犬隻訓練員 2 你問我答

我二年前領養左隻柯基仔 依家就嚟3歲 佢性格真係比較膽小 驚青啲
佢呢2年都有吠狗嘅問題 我哋每日早晚都會放狗 有啲狗佢會吠 有啲就唔吠嘅 有時會放佢埋去 俾佢同其他狗仔聞下 假如對面隻狗冷靜都冇乜嘢 聞一聞就會走 
如果對面隻狗好aggressive 嘅 佢就會惡 會互相吠大家
同埋如果迎面見到狗 我就會搶繩衝埋佢但係唔吠 感覺上好似唔俾佢過去佢就會吠
有幾次帶佢去咗狗公園 全程上住繩 慢慢訓練 行近啲狗度 冇反應叫佢坐低 就比獎勵佢 同今日有同另一隻calm嘅狗互相聞 亦都冇吠到 帶佢出公園嘅時候都冇理到任何狗跟住我行 進度都良好嘅本身
不過到啱啱再帶佢落街 咁啱撞到一隻aggressive嘅柴犬 加上條路又好窄 之後佢咬住咗人哋尾巴 不過好快放返 我即刻喝住佢 今次亦係佢第一次咬狗
所以想問有冇啲咩方法可以解決到？🙏🏻

可唔可以詳細啲講點做隻狗每朝六點喺圍欄裡面吠到全層樓醒晒，同埋佢每朝六點幾就痾屎屙尿跟住又會叫，點樣可以改變佢啲作息，起碼晏多少少

以為佢太無聊睇吓放下電會唔會好啲，但同佢玩完擺返佢入去又喺度嘈扭計要人attention同佢玩，我知佢係seek attention都冇理佢，但好似越玩得多佢越得寸進尺要人時時刻刻陪佢咁，反而如果唔太理佢佢自己識得收皮可以點搞，唔通之後一路都唔同得佢玩

新養幼犬五個月，都帶左番屋企成個月，冇啦啦開始吠叫
門口有聲又吠，隔離屋有聲又吠，有時都唔知佢吠乜
應該點做，無視佢，但佢成日咁嘈都好難搞
試過用漏食玩具distract,都只係distract到一陣
另外狗狗好似唔太鍾意人摸佢，摸佢會追咬手，細力嘅，似玩咁，但好似唔多鐘意人摸咁

我有隻柴犬盲快一歲了 以前識係尿板尿尿 但至從出街後就唔肯係屋企痾
一定要出街先肯痾 如果唔係就死忍
我地基本一日帶佢去兩次 早晚一次
但我覺得長期對佢都唔好又唔健康
而家要再教佢係屋企痾係咪要好狠心唔帶佢出街?
有無辦法教到佢自主想痾就痾?