雨愛問道。

「佢……叫緊我。」

 「乜你有個咁難聽嘅名咩？」

程雨愛不記得「姐控君」這名字，是可以理解的，因為這個名字的誕生，乃歸因於程雨奈說過的話。



「相比起『究極之姐控』，我比較想叫返你『冬甩』啵。」

「……吓？」

「課室好細，消息一日傳千里。」

「……我先唔係乜鬼姐控——」

「邊位係『乜鬼姐控』？嘻嘻嘻嘻！少年你終於嚟喇？阿爺等咗你好耐！雨奈，呢位『姐控君』就係妳男朋友？」



若然程雨愛忘記了程雨奈，連帶把「姐控君」一併忘記實屬合理。

最怪異是，伯父竟然記得。

「姐控君……姐控君……」

滑稽的暱稱，在此時此刻聽起來，竟成了最詭異的名字。

「……我喺度，做咩事？」

「雨……奈……呢？」

伯父果然記得程雨奈。

「係，你有兩個女，程雨奈同程雨愛，係咪？」我握著他冰冷的手，他卻抓緊我的手，猛地拉扯起來。

「雨奈呢？！」

「……我——」

「我知道你哋帶走咗佢！我知道你哋帶走咗佢！」

我被伯父扯著衣領，程雨愛連忙分隔我倆，我卻陷入前所未有的迷茫。

程雨愛好不容易安撫好伯父，讓他躺回床上，他卻是虛弱不堪——是那種下一秒斷氣都不足為奇的程度。

伯父望著程雨愛，氣息不順：「嗰……本書呢？」

我瞧著程雨愛，她遲疑地從布袋裏，拿出一本綠色的硬皮書。

那是《挪威的森林》日文版，但不是上冊，而是下冊。

伯父接過書，揭開內頁，不斷翻著。

「……啲字呢？」

程雨愛愁眉苦臉：「呢本係錯版書，從來都冇印字——」

「我有喺入面寫字！寫滿曬成本簿！冇可能……冇可能……」

伯父把書抱胸前，露出如喪考妣的頹相。

程雨愛沒反駁，似乎認定伯父是瘋掉了。

這時，伯父從褲袋掏出一個殘破的啡色皮製錢包。他在錢包中找呀找，最終掏出一張支票。

但那不是普通的支票，支票被過了一層透明膠，明顯被悉心保存。

而且，那不是什麼正式銀行的支票，而是鬆弛熊出品的模擬支票，左上角還有隻鬆弛熊拿著一枚金幣的模樣。貌似給小朋友學習理財概念用的玩具。

但是，支票什麼都沒寫。

「明明寫咗字……點解啲字冇曬……明明寫咗字……」伯父哀傷地瞧著空白的支票。

「……呢張支票係？」我問道。

「……係雨奈開畀我嘅，我寫好咗……但一直冇畀佢……」

「……點解？」

我瞧著伯父空洞的臉容，一聲不吭。

「姐控君。」

「……係，伯父。」

伯父把《挪威的森林》下冊及支票，硬塞進我的手裏。

「你係咪雨奈嘅男朋友？」

我呆了一會，才誠懇地回答：「我係程雨奈信任嘅夥伴。」

「姐控君，有件事要委託你……只有你……可以幫……幫到……」

伯父以顫抖的手，猛拍我的肩膀，說出那番話。

醫生說，伯父情況算是穩定，但必須留院觀察，請我們先回。

由於探訪完畢後已夜深，而醫院距離太浦區有段距離，程雨愛就召喚了Uber，說可順道接送我倆到她家附近。Wiki住在鄰近的語大宿舍，我則可轉乘272A巴士回家，所以沒理由拒絕。

