犬隻訓練員 2 你問我答

如果你哋去狗公園嗰陣時你隻狗對其他狗係冇惡意嘅話其實問題都唔大。有時真係狗夾狗。
有冇試過帶返去見下佢之前識嘅朋友？
佢會唔會主動去聞其他狗？
如果其他狗聞佢， 佢會唔會好抗拒？

如果你有一班固定嘅狗友而佢哋又唔介意
其實你可以比佢哋啲狗教你隻狗。
因為佢仲係小朋友所以當其他成犬覺得太過分會出聲。
不過你要識對方d狗嘅脾性。
唔係就好易變打交。
當然最好就係帶返條繩，
當有過分嘅行為你就拉返開佢
要去冷靜返先再比佢去玩。

佢幾大？ 去左你屋企幾耐？
試吓你出門口之前放啲有你味嘅衫喺地下先。
你都可以準備多啲零食或者玩具。
可以玩間有頂嘅屋仔俾佢屋仔。

有。但係係一啲好基本嘅服從訓練好似sit/hand/down咁
再進一步會比較難

你可以試吓當佢咬你嗰陣時，
唔好發出任何聲音，隻手係佢個口度再推出去。
（好似推走佢咁）
用好嚴厲嘅聲音講No。跟手就唔好理佢，唔好再同佢玩。
等佢慢慢明白只要佢用牙咬到你隻手
你就唔會同佢玩。

可以試下加水落d糧度.
如果係食開乾糧，加罐細細地嘅濕糧再加水。

即係你喺度先咁？
佢屙完喺地下你係唔係會鬧下佢話下佢？
有機會係專登，攞你attention

你屋企有幾多條狗繩？
搵日放假你放晒喺地下先，
放足全日，得閒就放啲零食喺條繩附近。
我哋等佢唔驚條繩再做下一個訓練。

求救4個月大唐狗

1. 好鍾意追住人嘅手腳Playbite但佢唔識就力會咬出血
試過好多網上睇到嘅方法，包括
試圖行開唔睬佢->難 甩到身之前已經咬損哂
塞玩具->佢對手腳興趣大於玩具
叫佢sit再獎零食->會為咗零食特登走嚟咬你一啖再坐低望住你等零食 (想positive training變咗鼓勵佢咬
2.咬傢私，已經全日有人喺屋企同佢放電玩又日日出街，但半夜依然勁有精力趁全屋瞓着晒嘅時候咬牆紙咬傢私，買咗勁多玩具俾佢反而唔咬
3.出街會吠其他狗，唔係對隻隻都會但可能有啲狗佢唔鍾意就會狂吠嚇親人哋隻狗，又係試緊叫佢sit再獎零食個方法但暫時未成功

好驚自己用錯方法教壞佢點算好

樓上都有呢個問題

你試吓當佢咬你嗰陣時，
唔好發出任何聲音，隻手係佢個口度再推出去。
（好似推走佢咁）
一定要用好嚴厲嘅聲音講No。要大聲到係嚇親佢。
跟手就唔好理佢，唔好再同佢玩。
等佢慢慢明白只要佢用牙咬到你隻手
你就唔會同佢玩。

佢咬牆邊咬傢俬嗰陣時你點都要no 咗佢先
再企係佢咬果舊野前面（好似保護緊舊家私咁）
佢想繼續， 你就繼續停佢。直到佢放棄為止。

記住由細到大都要教識佢No呢一個字
錯嘅行為就要No。

好多條 乜款都有 因為個陣為咗揾條佢唔會金蟬脫殼嘅買咗好多
唔驚條繩意思係我拎出黎都唔會匿埋定純粹我擺喺度佢肯聞下都算？
等我拎佢最常用個一兩條出黎試下先 唔該晒

聞下唔算. 直到佢對條繩冇反應.
唔會匿埋，唔會聞佢。 我諗一至兩日攪得掂

多謝ching咁夜仲覆我
明白好我試試，我嘅No真係零氣勢完全冇阻嚇力，次次No完佢都零反應，唉睇嚟我要練下點講No

不過佢好多時咬牆同傢俬都係冇人睇住或者個個瞓晒覺先做，次次都事後見到爛晒先發現，冇得事發當埸no點算

仲有突然醒起多個問題，佢同我屋企另一隻狗(松鼠狗)有時好似friend咁會一齊玩(playbite咁互咬），有時又會突然互吠或者露哂牙咁惡對方(爭食/爭玩具/無端端惡唔知咩原因)，應該say no然後分開佢哋？定有得佢哋自己學點同對方相處？

eric ko 係咪真係全世界最勁果批？

我隻唐狗女好敏感唔中意俾人沖涼剪指甲
有時掂下手隻都彈起，完全剪唔到指甲。
有咩辦法可以訓練返佢唔抗拒剪指甲

我隻狗本身識去尿片到柯
但唔知幾時開始就變左係地下到柯
我人手放佢上尿片到又識柯
但我唔係到個時又柯地下
點搞好

貓嘅話呢？ 咬人抓人點搞 佢地無知覺嘅

唔該ching先，有幾個問題請教下

我隻柴4個月大，未落得街，暫時係我抱住落去行幾個圈，喺屋企一見到外人就勁興奮好想撲埋去，但係個fd又冇做過啲咩令佢好興奮，有次試過興奮到瀨尿，已經等佢喺欄入面坐定定先俾佢同人玩，但人一入去又變返勁興奮，可以點搞？

同埋佢好鍾意喺我行出個欄嗰陣輕輕力咬我隻腳，又可以點樣制止佢

另外佢而家已經好少咬手，多數係奶我隻手多，但有時想去摸佢個頭，或者想抹左啲眼屎佢又會想咬我隻手，應該點train？

我隻狗好friendly 好outgoing 唔護食 唔識惡
一見到其他狗無論大細都會衝埋去聞+奶 好social
但係有個問題
佢見到陌生人會吠
行過見到尤其是男人，吠兩聲，有時啲人講嘢大聲少少佢會好急速吠，試過有人跑步佢行埋去望，人哋望返佢就鬧人，真係想星佢兩巴
陌生人摸佢都會縮，但係屋企人就會沖埋去錫，任玩唔嬲

利申：超級幸福夠，由細到大都係食玩瞓 用手打佢屎忽已經係最大嘅懲罰 （仲要完全唔驚）

唉，由細到大都教佢No
自從有佢每一日講得最多嘅字就係NO
雖然我隻狗唔會搞咩破壞
但係當我講嘢耳邊風
幾惡佢都唔聽
用手打佢都唔驚 （可能太輕力，但唔敢大力）
可能知道我哋錫到佢燶
天生膽生毛

Okok等我試下先 唔該晒

好既 我試下 唔該曬
另外想問吓佢一歲幾先訓練佢一啲簡單動作例如sit 或者stay會唔會好困難
諗緊帶唔帶佢出去上堂好

如果你覺得自己冇乜氣勢，你可以no同時一手打落自己張梳化度。

佢得四個月，仲出緊牙仔，買d可以放零食嘅玩具比佢。
最好買啲要用腦嘅玩具黎訓練下佢思考，就咁用力可以拎到嘅就可免則免。希望會有改善

係屋企裏面地位最高一定你，當佢哋有爭執或者玩到嬲嘅時候，你就要出手阻止。

當你有兩隻狗嘅時候，你餵嘢食嗰陣時要好小心，
要做到公平同埋同時餵，確保佢哋有屬於自己嘅空間。