清 翟灝《通俗編》[1] 卷三十一
〈蹴毬〉
【漢藝文志[2]】兵技巧類有《蹵[3] 二十五篇》。師古 [4]曰:以韋[5] 爲之,實以物。蹵踏之,以爲戲也。蹵,陳力之事,故附于兵家焉。
【唐音癸籤[6]】唐變古蹴鞠戲爲蹴毬。其法:植兩修竹,高數丈,絡䋞于上爲門以度毬。毬工分左右朋,以角勝負。
【按】鞠,實以毛,見漢〈霍去病傳〉注。而唐時毬製,亦不與舊同。歸氏子嘲皮日休[7]云:八片尖斜砌作毬,火中燖了水中搡。一包閑氣如常在,惹踢遭拳卒未休。葢又今所謂氣毬也。
[1] 《通俗編》:見到咩低能野,翟灝都會抄低,久而久之,成為一本重要記錄。詳見:https://baike.baidu.com/item/%E9%80%9A%E4%BF%97%E7%BC%96
[2] 漢藝文志:即係《漢書藝文志》。創立左圖書分類法。文獻學我唔熟,自己睇維基。
[3] 蹵:原字出唔到。其實係蹴鞠既異體字。同一個字,可以有好多唔同寫法,譬如:升昇、牀床。正字以外既,都叫異體字。蹴鞠個「鞠」,原來有好多寫法,自己睇下:http://dict2.variants.moe.edu.tw/variants/rbt/word_attribute.rbt?quote_code=QTA0NTE4
[4] 師古:即係顏師古,注漢書既人,好勁既,唔好理佢。
[5] 韋:可以解做獸皮。唔好問我點黎,我都係查字典。
[6] 唐音癸籤:晚明既一本極重要詩學論著。叫得「癸」籤,即係有甲乙丙丁籤。可惜又可幸地,無印到出黎。
[7] 歸氏子嘲皮日休:歸氏子,唔知咩人黎。皮日休,唐代詩人。佢地寫左兩首詩互串對方姓氏:
(皮)日休賦《龜》詩嘲歸氏子曰:「硬骨殘形知幾秋,屍骸終是不風流。頑皮死後鑽須遍,都為平生不出頭。」歸氏子以姓嘲(皮)日休云:「八片尖斜砌作毬,火中燖了水中揉。一團閑氣如常在,惹踢招拳卒未休。」
第一首詩,皮日休借「歸」「龜」同音串人。以前用龜甲占卜,做法係先鑽孔再烤,根據裂紋判斷吉凶。皮日休將龜殼被人又燒又鑽,笑烏龜無膽「不出頭」。就係咁串姓「歸」既人係烏龜。
第二首詩,歸生話皮日休係「毬」,即係皮球。原來個波係由八片唔知咩野砌成,又要被水火搞過,中間有一團唔知咩,令佢充到氣,所以抵成日被人拳打腳踢。 就係咁,唐代做「蹴毬」既少少步驟就流傳落黎。
《漢書藝文志.兵技巧類》,有記載到《蹵二十五篇》喱本書。顏師古做注譯嗰陣話:,係用獸皮整,中間塞啲野充實佢。然後大大力咁踢,用黎玩。蹵,就係用力既方法,所以屬於兵書。
《唐音癸籤》又有記載,唐代將古時既蹴鞠,改爲蹴毬。點玩呢?就插兩碌竹,幾丈咁高,再織個網去計入唔入。蹴毬分左右兩隊比賽,以分勝負。
作者翟灝按:鞠,即係漢代既足球,係用毛去整實佢既。睇返漢書〈霍去病傳〉注。但係唐代整足球既方法,同漢代唔同。你睇完歸氏子串皮日休首詩,就知同而家(清代) 既氣毬差唔多,個波中間係有氣既。