犬隻訓練員 2 你問我答

唔好意思，想問下邊度有得學呢啲訓練

想問下隻狗一出街就狗衝點教
縮短條繩都鳩衝
有試過佢一鳩衝就停 但一行返又鳩衝

响响開始養隻3個月大既Poodle，見佢習慣訓响籠入面既狗廁板，仲帶埋隻公仔入去咬，唔喺毛氈或者出面。點樣可以引導佢去返狗廁板外面生活？
佢今日第一次响狗寵痾屎尿就痾响廁板外面。

當你縮短左條繩，其實你都要比小小力拉一拉佢，唔好鬥力。同埋你可以帶零食係身。叫佢名，當佢一回頭就奬。

張床同板距離太近。佢入籠訓同玩證明佢對個籠已經有安全感。我建議拎返開塊板，教返佢定點屙屎尿。

唐狗1歲幾, 以下可以點做

細個有被樓下既狗整親過之後, 就有幾隻特別有仇口, 明明真係襲擊佢果隻佢見到就淆底唔敢行, 有仇口果幾隻就明明細個一齊都完全冇事
而家見親果幾隻就起哂槓又吠又惡

同埋狗狗飲水時有護食行為, 佢飲水時有時如果有其他狗走過黎想一齊飲
佢就會緊張, 有時仲會惡其他狗, 但係有D狗就點搶佢水都得

但狗狗係屋企就完全冇任何問題

我建議暫時唔好比佢見到襲擊佢果隻狗，掉頭走先。 細個玩開果幾隻應該都識佢地個主人？可以係一個佢覺得安全既距離比佢冷靜觀察下先。因為日日都見到，可以先觀察後經過再接觸。


護水問題，我地出到街都要做好環境管理。當狗狗飲緊水，其實狗狗唔應該走埋黎又要搶水飲。我地先行埋一邊比自己隻飲曬先。再餵其他狗。

狗狗仲細，要令佢有安全感，兩個問題有小小連帶性。盡力教返好，避免問題加深，見到陌生狗都咁就麻煩。

多謝你先,
其實同襲擊佢果隻狗半年黎都係見返過2-3次, 但每次佢都街頭見到街尾都唔敢去. 至於另外唔知點解molala有仇口既狗就一個禮拜都會見1,2次, 有試過離遠大家望一望, 佢就會頂唔順會惡果D狗, 就咁行過都係一樣, 真係好鬼方丈

護水問題, 其實我地都盡量有其他狗係隔離都唔會餵水, 但有時會有其他主人放水兜係地下, 咁我隻狗又係水怪黎, 佢可以每次飲500ml水, 去狗公園就有幾多飲幾多, 周圍乞水飲

同護水一樣, 佢有時會唔妥其他狗惡佢, 有D狗惡佢就唔鍾意惡返人, 有D狗又點惡點吠佢點飲佢D水都冇事,反而對方越對佢惡就越high

我隻3個月大既Poodle啱啱接返嚟幾日半夜3點會低聲响寵入面嗚嗚叫，好似要我出嚟陪佢訓。我應該唔理佢等訓到第二朝定點？


早上我刷牙入廚房整早餐時，只要唔响佢視線範圍都會嗚嗚叫，我應該理佢同佢玩吓先？我出門返工佢會嗚嗚叫一分鐘就收聲。

我老婆响我出門後出嚟廳，佢反而無點叫。其實隻Poodle係想點？

咁如果惡惡下會唔會變打交？ 我最怕係問題慢慢加深對陌生狗都會咁，咁到真係有攻擊性就難攪。盡量做好環境管理，減小佢惡既機會先。教返佢放鬆面對其他狗。

頭1-2個星期佢咁叫係正常，可以用塊大布冚住佢，比多d安全感佢。好快就唔會嗚嗚叫。 可以坐佢格離摸摸佢比安全感佢。

當唔係bed time 時，盡量都唔好係佢嗚嗚叫時去理佢，怕佢養成習慣嗚你就會理佢。 佢都係想出黎唔想係個籠入面。

宜家3個月都可以準備一d基本訓練。好似定點屙屎尿，入籠訓練，基本服從訓練等等。

會呀, 請問可以點教佢放鬆面對其他狗?

因為佢好熱情好主動又係電王，好多時都衝去同其他狗玩, 狗界party animal 癲佬
但如果有狗再強勢D 或者唔鍾意佢就會有機會發生以上既情況
如果人地係同佢一齊癲左咁玩, 對方就對佢做乜都得.

我建議一步一步咁做訓練，一開始你可以試下離遠見到其他狗都唔一定行埋去住，要佢個注意力放係你度。先學習點冷靜經過佢地先，唔一定要同隻隻狗有接觸。避免接觸到強勢或者佢唔鐘意既狗。

近一星期領養咗一隻六個月大唐狗女，第一日超級驚青之後超級嗲，但問題到而家都好唔願出街，出親都全程dup尾，返親屋企嗰條路佢都勁快，我應該就佢性格唔應該逼佢出街定應該點解決？我成日覺得作為一隻唐狗應該要放電 屈喺屋企佢會好慘

先係屋企陪養佢對你既信任度。因為狗狗未習慣出面既環境，同佢做多d社會化訓練，只要用岩方法狗狗好快就會習慣同鐘意出街玩。

想問下狗狗同朋友既狗狗唔係好夾可以做啲咩

我個隻柴6歲幾 朋友隻大狗唔夠一歲
以前一開始見冇乜野
唔知係咪後來後生狗太熱情想玩體積又大
我隻狗就突然唔鍾意佢佢埋黎就胡人

但有次又肯追大家黎玩玩得好開心（9成時間都胡）

上網好多教自己隻狗指令個啲但極少講點做狗狗相處

好多時我地有個錯覺諗住2隻狗一齊就要玩，跑呀追下咁。其實佢地都要睇心情，你隻柴柴心情好可能會想同佢玩一陣，幼犬會比較熱情同激動。

當你隻柴唔想玩果日，就叫朋友冷靜返佢隻狗。佢地可以係同一空間相處到就可以。最好一開始係冷靜咁接觸，咁隻柴會冇咁反感。

巴打,又係我了 我舍隻狗仔而家3個幾月,係咪出街見到人有陣時會想跳去人地到都係正常,佢到細佬會想騎鳩人 我同佢出街去狗cafe佢永遠唔識乖乖坐係到,係咪in home training做得唔夠多呢

最好唔好見到人就興奮喇，出到街最好個注意力都係你度。你可以叫佢個名，佢回頭望你你就奬。訓練重點係要佢識得用腦同冷靜，狗cafe又好，出街又好。屋企要做training,出到街都要。宜加3個幾月可以放多小小時間train佢，咁佢大個左自然會更加定。

都係 將左D人既社交放落去 想佢地相處得好似我地人類咁

不過題外話就係睇過D片 ERIC KO個D係兩隻一齊WALK 但可能係同屋一定要搞番掂 我地個兩隻唔係日日見我又費事TRAIN人隻狗同埋費事真係打交整到人隻狗就冇試

其實要番工屋企冇人係咪唔應該養狗