犬隻訓練員 2 你問我答

最好都係叫佢冷靜返隻狗先，冷靜左先接觸。隻柴會易接受d。聞完就分返開。等佢隻狗個注意力唔好完全放係你隻柴度先。一齊行下同一個方向咁。

或者你地可以約d活動好似係行山，walk下咁。唔好停留係一個空間太耐。都要比隻幼犬學下點同成犬相處。

幫你計一計
狗狗一日最好要訓夠15個鐘，得9個鐘活動。

你起身，佢起身，晨早出去屙次尿。當(半個鐘)
到你返工佢訓返。當10個鐘。
返到屋企，hea陣食飯。
同佢散步，(個半鐘)。
返黎佢休息陣食飯，
食完飯休息陣，
陪佢玩一陣 (半個鐘)
最後到你訓覺佢訓覺7個鐘。


咁你1日訓7個鐘，返工10個鐘
自己一日得返7個鐘
最低限度每日2個半鐘係分比佢
你一日得返4個半鐘。
日日都係咁你做唔做到？

明白

想問埋如果係柴唔鍾意 細狗冇乜野
可唔可以比柴聞細狗屎忽 細狗個頭用繩令佢望另一邊？
因為互聞就胡 （眼神對望同太近）
冇拉住繩既話細狗發現柴偷聞又對眼 => 近到咬到佢既距離

如果隻柴犬唔鐘意，頭對頭就最好唔好。
唔洗主動比柴犬聞隻細狗，隻細狗冷靜左，
佢地係同一個空間耐左，柴犬接受左佢會自己聞佢。

曾經養過一隻poodle半年，隻poodle係無牌狗場救返黎。我地係新手養狗。隻poodle有行為問題，無人係屋企會狂吠，吠到鄰居報警。又會上床屙屎屙尿，話極唔聽。

我地搵過兩個dog trainer幫手教，都無咩改善。吠叫問題仲令我老婆有焦慮症。最後第二位trainer建議我地將隻poodle交還領養機構搵新主人，話隻狗需要有另一隻狗陪伴先會乖。我當時好心痛，因為我當隻狗係我個仔，但都無奈跟從trainer既建議。領養機構搵左個新主人，屋企有另一隻狗，後來話我地隻狗去到新屋企無曬吠叫問題。

想問下，究竟係隻狗本身問題嚴重，定係我地太新手唔識點養呢？我地學trainer教既positive training方法，都無法改善吠叫同便溺問題。我未來想再次嘗試養狗。究竟我應該點做先唔會再有咁嚴重既問題呢？謝謝解答！！

我隻poodle 6個月大， 佢呵屎第一篤識係廁板呵，但佢會行去第2個地方呵第二三篤，想問下可以點解決

我都好心痛聽到你呢個經歷。
狗有嚴重行為問題，狗主都係有問題。
呢個係我咁多年教狗嘅經驗。

我相信你地經過今次，會更有經驗照顧狗狗。
搵trainer 可以，要搵一個夾到你地同隻狗都好緊要。
訓練方法要正確，持久，方向一致。先會有好既效果。
我嘅建議係今次唔好放棄，你同新嘅狗狗都要不停學習，不停進步，先會有開心嘅生活。

好多謝你細心回覆啊！養狗本來係我老婆想，我只係順從佢；到後來，我當左隻poodle係自己個仔，但我老婆就怕左養狗。

對於未來搵trainer，你有無建議點先知道個trainer是否適合？

另外，你會否建議唔好輕易領養？因為我都驚領養到一隻有情緒行為問題既狗狗，畢竟我未必識點改變隻狗根深蒂固既問題。點樣可以選擇一隻挑戰性無咁大既狗狗呢？

謝謝！

教識佢屙尿呢個指令，
屙中左一定要讚佢，奬佢。

我建議可以同老婆周圍睇下先，最緊要佢唔驚又合眼緣。
你可以同領養機構溝通下，講一講你嘅情況，我諗大部分狗都會train好左先出領養。
成犬又好，幼犬都好，一返到屋企就有好多唔同問題要處理。
成犬性格定左你會睇得出佢大概係點。幼犬係可愛d，易接受d，成年後性格都有機會唔同左。最緊要接佢返屋企之後有時間去照顧佢，訓練佢。比佢融入你哋嘅生活模式。

