分享下自己住sharehouse 遇閪人經歷
個鬼仔 22-23歲左右,話自己做廚房嘅,同佢馬來西亞女朋友一齊夾租
條友係特別麻煩﹐平時每次大大力閂門呯呯聲﹐大聲到成屋都聽到又震到牆身震哂﹐之前我間房嘅電掣都畀佢震鬆咗開唔到﹐之後我拆開電掣扭螺絲夾返緊要銅線先正常開到燈。
router喺佢間房度﹐唯獨係每次佢返到嚟都狂斷wifi,其他人返就無事。
洗衫夾硬塞爆洗衣機,部機都畀佢推到移哂位又較返好部機嘅位置,洗衣液滴到成地又唔抹,洗完衫又將啲衫留喺洗衣機一兩日up到臭都唔攞出嚟。
雪櫃長期放啲奶放到過哂期都唔理﹐就算理都只不過係攞出嚟放喺檯面﹐之後都係唔理﹐由得枝奶發臭。
用完啲公家廚具周圍放阻住啲位又放哂喺sink盤阻住人洗碗﹐又唔洗返好﹐同我講成日要返工好忙無乜時間﹐咁又會有時間用煮嘢食﹐有時間食煙﹐有時間傾電話、煲劇、約女屌女﹐偏偏就無時間洗返自己用過嘅公家碗碟?
又偷用人哋啲私人嘢﹐用完唔洗之餘仲用我到個鑊鏟溶咗,質問佢係咪用過,佢話最多賠畀你,連最基本嘅道歉都無,pancake day想整pancake畀佢條女但無公家發蛋器問我借,講明用完要即洗,最後都係要我WhatsApp 搵佢條女叫佢洗返,貼memo叫佢唔好用就黑撚哂面
到我中武肺就貼返memo叫我中covid唔好出現喺廚房(我有戴口罩)
![](https://na.cx/i/42A63WL.png)
,叫我哋餐餐叫外賣﹐我飲水都要去廚房裝水啦係咪呀
![](https://cdn.lihkg.com/assets/faces/normal/fuck.gif)
,結果到佢中covid嗰中都係見到佢喺廚房度整嘢食
![](https://cdn.lihkg.com/assets/faces/normal/clown.gif)
。
半晚三更傾電話成撚日喺度憤怒尻叫嘈住我瞓教﹐同條女鬧交、同人講電話好嬲嗰陣又掃冧佢間房啲嘢﹐嘈到成屋都聽到。
條友拎完個掃把上房之後又hold住個掃把之餘又將佢房入面啲垃圾頭髮碎就咁掃出佢房門口嘅走廊位就算﹐之後幾日唔拎返掃把出嚟﹐搞到每次都要我whatsapp佢女朋友叫佢拎出嚟﹐拎出嚟仲要唔係擺返去原本位置﹐就咁擺喺佢房門口﹐有次佢答佢女朋友(佢條女喺外面)話佢間房無hold住掃把﹐結果轉個撚頭枝掃把就出現喺佢房門口前﹐分明講大話啦﹐連自己條女都呃。
講到明屋入面唔可以食煙﹐佢就懶醒喺廚房把開少少門食煙﹐成個人喺廚房﹐每次就伸個門罅吹啲煙出去就當無事﹐天氣凍就懶到連去廚房門罅都唔去﹐直程喺自己房食煙﹐貼memo叫佢唔好喺房同屋入面食煙就嬲尻咁質問我哋係咪我哋貼﹐食咗又唔認。
沖完涼永遠都唔會抹乾身上啲水﹐圍住條毛巾衫都唔著就行出嚟﹐搞到成地水﹐地下濕咗又踩到黑哂又無顧及喺度住嘅女性。
熱水壺又叫我哋用哂要fill返啲水﹐我心諗熱水壺不嬲都係即裝即煲㗎啦﹐第一我唔會飲啲翻煲嘅水﹐第二我唔想啲水留喺度滋生細菌同蚊蟲﹐第三個煲長期浸住水會令煲入面嘅金屬生鏽﹐佢要我喺裝返啲水嘅原因只係單單到佢下一手想用嗰陣想「方便」啲﹐等佢唔使做裝水呢個動作﹐仆街﹐裝水呢個動作只不過需要十秒都唔使﹐係咪真係懶撚到咁呀。
用完電器唔熄返,搞到啲燈壞得住快,電熱水爐都換過
有次喺後花園整單車,佢又嚟後花園食煙,佢發現我係下風位,隻手指不斷彈佢枝煙等啲煙灰係咁吹向我度,好在我有著外套同反應快,即刻笠住外套頭帽防止啲熱嘅煙灰風吹我嘅眼同臉
22、23歲仔嘅佢成日都想表現成熟﹐想喺任何人面前包括佢條女面前想扮大人咁成熟﹐但又下下要條女跟佢啲手尾,係人都覺得羞家啦,最基本嘅責任就做得唔好﹐樣樣嘢都令人困擾
大家唔好見到白人就奶到雪雪聲
![](https://cdn.lihkg.com/assets/faces/normal/bye.gif)
,表面正正常常,一齊生活過先見真章
租sharehouse 盡量搵啲owner都喺度住嘅屋,話就話禁煙,事實係傳統煙、水煙、電子煙樣樣齊,閂埋房門根本證明唔到佢有食,開門嗰下煙味出哂嚟都可以死口唔認