犬隻訓練員 2 你問我答

正向訓練只係門面嘢，用嚟感覺上俾人睇到好人性化，實際對於啲超級惡狗跟本就唔會有用

養緊隻7歲既狼狗女 佢4歲嗰陣領養佢返黎
發現每次出街放狗見到其他狗佢都好大反應
會係咁望住 背脊啲毛豎起曬 又撲又吠咁
但當其他狗行到埋黎 佢又好似冇乜野 聞下就算
帶佢去狗公園 佢又冇呢個行為
除此之外 有時遠處見到其他狗 佢會伏係地下度唔肯行
其實佢係咪驚咗其他狗？
因為我知佢唔係aggressive 平時都有啲細膽
有冇辦法可以改善？

繼續做社會化訓練，活到老學到老。
當佢有咁嘅情況，首先你要冷靜咗先，再令到佢冷靜，平靜左等佢明白到其實係冇危險，亦都唔需要保護你，有啲咩事你都可以處理到。

我有隻3個半月大既邊牧小朋友平時放圍欄
想佢學下紀律 每日會同佢放4-5次電 每次半個鐘

但佢每朝都好早6點幾就起身就吠，我估應該係好想人同佢玩
唔想佢覺得佢吠我就會應佢
但我唔薯佢，佢就真係會不停地吠
因為太早了我又唔想佢嘈到隔離屋 ，
唯有佢吠吠下，最後都係要同佢玩
有無啲咩方法係可以教佢跟返我既作息？

另外就係我一開風筒，吸塵機
佢都係好敏感會吠 薯佢一聲就會停
但佢進化到我噴spray都會吠
點先可以避免

有隻牧羊狗 黎左我屋企第10日 就黎3個月，

1.佢有個大問題就係得唔到佢想要既野， 畀我reject多一陣就吠鳩我

2. 我驚佢有分離焦慮症， 我而家出去扔垃圾番黎又吠我

最主要係呢2個問題 佢係

1. 當佢吠你，你先唔好理佢，望佢。當佢完全冷靜左。先再比獎勵佢。

2. 如果有分離焦慮症會比較麻煩。盡可能同佢做多獨處訓練，入屋同出門口前盡量都唔好同佢有接觸。

輕輕一推

我有一隻四個半月大嘅拉布拉多，佢都算乖嘅，唔吠，一開始返到屋企會想咬下我哋手腳，但教過話過之後就冇。但依家打齊針開始出街，發現佢太過親人同埋親狗，見到任何人佢都會好開心咁樣去撩人玩，有時仲會想撲，喺屋企我哋係唔會俾佢撲人，所以佢係屋企好少咁做，但係出面就會有咁嘅動作同埋有時會企定定望住人哋點叫佢都唔走⋯⋯

另外就係佢見到每一隻狗都會好興奮咁樣上前，呢兩日分別遇到幾隻唔同嘅柴犬，佢搖晒尾咁上前，我都拉住佢俾佢哋互相輕輕聞下人哋先，但嗰幾隻柴柴好快就好惡咁吠佢，我隻狗嚇到彈起跳開，但即刻又好依依不捨咁樣想再接近柴柴，最後係我隔開佢哋要佢望住我做指令之後先走到⋯⋯之前喺診所見到成年咁金毛就冇咁嘅問題，我諗緊係咪我隻狗有問題

Sorry打咗好長，不過真係好想教好隻狗感謝！

狗狗細個會比較熱情，我地要教識佢冷靜同人同狗相處。岩岩出街呢個時間要好認真咁做訓練，話佢知咩係應該，咩係唔應該做。首先條繩要短返先，唔好比佢咁輕易就撲到人。 呢個時做社會化好緊要，比佢先觀察其他狗係點相處，唔需要比佢咁快同其他狗接觸住。一步一步黎。

我嗰隻Poodle仔嚟 自從佢細個 一兩歲 喺狗公園比狗襲擊過 差啲咬到頸 見到差唔多嘅仲驚到瀨尿 佢就變得好細膽 唔再同狗玩 老遠見到就要調頭走 抱住佢互聞吓望吓都掙扎 屋企有人撳鐘 有陌生人嚟 吠到人拆天 邊個嚟都好 一撳鐘就吠 吠到開門見到係佢識嘅人先唔吠 唔可以自己喺屋企 如果屋企冇人 會由出門嗰吓吠到人返 我裝咗Cam有通知 不停彈通知話佢連續吠咗幾耐 搞到而家要同屋企人就一就 搵人留低陪佢先出得街 佢而家6歲 情況嚴重咗 佢會咬自己 咬自己條尾 扯到啲毛冇晒 損晒 睇醫生 初初以為皮膚敏感 即刻換糧 戒雞肉牛肉 雖然對傷口嘅情況有好轉 但唔止本 佢繼續咬 醫生話 最壞打算 可能係情緒問題 而家成家人都當佢寶 陪住佢 希望令佢開心啲

Sorry skip左，3月半月嘅狗狗要學識好多野，學習能力都好強。最緊要方法正確。鼓勵佢做岩嘅野。減小做錯既野。

作息時間要同佢多做服從訓練，教佢明白你同佢都係需要me time.
一日帶佢出多d街係好好嘅機會做社會化訓練，
一開始比佢多聞多觀察，小接觸。
每次出到街都要令佢，留意你，注意你多d.