謝謝回覆！

領養機構當時無訓練過隻poodle就出左俾我地領養，所以領養機構都唔知隻poodle有行為情緒問題，要到我地親身試過先知。我覺得個領養機構都好有問題，當時我地係完全新手所以完全無問隻poodle有無問題。

多謝你建議，將來領養前，我地真係要好好問清楚關於隻狗training方面既問題先好同意領養。

我隻3個月半月大既Poodle狗女嚟咗屋企住咗個幾星期，一開頭都乖乖哋，唔會點吠。呢幾日佢脾氣暴躁咗，吠多咗，多咗咬我手腳。唔知點引導佢變溫柔啲，定係細狗都係咁，大啲自然性格會成熟啲？

無論幼犬成犬，佢地既情緒就好似一個杯咁，唔好既情緒係會越積越多。唔好因為佢係poodle殺傷力唔過就忽視左，係屋企我地要幫佢適當咁抒發情緒。基本既服從訓練，社會化練習都可以3個月就開始。好多野做嫁！加油

1.隻狗六個月大 唔識同其他狗玩 出街鍾意同人玩多過同狗玩
2. 成日咬人 要人同佢玩
3. 食屎 食紙巾

屋企人養過五、六隻狗，話我呢隻係最百厭呀

剛剛開始養4個月大既貴婦bb 打齊3針
想問下巴打
如果佢一向都好靜 性格好毒 唔係好吠同叫 係咪正常？
淨係有時玩左一陣就嗚兩聲咁

另外想問一個問題關於去廁所
點樣可以叫佢喺指定嘅位置屙屎或者屙尿？
上面你有提到 柯對位置就讚佢
但我唔知道幾時佢想屙尿或者屙屎可以點
幾次佢都係想柯就柯
柯錯點話比佢知，佢係錯？
新手

百厭狗好呀，所有野都由基礎做起。
幼犬問題重覆答左好多了。可以追返post。

可能佢比較細膽，隻隻狗性格唔同。
唔一定會吠，唔洗太在意。
4個月大可以開始做多d訓練，唔好因為係poodle就忽視左就可以。

佢無論係咩位置屙，都要keep住講屙乜屙乜。
等佢識聽呢個指令。

幼犬環境管理係好重要。
當佢識聽之後，最好係放出黎之前就叫佢屙曬先。
佢屙錯就唔好理佢了。默默咁執返佢。
屙岩就一定要奬，鼓勵返佢呢個行為。

多謝你回答我呀
因為佢返左屋企只係2日，好細膽
一直唔肯自己行出籠，每次我拖佢出黎先得
出到黎就會周圍行同玩，攰反而就識自己返籠
係咪比時間佢適應下新屋企就okay?

比小小時間佢習慣，
唔洗拉佢，可以用零食引下等佢自己出黎。
佢肯返籠休息就最好。
你可以多d同佢互動，增強佢對你既信任。

有問題想問
柴犬一歲 半歲返黎屋企
有人係屋企就識去寵物廁所板到屙屎屙尿
但一無人係屋企
尿就屙啱
但係屎就屙錯 仲會食屎
以前會食哂 依家用緊啲停食屎丸
就會食淨

我係咪繼續屙啱地方就大大力獎勵佢
屙錯就默默地抹咗佢
仲有無其他野可以做到

麻煩哂

如果係行為問題，
冇人係屋企最好規劃左活動範圍。
減少狗狗亂屙嘅機會，範圍內要有廁所,，當狗狗痾中狗廁所時痾完嗰一刻未離開個廁所前就要讚同獎。

如果唔係就係情緒問題，咁就要再留意。