【你有冇一個忘記唔到嘅人？】《為拯救未來逝去的妳，我成了記憶信貸的客戶》(2)

唔緊要，我哋有wiki

宜家天宇崩潰，只可以靠Wiki扶持鳥

第一次正式睇雨奈死前既未來記憶應該係上左呢個女仔身？

天宇係咁樣推斷嘅，因為杯麵女穿著嘅捲摺黑襪、星型鞋帶等等，都同第一次體驗未來記憶嗰個對象嘅穿著特徵相符，至於係唔係，就要進一步證實/否證

第26話投票

你哋覺得故事係步向緊乜嘢Ending？

Happy Ending
Sad Ending

留言話我知點解

凡膠有事唔係諗點解決 第一下就發人脾氣

凡膠有事唔係諗點解決 第一下就發人脾氣

《第27話：沒辦法放心的人》

[13] 一旦愛了，就注定陷入虛無裏。

語大山腳，有個小型的湖泊——地平湖，坐擁號稱全校最俏麗的景色。

Wiki和我身處地平湖邊的涼亭，我倆坐在長方形石凳上，凝視吞噬著傾盆冷雨的湖。

長傘被撐開擱在一旁，雨水墜落石地上。

滴、滴、滴。

真是令人不快的伴奏。

「……你帶我嚟呢度做乜。」我意志消沉。

坐在側旁的Wiki咀嚼著消化餅，不予回應。

怪傢伙。

直到他把半包餅都吞掉，才蹺起二郎腿，朝我展示手機屏幕。

那是一堆初生小貓，圍繞著母貓的照片。

「……乜？」

「係Pedia兩星期前生嘅貓仔。」Wiki道。

我看他，他看我。

「你搵我，就係同我講呢件事？」

「係。」

 什麼，竟然直接承認了。

可是，經歷過這半天的衝擊，我已連站起的力氣都沒有，更談不上發脾氣了。

 我只是一事無成的廢物。

想不到Wiki道：「凡膠，唔傾Pedia，我哋仲有乜嘢其他嘢可以傾？」

「點解？」

「我仲等緊你話我知，到底發生乜事。」

我抬頭一瞥Wiki，卻徹底怔住了。

他的眼神在雨中閃閃發光，銳利如黑夜的山貓。

他散發的不再是怠惰，而是洶湧的自信。

我發誓從未見過這樣的他。

「程雨奈，係咪即將會死？」

 Wiki咬崩一塊消化餅，罕有地發出清脆的碎裂聲。

⦾

「……你……點解會知？」

「凡膠，你乜嘢都寫曬喺塊面度，就算係Pedia都睇得出。」

我的臉上，大概沒有寫上「程雨奈即將會死」的字句。

我從未跟Wiki提及過，我在調查程雨奈的死亡事件，他怎可能知道？

「明明係你要答我問題，宜家你審返我轉頭。」Wiki攤開兩手，「哀哉。」

他用了幾分鐘，剖白了自己的觀察。

「10月11號。你喺Lecture Hall將程雨奈推向牆邊，你嗰時手震不斷，但你明明已經2年冇呢個毛病。

結論，你最近兩個月被某件事困擾，持續感到精神緊張。」

Wiki竟然從那天起，就已觀察到我的異狀了，明明他當時一句話也沒說。

「12月22號。你上次請我調查墨鏡男嘅底細，強調要我盡快完成。以你吊兒郎當嘅性格，咁心急要知道結果係唔尋常。

結論，困擾你嘅事情，必須喺某個限期前解決，否則後果嚴重，而呢個限期已經迫近。」

的確，按照原定未來，程雨奈在12月31日下午11時59分就會死，那就是Wiki口中的限期。

「12月25號。咖啡店俾你嗰部針孔攝錄機，相信仍然喺0N0799度。點解我知，係因為我加咗一個追蹤定位裝置落去。」

「……你追蹤架Tesla？」我驚愕道，完全出乎意料。

「順帶一提，個追蹤器只係$199，鴨寮街買二送一。」Wiki淡然道，「Tesla最頻繁去嘅地址，就係程雨奈家宅。加上你都唔係第一次，被目睹與程雨奈往來。

結論，困擾你嘅事情係同程雨奈有關，而你調查緊佢。」

「咁又點……」

「10月25號。我喺Hell Canteen，對你講解程雨奈與企跳事件有關嘅時候，你起初不斷否認程雨奈企跳嘅可能性，但最後你補咗一句。」

「……乜嘢？」

「『唔通佢重複多次』。」

我徹底愣住，寒毛卓豎。

「你之所以咁講，因為你從某個渠道得知，程雨奈會再次企跳甚至真係墮樓，而時間點係暑假企跳事件之後。

但係，我順便調查過程雨奈，佢從暑假至今根本冇企跳或者高空墮下紀錄。所以，除非我資訊不完整，否則你口中嘅『重複多次』係仲未發生。

結論，你調查緊嘅，係程雨奈將會企跳或墮樓嘅事件。」

我已默不作聲。

「但係，一件事情未發生，就冇辦法確定佢會發生。你點可能預知，程雨奈未來會企跳或者墮樓？」

當我以為，Wiki瘋狂的推理就此止步，他卻吐出了一個姓名。

「芊柔小姐，佢唔係人類，係咪？」

我連呼吸都忘掉了。

「食宵夜嗰晚，芊柔小姐嘅言行舉止令我耿耿於懷。

第一，佢講過，你哋係『互相利用』嘅關係。

