犬隻訓練員 2 你問我答

可以試下上返條繩先做訓練

當門口有聲 狗狗吠嘅時候
拉開狗狗 帶狗狗去一個位置
坐低/ 冷靜落嚟 就獎勵佢食嘢

呢個訓練令狗狗明白 你知道門口有聲
你會handle 狗狗只要提完你 冷靜落黎就會有野食/ 獎勵

著藍色衫嗰班狗有冇得救？

咁有人係屋企既時候
佢屙得啱 你地有無獎勵佢呀 ？
可以大大力咁獎勵
加深佢屙岩既動力

唔洗屌佢既 無視佢直至冷靜落黎就可以

重點係要有耐性

沒有

有呀佢會過黎領獎

例牌一問eric ko勁唔勁？

咁唯有捉佢屙屎尿時間，出街前叫佢屙左先

勁呀

如果屋企五隻狗 一隻一隻訓練有冇用 定要一次過搞五隻

5隻同一時間會比較難，可以教左最激動果位朋友先

我有五隻啦
其中兩隻五個月大
好鬼癲
成日玩到損晒 我洗唔洗教呢
同埋五個月大個兩隻成日搶糧 其他三隻怕咗佢哋

隻狗係自己熟識嘅地方會好alert, 由其是係屋企嗰層個走廊，搭lift開門有人佢會撲過去吠，平時我帶佢落街要抱起佢，因為驚開門有人佢吠會嚇親人，但呢個情況只會係佢熟悉嘅地方出現，佢係咪當咗係自己地盤？

咁咪5隻一齊吠？場面都好壯觀
最主要教返2隻5個月先，怕佢2個影響到其他狗狗嘅情緒。其他狗狗休息唔到。
幼犬比較激動，怕佢地攪到其他狗狗精神緊張。
搶糧都唔好，怕佢地搶搶下大個變左護食就唔好。

出門口最好唔好抱起佢，慢慢同佢係走廊做返d訓練，屋企都做返多d服從訓練。
上左繩照計就撲唔起，等lift時可以企開小小，開門有人都唔會嚇親。

佢哋兩個教到其中一隻大狗開始走偏
我睇咗你之前回覆
依家返去唔理佢哋
吠都唔理 等佢哋安靜 平靜咗先
尋晚好似五分鐘搞掂

想問下師兄點入行 自己中意動物 都有諗過想試下做

勁呀 巴打！ 記得日日都要咁 佢地先會習慣個生活模式。
同埋日日都要抽小小時間做d基本訓練。

我隻狗ok多問題不過都八歲 如果有重覆case同我講我追翻post
死罪一 : 係屋企樓下見到狗就吠 行埋d好易打架 咬鳩人 咁多年只有2隻狗可以同佢一齊散步
死罪二 : 係屋企唔識屙屎屙尿 以前細細個1-2歲都會屙 佢好似發現咗屙屎屙尿=落街玩 就冇再係屋企屙 一日一次出街都變咗一日兩次
死罪三 : 屋企門口有聲佢就會嘈(頭先追post見到有講過 純粹講吓)
死罪四 : 屋企有人有身體接觸就一嘢跑過去 一腳車埋嚟 佢d腳指好撚痛
不過佢好搞笑 佢會當朝早我地仲訓緊既時候 有手機響就吠 醒咗/夜晚就唔會
哥基仔嚟 冇絕育 屋企個個都話好殘忍唔絕 不過好奇怪既係佢好似未發過情咁 唔會chok我地

巴打 本身有冇養狗？
會唔會去機構做下義工。 可以去愛協上堂學識左d基本野先。

而家無 有養過

又冇咁嚴重去到死罪嘅

佢8歲，你地嘅相處模式大家都習慣曬。
就咁睇你地都生活得好開心，你又接受到佢嘅脾性。
你講d問題其實之前都有答過，有冇邊個迫切d你想解決左先？

話就話死罪姐 我地錫到佢燶
最想知點樣可以教佢同狗相處囉
同埋如果長期咁樣屙屎屙尿會唔會對佢唔好
如果佢冇發情過會唔會有事
講真都八歲仔 如果對佢嚟講冇健康上大問題都唔會專登教㗎啦

基本訓練係指？

ching 請問如果狗狗出街緊張到唔肯食零食點做任何training？巳經養咗三個月每日早晚都帶佢出街，以為耐咗佢會慢慢習慣但結果都仲係好緊張佢最怕車聲 聽到車聲會驚到唔敢郁 其次係見到狗會緊張有時會吠