犬隻訓練員 2 你問我答

我屋企隻柴仔4個月，最近打齊針可以出街行，但每次出街都拒否柴唔肯行，次次都半拖半就咁行，未試過係街到屎尿，點樣令佢放心係街到行？

抱住佢互聞吓望吓都掙扎
而家成家人都當佢寶 陪住佢 希望令佢開心啲
其實你明唔明自己有乜問題?如果你自己唔覺有問題既,我諗你搵幾多trainer結果都係一樣
佢見到狗驚,你地就抱佢唔俾佢面對>佢就會搵你地去保護自己>你地就應同佢既做法>結果=分離焦慮+冇咗同狗既social>隻狗壓力大>開始吠咬自己尾去發洩壓力>然後你地覺得冇問題仲要愛佢多D>永遠解決唔到問題

仲有,冇人話你家教唔好,佢識sit同wait唔代表佢識處理自己既問題,即係佢唔知幾時去做應該做既事,如果佢係真係識stay既,你應該可以stop到佢有人撳鐘佢吠呢樣嘢,但明顯佢係處於一個極度焦慮既情況而令佢亂吠咬尾,因為係你地話俾佢知呢個環境令佢好不安,佢需要人抱要人錫

其實你呢類問題係好普遍,上網睇下eric ko d教狗片都應該有類似

用咩帶?胸帶P帶?

佢見到狗驚 我哋一開始並冇抱住佢 而係喺佢面前摸吓隻狗 話比佢知並唔可怕 但佢太驚 係咁扯繩 暫時抱住比佢望吓聞吓 唔好過急 將佢同其他狗直接靠近 係醫生建議 要我哋陪佢 當佢寶 等佢開心返 都係醫生建議而且我哋嘅抱 係蹲低 將佢擺喺大髀 我哋個身喺佢後面 並冇做太多保護動作 唔知你明唔明我嘅抱法 並唔係好似啲死港女驚死隻狗有事攬到實嗰隻 我哋完全比佢知 對方唔可怕 我係stop到佢吠 但我主要係想佢變返以前咁 佢以前係鍾意同狗玩 有人嚟都極度歡迎

但你上面嗰啲家教 聽指令 佢而家已經係 啊 我講漏咗 Sor 補充返 所謂出街就吠 係講緊平時放假 夜晚出街 佢慣咗我哋平日日頭返工 所以日頭唔吠 會乖乖瞓覺 但知我哋夜晚放工會返 一夜咗 或者出夜街 唔見影先吠

我覆埋你呢次,我好直咁同你講,你係果類永遠覺得自己冇問題既主人,人地講乜都聽唔入耳,狗有問題90%都係train個人而唔係train狗
1.獸醫唔係trainer根本就9up當秘笈,我做過呢行,我知香港D獸醫流到爆
2.我唔理你點抱佢,只要佢4腳離地係你身上,你既語氣,佢都視為一種保護
3.你想佢同狗接觸,唔該你搵返同類size claim既成犬放係地等佢接觸,而唔係抱住佢俾佢聞
4.你想佢變返以前咁,唔該你先改變自己既思想
完

睇咗你咁多留言 全部都係講道理嘅說教 主人點樣有問題 第三點終於有啲實際建議做法 比我跟住做 唔該晒我會再試吓 其實唔係未試過 只係佢扯繩想走得太緊要 我勉強扯實逼佢面對 都試過磨到佢損咗 Anyway 我會再試吓你第三點嘅做法

巴打 佢比狗咬過會怕其他狗係好正常，唔需要迫佢面對，先比佢係一個佢覺得安全嘅距離觀察其他狗。 做到每次都冷靜左先再做下一步訓練。需要好耐時間但係可以解決到。

分離焦慮會比較難攪。暫時買d cbd比佢食先，唔想佢係屋企傷害自己。我意思係主人會用錯方法去愛佢，要教識佢有me time. 第一步可以做多d入籠or 床仔訓練。

係屋企上繩等佢習慣左條繩先，到佢習慣左係屋企都可以自由活動再帶佢落街。所以野要慢，比佢慢慢習慣。

終於等到post主覆你有耐性好多

我而家就係比佢遠距離同其他狗互望吓 不過佢通常隔一條街嘅距離見到狗就調轉頭想走 其實佢都有進步緊 除咗啲太活躍 見狗就想衝過嚟玩嗰啲會驚之外 一啲年紀比較大 或者唔理佢嘅狗 佢就可以喺佢哋旁邊行過 我屋企附近個狗公園 成日有隻年紀大嘅狗狗瞓喺度唔郁 佢都好大膽行到勁近望佢 我諗佢需要多啲時間

仲有我講漏咗 關於分離焦慮嗰度 Sorry 補充返 點解我上面解釋得咁奇怪 所謂出街就吠 係講緊平時放假或者夜晚出街 因為佢慣咗我哋平時日頭要返工 所以佢日頭唔會吠 佢會乖乖瞓覺 算唔算有me time？佢知我哋夜晚大約幾時返 一夜咗 或者出夜街 時間太夜 唔見人影先會吠

日頭唔吠，但係佢一到夜晚只要你地唔係度就會傷害自己咁嚴重？ 你可以試下夜晚要出街之前滿足左佢嘅需求先，好似係食野，散步，訓練，大小便等等。睇下會唔會有好轉。

我會同佢去咗街街放電 同餵咗佢食嘢先出門口 訓練? 例如呢？要做咩訓練？

其實每日都最好同佢做返d服從訓練會比較好。好似come down sit呢類。 每日都要比狗狗用鼻用腦佢先可以精神上放鬆到。

咁我試吓要佢做每樣嘢都需要服從指令先平時我哋返到屋企 都會等佢冷靜返 要sit先會理佢 食嘢同玩就更加 我睇吓喺其他方面加重服從訓練先 謝謝post主

本身有隻10個月大15kg唐狗b (唔叫唔吠親人親狗)
上星期啱啱救咗隻7星期大2kg嘅唐狗b返嚟
兩隻會玩,開頭兩隻都係開心嘅,但次次玩玩吓隻b就狂叫狂吠一分開兩隻係唔同房佢又叫要撩返隻大玩

想問吓:
1. 兩隻狗玩得粗魯,細狗狂吠應該點處理
2. 6-7個星期大其實train到去廁所未(有印返佢啲尿去尿墊,但佢一想痾就痾,一日痾8次又無咩signal/ pattern,捉都捉唔切去尿墊)

Thanks!

加油呀！ 希望減小到佢咬自己嘅次數

樓主係Eric ko?

咁樣會影響到隻大狗，呢個時間最好就停左佢地先唔好再玩落去。冷靜返佢，教返細狗一d規矩。怕佢養成習慣第時出到去同其他狗玩都會咁。

Train到嫁喇。你一開始點train隻大狗？ 一開始限制返佢嘅活動範圍會比較容易啲。

分開佢哋之後要教細狗咩規矩？同細狗做返啲服從性訓練eg. Sit個啲？

過咗兩日突然間Potty train到佢琴日都痾得7成啱

其實2隻狗狗都細個，服從訓練每日都要做嫁，佢地太興奮就要分開佢地佢冷靜返先，訓練佢地係同一個空間都可以冷靜咁休息，唔係次次見到面都要玩到癲曬。
不過狗b太細個，最好睇住佢地玩，唔可以長時間處於太興奮嘅狀態。怕佢地第時出街玩見到其他狗會太興奮。