犬隻訓練員 2 你問我答

我隻狗狗由細到大都好文靜 ，無教過去廁所識自己去尿布屙，搬咗村屋識自己上天台屙，搬咗返市區又識落街先屙，唔吠唔撲會跟腳唔搶繩唔咬野，天生就好乖好乖所有野都無訓練過無教過佢，但唯獨係佢對萬物都無興趣，唔玩玩具唔追波唔追狗唔食零食，我覺得佢好悶，就算日日帶佢去公園都係就咁企係我則邊，唔會周圍跑周圍行，有時我返公佢自己係屋企又無玩具玩，連鹿角骨個啲都唔咬，我怕佢好悶想佢開心啲

其實狗狗一日都要訓最小14個鐘先叫有足夠休息。
只要你每日有時間陪佢散步，得閒周圍探索下新地方。
食得夠，訓得好，佢已經係一隻幸福狗狗。

唔好意思呀，樓主。
依家養緊臘腸狗（3個月大），發現每次餵糧嗰陣，狗狗好似失曬控，食得好趕急。
想問下點樣可以改善呢個情況？
一聞到有野食隻狗就唔受控制。

Btw奉上狗狗床照一張

想請教下樓主
我隻比熊女10個月大，平時我出門口都冇喊冇吠，都係好平靜咁望住我出門口，但係一同佢出街就行遠幾步就喪喊even係比屋企人拖住都唔得
呢種叫唔叫分離焦慮？可以點改善到

另外佢好易呷醋，見到我摸下攬下其他狗狗就喪鬧人係會激動到想咬佢，狼狗都照衝
好撚驚佢有日出街撩狗打交會打傷，同埋都會想養多隻小朋友，所以想問下有冇方法改善到

好得意呀。
可以改善，最重要係比佢明白d野食唔會走左去。
要學識有耐性。
你可以小食多餐，餵野食之前要坐低。等你比指令先可以食。食得太快就拎起個碗再餵更好食既零食。
等佢冷靜坐好又比返個碗佢，重覆練習。

當屋企門口一有小小聲同埋有朋友尼就係咁吠
應該點教佢唔好吠呢


兩隻唐狗

想問下清收費大概係點

平時多唔多同佢出街？ 佢係un un un 咁叫？
分離焦慮有2種，一種係我好驚一個人唔好留低我一個。
另一種係要求式嘅分離焦慮，即係點解你唔帶埋我出去。
照你咁講2樣都唔似。

佢想吠走人地又好，保護你又好，呷醋都好。
我要知多d你地平時點相處,觀察下先比到意見。

一隻吠第二隻就會有樣學樣。
先同第一隻做減敏訓練，
再教佢當門口有聲佢要做d咩。
譬如係home.

之後先教教第二隻。

巴打咩情況，有冇多d帶2隻狗一齊散步？
照我咁講比隻比高圍住玩，松鼠狗可以休息又望到佢？
你真係攪唔掂就tg我。

收養左隻狗
應該係沙皮溝左比特犬
1歲多d大隻大力又壯
點樣可以教佢唔撲人 唔咬野
佢唯一學到既就係我唔推個糧兜比佢佢唔敢食
其他一概under control
感謝

唔想自爆
樓主可唔可以交換TG我比相你睇
佢又癲又大力 我唔敢帶佢出街
更唔好講去狗公園 我好驚佢傷到其他狗

佢撲你，你試下企實，唔好講野，唔好用手推，
向前踏一步，膝頭頂一頂佢，令佢4隻腳掂返地。
不停重複。

我pin左我個tg

我試過 佢就會不停撲你
佢真係大隻兼大力 頂唔到幾多下
佢好似完全唔知自己好大隻同好大力咁
之前係fb揾過訓練員 我地唔揾佢
佢都唔主動跟進情況/約下一堂 所以冇再揾佢

都多出街呀，佢係街見到其他狗仔都好熱情好興奮
但只要係我抱住其他狗狗就惡到癲
佢係Ununun 咁叫，唔係嗚～個種喊，應該係叫我返去嘅意思？

高質post 多謝樓主