犬隻訓練員 2 你問我答

感謝你嘅答覆
無人係屋企會有欄圍住
有人係屋企先收埋個欄

最近有帶過佢岀去玩 2日1夜果啲
你多唔多聽到係玩完返黎
想繼續去玩 發脾氣 而有依啲行為
因為前幾個星期無咁密

試下等佢屙曬先放佢出黎玩。

應該冇關係，如果係因為情緒問題亂屙。
你可以係屋企同佢做多d訓練同埋比多d用聞既玩具佢玩，滿足到佢每日既需要。

可唔可以分享下你點入行
讀完之後就自己搵客？
同埋草左幾耐經驗？

哥基 6個半月大
會一玩得癲就咬我屋企人手 唔敢咬我
每次一咁我都有即刻no 同要佢sit冷靜返
轉過頭又衝出去咬過 然後又比我捉返佢坐好冷靜
幾次之後都仲係咬…可以點做？

同埋開始成日圍欄入面狂吠 要出黎玩 都係有即刻no 同有叫佢sit & stay先比出圍欄
但放到出黎又野馬咁周圍跑 唔識calm咁坐好/攤好玩玩具

最後 落街都仲係draw唔到佢attention 會係咁搶繩同長期鼻貼地下咁行 成日係咁食垃圾😮‍💨😮‍💨😮‍💨
求指教 係咪要搵dog trainer train

本身有養開狗，傳統，正向都有學過。
一開始由義工開始，
到幫領養狗狗做好training先出領養。
好耐Lu.讀完書之後就開始。

呢3個都係幼犬常見嘅問題。
聽你咁講，你都係想用正向方法去訓練狗狗，
正向訓練，獎勵係好重要。
方法要岩，屋企人要一致，成效先會大同快。

同埋佢已經6個半月，建議盡快令佢學識用腦去思考。
咬手你可以用轉移嘅方法，轉移到佢去咬玩具。
可以做多d入欄訓練，令佢對個欄入面有好感。

落到街，繩要短。佢識聽佢個名未？
出到街食地下野好危險。學識leave會有幫助。

你可以試下先，
要上堂可以tg我，呢度都有巴打搵我幫手。

想問狗仔去街一見到電單車 就會狂追狂吠可以點解決？
如果無上繩 佢一定比車撞死

可能係因為電單車聲太大攪到佢驚。
你首先同條馬路保持返一個佢覺得安全既距離先。
再比佢慢慢習慣，佢追佢吠就先冷靜左佢再獎。

佢同電單車嘅距離唔近
佢聽到對面線有電單車引擎聲已經開始狂衝狂吠
成日嚇親電單車司機同埋路人

應該係太大聲佢覺得唔安全所以想趕走佢。
我地覺得唔近但係佢覺得唔安全都會有反應，
所以你都係喺附近佢認為安全既距離，慢慢開始等佢接受，再一步步接近。

請問 比熊 3個半月大
岩岩黎到屋企個零禮拜
佢屙屎屙尿都算大部分屙岩
係有時尿盤滿左就會尿左去第二度

但有個大問題係，佢好鐘意起尿盤附近攤同埋玩玩具，甚至訓起尿盤度
搞到好多時番到屋企舊屎就算屙岩都比佢踩到周圍都係

我已經試過用籠、蓆、咕𠱸、舊衫比佢做睡床，佢全部都當玩具係咁咬搞到要收走哂
點樣先可以令佢唔再鐘意尿盤

岩岩返黎既幼犬未經訓練好多時未學識思考，呢段時間主人要做好環境管理，令佢有良好習慣。
呢度幾個問題，尿盤同床既位置要有一段距離，
多d做入籠or床仔訓練，可以令佢知道係休息既地方，唔係玩具。
要就返時間，佢大便既時間要有人係屋企或者遲下出街先去。

狗仔三個半月大，我每次同佢玩一陣想佢休息/我出門口前會放返佢入去籠。
佢會有五六下既嗚咽聲，我每次都無理佢，依個做法岩嗎？因為我擔心佢第日會有分離症
我會係佢面前示意我出門口

我建議唔好次次都係出門口先放入籠，令佢對個籠有壞印象。
多d做入籠訓練，令佢對個籠有安全感同好感。
出門口前都盡量唔好對視同唔洗同佢講野。
到真係有就好麻煩。

想問下點樣教隻狗leave it ? 因為有時經過鄰居屋企，佢哋啲狗會不停吠，之後我隻狗都會好興奮，會有搶繩個啲嘅問題

你可以用零食引佢，當佢既注意力唔係果d狗度就獎

本身有隻 十幾歲歲既哥基
幾個月前決定養多隻松鼠狗 3個月個時拎佢番黎之後到依家6個大
隻哥基都係好驚同唔鐘意松鼠 我諗原因係松鼠太細個好活潑之後好多時出籠後跳制周圍跑得勁快周埋會成日走去隻哥基到撲佢同佢玩
呢個情況可以點處理其實係咪要令到松鼠唔好成日撲咁煩? 佢仲要有時輕輕手個d 總知好似有無限活力咁

老狗同幼犬energy唔一樣，佢地好難會玩埋一齊，
佢地要時間習慣對方既存在。
首先我地要關注返隻哥基既感受先，
控制返隻幼犬既活動範圍。
比哥基明白松鼠唔會煩到佢。
幼犬太激動就要停止佢既行為。
尊重返彼此嘅活動空間。
你要企係哥基面前，面向松鼠向前一步令松鼠退後。

小弟家中有隻柴柴仔 2歲
每次帶佢出街見到其他狗狗 佢都會瘋狂舔人地Jer Jer
搞到人地坐低唔比佢舔 有時人地屙尿佢都繼續舔
搞到屙左落佢個頭到

請問應該可以點搞 定係我隻柴柴係gay?

三個月大八哥女

平時鋪張尿墊比佢就用嚟瞓，間唔中會肯係上面屙尿，但永遠唔會用嚟屙屎，有咩方法教到佢固定係尿墊上面屙

同埋想請教埋點令到佢識聽command，而家連叫佢sit 都好困難，長期處於hyper狀態，指住佢叫佢sit以為人同佢玩咁跳起身，定係等佢大啲情況就可以容易啲控制唔該晒巴打

做sit training呢啲基本上唔洗發聲叫佢做，係用你隻手加食物引導佢身體方向令佢坐低，等佢熟左你先加command俾佢

啲狗係用聯想去明白command

原本都係松鼠係籠 但覺得太陰公就想試下兩隻一齊係屋行
但松鼠有時真係跳制同埋成日走左”了”哥基玩
會試下你比既方法 thank you
想問下仲有無其他可以一齊試同埋佢有時唔鍾意就輕輕咬可以點做

咁攪笑，咁佢會唔會舔自己jer jer.
呢d咁敏感既部位最好都係拉返開佢。明確話返比佢知道呢個行為係唔應該。
唔係隻隻狗都會坐低，惡小小回頭就咬落去。
攪攪佢巴打。