犬隻訓練員 2 你問我答

想問下
屋企有兩隻狗 有一個惡啲 會恰另一隻
街外人經過花園既時候 惡啲果隻狗會去吠街外人
但吠完幾聲街外人會走去吠另一隻狗
明明另外果隻狗只係靜靜咁坐係側邊
我諗極唔明惡啲隻狗點解要咁做

但係呢個course係訓練狗？
想學做訓練員既話呢個都岩？
thx bro

第一次佢可以對個玩具有興趣而無理到我地係廳
第二次就直頭無視左個玩具想跟住我地

琴日領養咗隻大約一歲嘅狗仔
但佢好驚人⋯⋯唔畀摸
琴晚到今朝都淨係會「糊」人，好乖
今日晏晝想同佢玩 佢居然吠人
係咪有咩做錯咗？

其實呢個講法都冇錯，有時候比狗教仲好過人教。

不過我地要注意返因為BB有時Energy會太過高，作為主人嘅我哋，就要先比BB冷靜返先。

同埋松鼠狗體型偏細，bb狗越大可能會挑戰佢嘅地位，我哋要確保松鼠狗唔會一直處於一個緊張嘅狀態。

我哋要明確話到比BB狗聽，當松鼠狗食緊野嗰陣時候，佢唔可以騷擾松鼠狗。我哋要企係松鼠狗同BB狗中間，唔比BB狗騷擾到佢，確保松鼠狗有適當嘅空間。

佢好定其實係因為佢好緊張，唔敢陏。
聞新狗嘅時候我哋唔好長時間咁聞落去，
當見到對方唔好比佢地衝去聞對方。

開頭接觸多數係面前面，我地要留意自己同對方嘅狗狗，最好聞幾秒後分開，如果對方狗狗或自己隻狗狗冇興趣，咁我哋就唔需要再繼續。

如果有興趣，我地可以再聞。
可以係面對面或者係聞屁股。

如果係聞面，我哋就再分開幾秒先再比佢哋聞多次。
最後佢哋會互相聞對方屁股。

重點係我哋每一次聞既時間都唔可以多過5秒。
太耐狗狗會唔耐煩或者唔鍾意。
佢哋互相打咗招呼就可以。

同佢個主人講，叫佢買番對拖鞋比你同賠錢

如果想自己解決，就收埋啲拖鞋同埋用圍欄欄住自己d花盆。點解佢會入到你屋企㗎？

今個假期同佢訓練完，有冇好啲啊？
平時有冇放條狗繩喺地下？ 我哋試吓放狗前半個鐘就上繩。放完返黎屋企半個鐘後先解繩。呢半個鐘我哋要多啲同佢玩，比零食佢，多d摸佢，增強佢嘅自信心。

我哋第一步要令佢接受咗條繩先，令佢聯想到帶繩就會有好事發生。

佢落街先肯去廁所...咁真係冇辦法。
希望佢快啲接受到條繩，我哋盡快下一步嘅訓練。

以我所知，大部份國家都冇禁養GS。
香港法例唔比養既格鬥狗隻有4種分別係比特鬥牛㹴、阿根庭杜告狗、日本土佐犬、巴西非拉狗。
混左都唔可以。
你有時間教 放心養！
我都好鐘意GS! 到時比我見下

我諗呢個情況暫時都唔適合放繩住，佢仲係好細個？
一般嘅服從訓練佢學識咗未？
我哋都要學識睇狗狗嘅情緒同反應。

學識左一啲基本嘅服從訓練，譬喻 sit/down/stay/leave it/come etc.
之後咩狗都可以係安全嘅地方放繩。

我地可以先了解左呢個行為先，
就咁聽因為當有人行過花園，
會令惡啲嗰隻狗有緊張嘅情緒，而佢冇辦法抒發佢嘅情緒，佢就會將佢呢個情緒轉移到另一個地方-另外果隻隻狗度。

所以我哋可以糾正咗有人行過花園就要吠呢個行為先。

呢個課程係教你點教自己隻狗。
我建議學咗呢個先，咁樣可以先有一啲教狗嘅基本知識同方法。
同埋最重要係佢平，可以讀下睇下對呢方面有冇興趣先。

首先恭喜你同狗狗成為咗一家人。
因為我哋唔知佢之前經歷過啲乜嘢，佢會保護自己對人有戒心係好正常。我地要有耐性同識留意佢嘅情緒。
當佢糊人代表佢覺得有威脅，需要自己嘅空間。

我哋嘅目標係盡快同佢建立到信任嘅關係。
喺屋企先比一個空間佢自己休息，咁樣可以令佢更有安全感。
一開始當你想接觸佢嗰陣時係最好係你先係佢附近坐低，等佢主動行去你身邊，唔使俾太大反應，慢慢等佢明白你係冇傷害性。之後你可以拎住零食坐低。

當佢行埋你身邊嘅時候你可以餵佢食零食，再摸吓佢，再餵。等佢明白佢行去你身邊，會有好處，比你摸又會有零食。慢慢建立信任，就可以做其他服從嘅訓練。

唔好意思咁多位，好多時候冇辦法即時回覆喺連登嘅留言。我會盡快回覆。

如果有緊急既問題你地可以tg我：dogtraining852

收到🫡
我哋都有劃個area畀佢，等佢適應下先
但係佢24小時無去大小便了⋯⋯使唔使幫佢做啲乜？
唔該曬巴打！

佢之前有冇人養過？ 有機會係唔慣係屋企大小便。
有放尿布比佢嗎？打齊針可以落行下嗎？
佢係屋企係處於一個咩嘅狀態？
多唔多行黎行去，周圍探索一下？
你地行過佢會唔會好驚或者好警惕？

之前有暫托養 都有喺屋企去廁所
暫托有畀佢用開啲尿墊我哋，我哋都幫佢鋪咗個廁所
但係領養叫我哋頭幾日畀佢自己安靜獨處下先
所以佢呢兩日都係自己縮埋一舊 更加唔好話行嚟行去
同埋依家都未摸得佢 所以都帶唔到佢落街住
係咪都係應該放置佢一排等佢自己習慣咗個環境先？