【你有冇一個忘記唔到嘅人？】《為拯救未來逝去的妳，我成了記憶信貸的客戶》(2)

998 回覆

122 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁

炸開大肚婆個肚 2022-10-23 22:50:18

Cdrom1344 2022-10-23 23:03:21

唔駛寄刀片

狩獵夢的人 2022-10-23 23:22:11

寫感想同時，
亦期待巴絲嘅讀後感

為人正直 2022-10-23 23:46:51

終於大結局
諗到自己都同凡天宇一樣有個忘記唔到嘅人
但係由於各種原因都係分開咗
如果將來有一日可以撞返佢
可以好似凡天宇同游海琳咁重新擁有未來就好

唐寧瞓教瞓靈堂 2022-10-24 01:00:51

好甜估唔到happy ending到

煩膠終於都有腦唔再做啲睇到人炆嘅野

Btw多謝夢巴咁有心寫個故出黎

仲要有埋cover

新傳閪 2022-10-24 01:08:33

好浪漫

出書提我買

狩獵夢的人 2022-10-24 01:44:15

《後記：謝謝你們活在我虛渺的命裏。》

你好啊，我係狩獵夢的人，阿夢。
《墮樂園》完結時，與你許下嘅歸來之約，雖然遲到，總算信守。

終於又到結局，傳統上阿夢都會寫篇後記。
明明有咁多嘢欲言說，落筆之際竟然通通卡曬喺腦海。
要從邊度開始寫好呢？

你哋定必留意到，阿夢寫嘅故事，同以前有所不同。
《記憶信貸》，於我有特別意義。
我講過，呢23萬字，係我寫畀你哋嘅一封信。

本來，我想寫另一個結局。
天宇與海琳，遺忘對方，從對方人生消失。
聽落殘忍，但你我嘅命途何嘗唔係。

你我，係由過去塑成嘅。
因為擁有經歷，此刻嘅自己先能夠成立。
而記憶，就係承載經歷嘅容器。
換句話說，記憶係生命嘅載體。

生命，原來唔容易。
過去，阿夢同你哋一樣，承接咗好多唔容易嘅記憶。
唔容易到，竟然習慣以「唔容易」咁婉轉嘅言辭形容，真係好笑。
明明錐心。

錐心，我諗起好耐以前嘅某日，傍晚6點。
我坐喺佢隔離。
盛夏，窗外好涼。
我靠喺佢肩膀，好暖。
我不受控咁，喊咗半個鐘。
彷彿，要將內心悲傷全數傾瀉。

如果可以將呢段記憶，好似銀行匯款咁匯走，
人生呢個戶口，好用好多。
現實中，我哋冇辦法消除記憶，
但故事裏有記憶信貸，
所以程雨奈、游海琳選擇咗。
選擇與過去嘅鬱結與淚水決裂。

卑唔卑鄙？
我唔知。
我只係知，咁樣，似乎令自己好過啲。
人生已經難，有冇必要再俾記憶折磨自己？

但係，如你所見。
阿夢冇將嗰個結局寫出嚟。
非因怕你哋失望。
非因我唔夠殘忍。

而係，天宇海琳，鼓起勇氣面對自己嘅過去。
好似天宇所講，佢從來冇得選擇在唔在乎海琳。
因為佢係由記憶所構成，記憶嘅每個角落，都係游海琳嘅痕跡。
佢哋已經，係彼此心嘅一部分。

佢哋，同我哋一樣。
嗰日，我望見緊擁嘅人們，
我意識到，你我總有一日離別。
但你知道嘛？
我哋喺彼此心裏，劃下嘅每道痕跡，唔會隨住離別而消失，
而會成為生命嘅一部分。

所以，阿夢先寫《記憶信貸》。
透過呢一封信，講出我想對你哋講嘅說話。

我哋嘅過去，我都想一一保存。
機場飛機升降嘅軌跡。
葵廣珍奶雪糕嘅甜膩。
冒險樂園嘈雜嘅笑聲。
K房喇叭粗糙嘅音韻。
無論討好嘅討厭嘅，
無論開心嘅悲傷嘅，
我都要存留心裏。

因為，我從來冇得選擇。
因為，你哋係我生命嘅一部分。
因為，你哋係我屋企人啊。

【特別鳴謝】（排名不分先後）
用心製作好歌嘅Yumi、CT、金昔
為故事繪製超靚插圖嘅亞連
供應無限鼓勵、無敵建議嘅牧草巴打
給予好多建議與支持嘅阿水前輩
畫咗芊柔雨奈圖打氣嘅1679絲打
兩年來一直相伴嘅顧問妹妹
與我相遇嘅文字
留言支持嘅巴打絲打
願意於故事與阿夢再遇嘅你

我哋，下個夢再見。

謝謝你們活在我虛渺的命裏，帶來歡笑與眼淚。
但願到了最後，我都能把你們的笑容存在心裏。

狩獵夢的人
2022年10月23日，10:19，溫哥華

【感謝Yumi嘅繪圖，超級超級靚
《記憶信貸》主題曲不日推出，
敬請期待！！！】

HomeLess 2022-10-24 01:51:39