程雨愛坐前座，我和Wiki坐後座。

車內漆黑一片，窗外亦屬鄉郊路段，燈光昏暗。

「你覺得個蛋糕好唔好食？」程雨愛突然開口，似乎是問我的。

「……吓？」

「妖，你唔係忘記咗啊嘛？」程雨愛回頭瞪我。

她是指昨天送我的，有噁心粟米的Hell of Yellowness吧。

「……我以為你唔記得咗就真。」我苦笑。

「點解？」

我思緒紊亂故沒有回答，程雨愛皺眉道：「唔係又同……程雨奈有關啊嘛？」

「尋日我係因為程雨奈嘅事，先追蹤Leon架Tesla。而妳當時話妳係要多謝我照顧妳家姐，所以先送蛋糕我食作為答謝。」

「邊度有呀？明明係想你試食，所以先塞畀你……」程雨愛回想著。

「雨愛小姐，請妳相信佢。」Wiki罕有地開口，「佢冇必要捏造一個虛構人物出嚟，咁做對佢根本冇任何好處。就算真係捏造，妳父親剛才嘅言行亦無法被解釋。」

程雨愛亟欲反駁，最終卻只是望回前方，一聲不吭。

一會兒後，前座傳來啜泣聲，燈光昏暗，誰都沒看見誰哭。

「我完全唔明白……點解……會搞成咁……我已經得返嗰條友一個家人……如果佢出咗事嘅話……點……」

果然，程雨愛還是個心腸不壞的孩子，儘管任性頑劣，跟父親冷戰多年，到了這種關頭還是在乎他的。

Wiki開口道：「雨愛小姐，你放心，你父親一定會平安無事。」

「……啊？」

「因為『究極之姐控』一定貫徹使命，令真相水落石出。」

什麼？Wiki你又胡言亂語了！

程雨愛呆了呆，然後盯著Wiki道：「邊個係『究極之姐控』？」

此時，Uber已駛至程家所在的路段，那棟獨立屋映入眼簾——

什麼。

獨立屋大閘外的郵箱前，站著一個身影。

那人塞了什麼進郵箱內，沿著跟我們相反的方向行走。

那人跟我們擦身而過的瞬間，我看清楚了那人的模樣。

「係助教，程雨奈。」Wiki搶先道，程雨愛則慌張地掃視窗外。

此時，程雨奈截停了一輛的士，車往反方向駛走了。

時值深夜，程家又沒有人，雨奈幹嘛到程家門外？

那即是說，她還記得自己是程家一份子吧？

等等，她剛才放了什麼進郵箱？

Uber一停下，我們立刻下車，圍在郵箱跟前。

程雨愛掏出鑰匙，打開了郵箱，取出一個薄薄的白色信封。

給：愛

信封只是這樣寫著，那是給程雨愛的信吧？

程雨愛即場拆開信封，取出兩張折疊的紙，由於燈光昏暗，她瞇著眼才勉強看清信的字。

程雨愛驚呆地站在原地，一聲不吭。

「……做咩？」我問道。

「係……佢寫畀我嘅信……只有佢會稱呼我做『愛』。」程雨愛顫抖著。

「係我媽咪。」

Penana就快夠1500喜歡，一夠就會加更！
希望鍾意故事嘅正皮、留言，等阿夢知道有人追緊
https://www.penana.com/story/109261

10月1日加更目標
（1）【連登Post 2】正皮數達 100
（2）【Penana本故】喜歡數達 1500（連結：https://www.penana.com/story/109261）
（3）【IG】Followers數達標​​​​​ 1250 － [IG：utopian_hunter]

-加更目標每晚更新
-每日最多加1更

堅持好難，但你嘅支持，就係我寫落去嘅理由！
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter

夢巴：[13] 抱歉，我已經太累了。

第27話IG投票開始

很累
完故要休息吓

媽咪又出嚟

劇情越來越無法理解
已經過身咁多人嘅人，點解會有信寄出呢？

我估係雨奈bb寫嘅

點解鐵拳巴咁猜測雨奈咁做有咩目的？

因為佢知雨愛唔知邊個係雨奈所以唔可以用自己身份？