【你有冇一個忘記唔到嘅人？】《為拯救未來逝去的妳，我成了記憶信貸的客戶》(2)

狩獵夢的人

998 回覆

122 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁

正皮王 2022-10-18 07:19:19

究竟海琳只係隱約記得兒時玩伴嘅原因係咩

唔通好似凡膠咁因為使用記憶信貸而對海琳記憶碎片化？
定係做咗司億者就會失去人類身份，所以海琳唔記得佢

狩獵夢的人 2022-10-18 09:25:48

【作者感想】《你有冇一個忘記唔到嘅人？》

阿夢想趁連載暫止，寫吓點解選擇《共同渡過》做插曲。好想好想，將背後心意傳遞予屏幕前嘅你。

呢篇可能長咗少少，但我忍唔住。
相信睇緊嘅你都係心愛、心疼芊柔，唔會介意。
下含劇透，追到最新37話嘅你，請放心食用。

【1】芊柔好愛Leslie。

從佢總係用唱片機、手機播Leslie嘅歌，從佢嗰日同天宇唱K，點唱嘅《風繼續吹》、《追》，就唔難估到。而《共同渡過》係Leslie喺最後一次紅館演唱會，可能係最後一首演唱嘅歌。無緣到現場嘅我，只從錄像望住Leslie唱完最後一句，哽咽踏下萬人舞台。

【2】芊柔好愛共同渡過。

愛到佢喺K房，喺天宇隔離，唱唔完呢首歌。
一首歌，會被唔同聽眾賦予自己的意義。
而喺芊柔心裏面，《共同渡過》係佢對天宇嘅一封信。
告白信、告別信。
芊柔係個笨拙嘅女仔。每當遇到釋出好意嘅人，都會盡力拒之千里。
因為佢厭倦被遺棄。
佢以為封閉自己，就能夠避免受傷。
直至佢遇上咗天宇。
天宇呢條白癡，係個成日做錯事嘅人，但佢只要做啱一件事就夠。
佢喺芊柔被困十字路口，情緒崩潰之際，一齊坐上車頂。
知悉芊柔失常嘅人群中，有人避諱，有人奚落，有人飾演好人，傾倒開倉價嘅關懷，呢班人冇一個真正理解芊柔，佢哋只係急於為他人嘅困境給出解釋，好讓自己嘅世界觀運作如常。
但天宇放棄解釋，只係同芊柔一齊經歷。

曾在我的失意天疑問究竟為何生
但你驅使我擔起灰暗勇敢去面迎人生

【3】芊柔好愛天宇。

一路走來，你可能遇過自以為了解你嘅人，向你浮誇獻媚嘅人，
但你有冇遇過，一個不計理由同你坐埋一齊嘅人？
未必，因為咁樣做嘅人，99%係個白癡。
但正正係呢個白癡，令芊柔從此死心塌地。
因為天宇鍾意齋食雪糕，而選擇食雪糕筒。
因為天宇想喺異國開咖啡廳，而憧憬做老闆娘。
因為天宇將被雨奈嘅死亡摧毀未來，而選擇成為司憶者，幫助天宇拯救雨奈。

若我可再活多一次千次
我都盼面前仍是你

【4】芊柔太愛天宇。

因為太愛，佢為咗挽回天宇黯淡嘅人生，幾乎犧牲性命。
因為太愛，佢寧願撮合天宇與雨奈，自己轉身離去。
因為太愛，佢自以為愛唔起。
一旦依賴對方嘅存在，當對方消失，自己就會墜入孤獨深淵。
失去凡天宇嘅湖芊柔，就好似寓言故事中，失去天嘅湖一樣。

沒甚麼可給你但求憑這闕歌
謝謝你風雨內都不退願陪著我

所以，芊柔選擇消失。
從天宇嘅人生消失。
告別之前，佢想用呢首歌，
向天宇道謝，
向天宇道別。

只係佢唱唔到落去。
就好似，
只要唔唱完最後一句，
呢個世界就唔會完結。
呢個尚有心愛男孩嘅世界。

芊柔，有一個忘記唔到嘅人。

阿夢諗，如果芊柔親口唱呢首歌畀天宇聽，個意境會係點樣？
所以，就有咗呢個構想。
幾個月前嘅某日，冒昧同由美提起構想，佢好快答應咗，仲有CT完美嘅編曲、伴奏。
我唔想辜負佢哋嘅用心，
我想將呢份用心，傳遞畀喜歡故事嘅你知道。

我唔知何謂一部好作品，
但我承諾，《記憶信貸》係部好用心嘅作品，
今次嘅《共同渡過》Cover亦絕對係，
值得你抽出時間，
感受旋律間、字句裏嘅情感。
願你分享出去，分享畀你喜歡嘅人聽。
然後將呢首歌，存喺心裏。

呢篇感想，願你抽空睇完，阿夢會好感謝你。
再次感謝由美、CT製作《共同渡過》Cover，
由美仲通頂繪製芊柔插圖，
希望你哋鍾意。

【立即聽歌】
https://www.youtube.com/watch?v=7HIyki3b6wQ&ab_channel=YUMICORNER&loop=0

狩獵夢的人 2022-10-18 14:20:50

幾可肯定有記憶被修改嘅情況，而唔係記錯

因為就算係天宇從記憶帽窺探嘅海琳記憶

玩伴嘅臉孔都係空白嘅

呢種記憶缺失對海琳真係好大折磨