犬隻訓練員 2 你問我答

隻細既岩岩先打第二針未散得步
因為隻細既係欄入邊會吠得好勁
基本上都放佢出黎周圍走同放電
但佢一出黎就周圍跑同癲一時咬家姐一時咬其他野
家姐依家見到佢就已經開始嗚佢

情況好似差左，你入去欄入面同佢玩都會吠？
佢放電時家姐一定要係度？係咪真係分唔開2個空間。
如果係咁就要上繩做訓練。

佢好熱情好興奮時就唔好過去同其他狗打招呼，
冷靜左佢先行過去。

點解要抱起其他狗既？

又唔係
係我仆街帶佢返黎就比佢通屋跑搞到慣左
依家佢係正係食飯訓教同我返工先會係欄入邊

咁當佢咬家姐就要制止佢

制止佢佢當玩
愈玩愈興奮痴撚線公司
我試過上繩但因為果隻係胸繩黎
控制佢唔住但又唔敢自己亂用頸繩

我幾個朋友有養狗狗，佢地好熱情會衝埋嚟要抱
都見過好幾次 我通常會摸下抱下say 個hi
然後我隻女就發癲始終佢地都係由BB 識到大
都希望可以一齊出去玩，唔望佢地好friend 但係起碼冇咁攻擊性先

幼犬會比較百厭。要有耐性同方法要岩。
要做個嚴父，教識佢規矩。
唔係姐姐休息唔到對哥基會越黎越惡。

係呀所以想搵你幫手既話都係睇下佢適合用咩方法

所以教狗都係一門專業

你返工佢係欄入邊佢幾耐先會冷靜到？
試下上左繩再做服從指令，要佢冷靜落黎。
如果你想搵我幫手就tg我。

我想問幼犬臘腸好驚睇電視，一開電視有影像就會望住電視吠。我試緊係播電視途中用乾糧引佢，比佢聞，如果佢可以坐定我就會獎佢食。
請問咁樣做啱唔啱？可唔可以令佢對電視無咁敏感?Feel到佢係驚，就算我熄咗電視佢都會對電視吠一陣先得。
唔該你 樓主。

上兩星期接咗隻2個幾月大嘅金毛b返屋企
第三日開始識吠 最近仲變本加厲 只要我哋一離開佢視線範圍就吠到癲
拎嘢食比佢又吠 夜晚凌晨間唔中又吠下
另外最頭痕係佢琴日冇啦啦開始食自己啲屎
係一秒即清 呢頭痾個頭食 要同佢鬥快清
已經引開咗佢清 一冇食到就比嘢食佢讚佢 但佢都係對自己啲屎念念不忘 可以點教
佢未識no呢個指令 所以好似唔係好知我no佢啲咩

咁做完全正確。電視開住，一開始可以係佢將個注意力離開個電視你就奬佢，之後只要佢係冷靜既情況下你就可以奬佢。

因為狗狗唔知吠呢個行為係錯，佢吠代表佢有需要，可以係緊張，不安。有好多原因。但係佢只可以用吠黎表達。

佢屙錯左位置，唔洗話佢。你越話佢，佢越驚佢就會毀屍滅跡快d食左佢，唔比你見到舊屎。有機會係d 屎仲有食物既味道，又或者係佢仲係好肚餓。搵到個原因先。
暫時唔需要No佢住，做岩就奬，盡量引導佢去做正確嘅嘢，增強佢做岩嘅機會。

6歲松鼠狗社會化不足
主人以外嘅人或狗都好驚 會係咁吠 再接近多少少就會想咬
有冇咩解決方法

6歲真係要比d耐性，你可以先從放狗開始。
每日既次數要增加但係唔需要耐。
落到街比佢聞多d周邊既氣味見多d唔同既野。
係佢冷靜既時間你可以讚下佢，拍下佢。

想請教下
我隻四個月唐狗女，朝朝佢都一起身會柯屎柯尿，但係柯完屎就會食，仲早過我起身，有時要同佢鬥早
佢先食唔到
但平時如果我地係度，佢柯完又會走開唔食
都唔知佢諗咩

一帶佢出街搭𨋢聽到𨋢聲/有人出入聲都會好激動吠
由細到大都係
應該點教佢唔好吠？
有時出入都驚嚇親人

平時冇鬧佢 佢每次都痾中 但唔知點解佢真係痾完一秒食曬…… 好無奈

有時放狗佢太驚會扭我抱起佢
我係咪唔應該理佢

部分幼犬會有呢個問題，
發現佢食左屎都唔好話佢。驚佢會怕左屙屎。
或者知道食左屎可以引到你地注意。
有機會係d屎仲有食物既味道，所以想食左佢。
可以既話就小食多餐，盡量唔好比佢有餓感。

係搭緊𨋢果時吠？你比指令佢，冷靜左就獎。
有陌生人同𨋢一樣比指令，做左就奬。

知道
咁如果咁既情況咪即係夜晚訓前12點要餵多餐
咁佢第二朝未必咁肚餓，就唔會食？

有幾多隻狗你教唔到

我隻Poodle囡已經養咗兩個月，而家5個月大。基本野都識做好，唯一係佢對陌生人同狗好熱情，一見到大狗、細狗就想衝過去撲，我只能夠拉住佢，等佢原地冷靜。要點樣訓練佢冷靜地社交？