第二，佢以『愚蠢嘅人類』形容你，除非講笑，否則人係唔會刻意以『人類』形容另一個人。

第三，你鬧佢下一世變粟米，佢話『司憶者係冇下一世』。」

「……」

「我本身唔明，10月11號，你點解會預知到Lecture Hall大門跌落嚟，而你預知程雨奈將會企跳或者墮樓。但係，若果有芊柔小姐呢個因素，我就有個荒謬嘅假設。

芊柔小姐唔係一般人類，而係一種名為『司憶者』嘅存在，而佢擁有預知未來嘅能力。我有冇講錯？」

雨不知不覺止住，湖面瀰漫霧氣。

「Wiki。」

「聽緊。」

「你係咪一本百科全書嚟？」

「我諗唔係。」Wiki又執起一塊消化餅，「我只係鍾意觀察、記性比較好。」

「如果換著係你，件事大概一早解決咗，遠遠唔會搞到呢個地步。」

「去到一個乜嘢地步？」

「……救唔到程雨奈嘅地步。」

「點解？」

事情太複雜，我實在不懂說明。

「我仲……傷害咗芊柔……」我瞧著顫抖的右手。



「你知唔知，雪糕筒點解要存在喺世上？」



腦海只有芊柔跪地望我，淚血交織的臉孔。

她的苦笑，何其委屈，何其悲傷。

那是為什麼？為什麼？

「Wiki你知道嘛，芊柔佢一早講咗自己唔舒服，冇能力幫我，但係我唔信佢，覺得佢搵藉口拒絕……我剩係掛住搵出真相……我……用言辭攻擊佢……用合約威脅佢……最終搞到佢重傷昏迷……」我跪倒地上，「佢為我付出咁多，但我竟然唔相信佢，仲中傷佢……」

我為何要急於下定論，咬定芊柔會背叛我？我憑什麼？

我苦笑起來：「我呢個愚蠢、急躁、可恥嘅人類……仲談何拯救其他人？我不如死咗佢算，反正——」

狠狠的一巴掌。

力度大得，讓我嘴巴濺血，牙齒都幾乎要飛脫。

「好呀！咁想死呀嘛，去死吖！」Wiki扯起我的衣領，把我拖至地平湖邊，想硬生生把我推下水裏去。

「……喂喂喂！你癲咗呀！你——」

又是狠狠的一巴掌。

「係死就快，跳落湖度，唔好得個講字！」

「停呀！停呀呀呀！」

「你冇決心去死嘅話，點解隨便講死？」Wiki扯起我衣領，竭斯底里，「你花費咁多氣力，去拯救你重視嘅生命，然後遇到挫折就要去死？你憑乜嘢？你憑乜嘢呀！」

我從未見過，如此激動的Wiki。

他低下頭來，捲髮遮掩著雙眼，可我仍瞧見他水汪汪的淺啡眼眸。

我這才記起我倆的過去，恍然大悟。我大概無意中，說了些很過份的話了。

今天以來，我從未有一件事是做對的。

「……對唔住。」我盯著霧氣瀰漫的地平湖，梳理著紊亂的思緒，「自從失去咗游海琳，呢兩年我……個心好似缺咗一塊咁。所以，我已經唔想，再失去任何人喇。」

「……」

「你會唔會願意，嘗試相信我？」我望向Wiki。

希望鍾意故事嘅正皮、留言，等阿夢知道有人追緊


9月29日加更目標
（1）【連登Post 2】正皮數達 100
（2）【Penana本故】喜歡數達 1500（連結：https://www.penana.com/story/109261）
（3）【IG】Followers數達標​​​​​ 1250 － [IG：utopian_hunter]

-加更目標每晚更新
-每日最多加1更

堅持好難，但你嘅支持，就係我寫落去嘅理由！
【Follow IG】utopian_hunter
【Penana追故】https://www.penana.com/story/109261
【FB】 https://www.facebook.com/utopianhunter
【阿夢網站】 https://linktr.ee/utopianhunter

Wiki 勁到
其實想問好耐，夢巴以前係咪讀中大

的確係，仲中傷我家芊柔

如果嘗試同情佢嘅話，佢嘅崩潰係由累積嘅壓力造成嘅：
-雨奈無故「消失」，造成嘅精神衝擊
-夥伴芊柔似乎變得不可信，更覺無助
-發覺自己可能就係殺死雨奈嘅兇手，連自己都信唔到

Wiki根本係外掛一般嘅存在，
冇佢天宇一早畀荒謬嘅謎題壓垮咗

係讀中大不過故事嗰間係語大，是完全沒有關係的喔

其實好正常
我諗唔係咁多人可以頂得住咁大壓力，都唔爆發

若果係局中人，冇得退一步思考，的確上述任何一點都難以承受到。

Wiki作為觀察角色，相對可以好似我哋咁冷靜分析。不過搵出真相都係非常不容易。

起碼我而家完全no idea

雨奈嘅死因，開頭睇雨奈狀態似係自殺，然後因為0N0799又似謀殺，宜家睇到天宇喺天台又似誤殺，乜都有可能。

然後又殺出芊柔嘅新謎題

一定諗到頭爆

所以我先諗到頭爆都唔知佢點死

過多幾話就會知

仲有好多關鍵資訊等待被發掘

Wiki 係咪貓變做人嚟