犬隻訓練員 2 你問我答

如果係因為肚餓，試下小食多餐，睇下有冇改善先。要搵到個原因先改善到。

最好唔好抱，你係佢身邊慢慢比安全感佢。係佢唔驚既情況下一步一步黎。比佢接觸多d，聞多d。

可以試下，
夜晚11點食，佢12點屙咁你又執到。
第二朝又唔會屙住。

個問題可以變做
有幾多個主人我教唔到。

社會化要做得好，比佢聞多d,見多d，最後先接觸。
可以既話先從觀察開始，你可以係一個佢冷靜既距離比佢跟住其他狗散步。 散步時叫佢個名，佢回頭望就獎。

如果屋企有貓 想接隻大狗返嚟可以點教要準備啲咩

狗仔1歲大

最緊要都係比佢地互相習慣對方嘅存在，
第一步係分開2個空間比佢地。
第二步就係先從氣味開始，
可以放一d毛巾係佢雙方既床度收集氣味，
各自比雙方聞下先。

如果想用哨子訓練，應該點開始

Clicker?

唔係
Clicker已經link左獎勵啦
呢啲

用sit做例子，前提隻狗要識左個指令先。

短吹一下再加指令，sit左就獎，
重複做，做到佢短吹一下就記得sit。
每日都要重複recall返佢既記憶。

枝野其實都好大聲。係市區用處不大，
係行山你比佢通山走可以離開你視線範圍好耐就有用。

Thanks, 試下先
另外呢
我果隻5個月，一路都有用圍欄養，廁所放入面
但通常都開門俾佢通屋走，去廁所識自動波入去去，無乜點教過
前幾日另一半帶左佢出街，我掉左個圍欄同用清潔劑拖晒全屋地，廁所就放返差唔多位
佢返到黎就變到一係死忍唔屙，一係就周圍屙
另一半話當日出街佢學識周圍屙霸地盤咁

而家好頭痕唔知佢係變到出街先肯去，定屋企無味所以唔去(但都周地屙左幾次大尿)
有無計

如果佢知道每日都會定時出街，佢就好小會係屋企再屙。
可以試下印返小小尿係廁所度。
佢得5個月忍唔到太耐，6個鐘左右。

唔好意思 想請教下
屋企有隻老狗 都養左11年左右 唔知係咪因為比較少出街 對住啲陌生既狗同人都係會比較驚 例如帶佢出街玩時 如果其他狗想同佢示好聞佢patpat 佢會雍牙 想走 平時我有自己啲frd上黎屋企時 佢第一時間反應都係好惡 係咁吠

最近我媽咪個男朋友搬左黎一齊住 佢第一時間見到佢係勁惡 吠到痴左線 甚至會追住我媽咪個男朋友黎咬 但如果個屋企冇人 得番我隻狗同媽咪個男朋友係到 我隻狗對佢就會完全冇攻擊性 會唔理佢 但我媽咪一係到 佢就會好惡 見到佢就想沖過去咬佢 不過我媽咪個男朋友因為屋企隻狗對佢咁惡 所以都唔係對佢好友善 雖然唔係打佢果隻 但有時都會兇番佢轉頭
而家我媽咪男朋友都已經搬左黎都差唔多住左一年 但情況都完全冇好轉過 每日隻狗見到佢都會想沖過去咬佢

黎緊我想係屋企養一隻幼貓 但好驚同屋企本身隻狗夾唔到 因為佢對陌生事物好有攻擊性 想問下隻幼貓同屋企隻狗夾到既可能性係咪好細？如果我真係想養隻幼貓 但我又唔想屋企隻狗對黎緊隻貓有攻擊性既話 我係咪應該帶佢去見啲犬隻訓練員 做下training？
唔好意思比較長 實在麻煩晒

可以分返4件事。

第一樣就係需要同狗狗做返好社會化訓練。
第二樣係你做得好好知道只要媽咪唔係度，狗狗就唔會對佢男朋友有攻擊性，解決方法係同媽咪加狗狗做返適當既訓練就可以。媽咪男朋友最好唔好同佢兇黎兇去，冇乜意思，只會攪到狗狗情緒仲激動。
第三樣野係如果朋友去你屋企，你可以試下帶狗狗落去行一陣接埋個朋友再一齊上樓。
最後第四件事，夾一定夾到，但係需要時間同耐性，一步步黎。各自都需要自己既空間，可以見到先唔洗接觸。

搵trainer既話，應該有好多野需要更正返。對你地同對狗狗既生活習慣都會有好大既改變，你地可以考慮下。

我隻唐狗 出親街都好興奮(正常)
但係一見到柴犬/其他唐狗/哥基/一啲specific嘅大狗就會好激動係咁吠/撲埋去咬 係真咬
搞到我要好夜先放得佢 但佢對啲細狗仔e.g poodle又冇乜野 fing 唒尾 教咗佢3年 用唒p繩都係咁 究竟點解會咁同埋可以點樣改善？佢細個唔係咁 一歲後愈黎愈嚴重

養緊隻11個月既金毛 佢由細都對屋企人有脾氣 掂佢手手腳腳都會想用口咬 由細住係圍欄入面 但慢慢係圍欄入面越嚟越惡 係入面有時想幫佢上繩同攞番啲碗 佢都會特別惡 有時會護食同護物 應該係係屋企當自己大佬
但佢出街又會乖啲 唔會咬人 之前已經做過寄宿訓練一個月 岩岩番嚟聽指令有進步 有keep住做啲服從訓練 個格定左少少 但係屋企既情況都係改善唔倒 咬損過手幾次 仲有冇咩改善方法？

樓主，我又要黎請教你啦 （4個月大奶油臘腸狗）

呢期打齊針同隻狗仔開始出街，當其他狗仔行近佢就開始狂吠，但佢又唔會縮/條尾繼續向上fing，好多時都吠走曬其他狗。
人地啲狗仔走開，佢仲要繼續追上去吠人地。吠得太嘈太大聲，有時我會抱起佢，有時我會用手圈住佢個咀唔比佢吠，但多數佢都繼續好激動，請問咁做係咪唔啱？

呢啲情況應該點做先好？

有啲狗朋友都間唔時會約見下，我隻狗見到同一隻狗都係會繼續吠。

到真係遇到好大隻嗰啲狗，佢先夾緊條尾唔吠企定定開始緊張咁。

Sorry,遲左覆你。 要改善呢個問題，當佢吠/撲埋去呢個距離其實已經太近。 因為佢已經失左控，要係一個佢未開始有呢個反應時就開始改正。首先你要搵到一個佢安全既距離。



可以睇下張圖，就由一個佢接受到既距離開始。

可以既話就叫佢follow 返個case.
每日係屋企上繩做服從訓練。訓練重點係獎，做岩就要獎（零食/摸/讚）。

叫佢坐好，比零食佢聞/食，第二隻手就摸。一開始輕輕掂下到摸，重複再重複。
護食護物都係用交換既方法令佢肯自己同你交換，係要不停重複又重複。