風筒，吸塵機呢類有聲音既野先比佢接觸，
可以開小小聲比佢，了解同習慣
冷靜再奬。

我建議狗狗暫時出街唔好接觸其他狗狗住，一步一步黎，比佢留係一個佢覺得安全既距離先觀察。
盡可能唔好抱佢要佢同其他狗狗接觸，慢慢比佢自己建立返個信心先。
照你咁講，其實狗狗分離焦慮症嘅情況已經去到幾嚴重，呢個問題越快處理越好，係呢度好難同你講點做，做得唔好又會令問題加深，我建議你搵人幫幫你，因為佢而家先六歲，你地仲有好漫長嘅時間。令佢減少傷害自己，做隻開心狗。

好啦
咁有人撳鐘同埋嚟屋企會狂吠 呢個有冇得搞搞佢

Sorry, 原來我miss左。
部分正向訓練嘅trainer 係好唔認同傳統訓練。
我有時都會覺得好走火入魔。
我認為兩者都有可取嘅地方。
其實真係隻隻狗唔同…..

惡狗都係會有原因咁惡，係佢個世界冇惡呢樣野。
係一種行為，佢係保護自己，保護地盤定驚先會咁。我地要搵到原因，再改正佢個行為。

呢D基本嘢係人都識,我只係想講成日係度吹虛正向訓練嗰D人甚至trainer,根本就唔會敢去train啲惡狗,某機構trainer直接建議人put down隻狗

如果正向訓練係咁有效,點解youtube啲片一條正向訓練train惡狗都冇
全部都係sit跟leash走呢D簡單嘢

做減敏訓練，屋企搵人出去撳門鐘，你係屋企當佢吠時比指令要冷靜，冷靜再獎。要比時間同耐性。呢樣你應該攪得掂。 加油

佢自己係屋企吠係因為分離焦慮…. 我要睇到隻先狗先幫到你…

我都聽過部分正向trainer 有d極端例子。
對於教幼犬我偏向用正向訓練。
對有經歷嘅狗需要搵原因再搵解決方法。

呢啲係你地全家過份澀愛隻狗搞到佢有行為問題，係屋企教返佢唔俾上梳化唔俾跳唔俾樸人，仲有俾個籠佢唔洗關門教佢自己行入去俾食物獎勵，教到佢識聽指領走入去就開始教佢wait，係籠入面等，之後你地入房入廁所佢都要stay係個籠入面等，時間短變長，要佢明白你地做咩都唔關佢事，佢亦都唔洗理出面嘅事，所有嘢主人做主導，如果ok就由籠轉為床墊要佢坐係度等，如果佢乜都唔識做請你地由基本餵食開始教佢sit同wait先有得食

所有狗行為問題都係主人問題

但係出面就會有咁嘅動作同埋有時會企定定望住人哋點叫佢都唔走⋯⋯

好似你呢句咁，你要知道係你拖佢行街，而唔係話「你叫佢都唔走」，即係佢拖你行街，係成段文入面你都係用隻狗想點就點，做主人果斷啲，要stop就走

仲有見到其他陌生狗唔熟嘅聞一下就好走，金毛大型犬興奮時動作大啲細狗會好防範

犯人好cute cute呀

巴打 我同意狗本身冇問題，主人用錯愛佢嘅方法先會去到呢個情況，可能真係十件事有9件事都做錯左先會咁，宜家隻狗6歲，係屋企有咁嚴重嘅分離焦慮… 真係要每一件事做返好先得。 可以嘅話買d cbd 比佢，佢情緒會好一d。

你好似有啲誤會😐雖然都多謝你覆我 但我隻狗家教好好 幾個月嗰陣已經識sit/識stay/識我哋講ok先做得 並唔係過份溺愛 但我主要想問嘅係 佢未比狗襲擊前 佢完全正常 超級乖 撳鐘有人嚟都唔吠 亦會同狗玩 但自從嗰件事 佢性格就出現咗轉變 你Focus錯咗個點 淨係著重喺分離焦慮症個位 我係想知 有咩辦法令佢變返以前咁

點解你哋會Focus咗喺嗰個位…我已回覆咗嗰位巴打 我隻狗家教冇問題 咩sit stay ok係識晒 以前真係唔係咁 但自從比狗襲擊過 性格180度轉變 點解會覺得係我哋過份溺愛而令佢咁…

我隻狗已經訓練到 我叫佢屙尿/便便 佢就要屙 我最主要想知 佢性格上嘅轉變 同埋可以做咩？可能你哋會問 關唔關比狗襲擊事呀？但真係 未發生之前 佢一個喺屋企都冇問題 淨係想你哋明白