楓宗七郎
2017-07-17 18:03:26
開 !!!
“4, 6, 5 - 15點大 ! “
我輸了。
上天從沒有應許過事情可以這麼簡單。
這個很簡單的願望其實很奢侈, 一點也不容易得來。
我和凱茹離開了賭場,她終於發作了。
" 我要去巴黎呀我要去巴黎呀 !!!!!!!!!!!!! " 她用了連環的高速拳輕輕的鎚我,她看起來真的不開心了。
"真係冇辦法.......... “ 我面如死灰,也沒有心情。
這三天的僥倖我一下子便付諸流水,然後我不由得心想: 其實我可以拿那六萬直接出發啊。那結果和現在不是一樣嗎, 一樣是手持25萬再來過。 為什麼非要先搏一鋪不可呢?
幸好凱茹沒有不高興得很久,始終這只是我突如其來的浪漫建議,不像跟秀之那樣計劃了這麼久。
我和凱茹來逛街到了一間精品店,她呆望著一套俄羅斯的娃娃,即是那一種由大至細一共有五隻,可以打開然後互相盛載的那種。
"你知唔知呢,呢樣嘢真係靈㗎? “ 凱茹說 。
“咩靈呀 !!! 咪俄羅斯娃娃囉 .........."
"唔係呀,可以用嚟去許願架 !! “
“ 係咩? 真係聽都未聽過.............”
“個傳說係, 你要對最細嗰隻去許願,然後一隻又一隻咁放入去娃娃裏面,咁樣隻細娃娃為咗可以走返出嚟佢會努力達成你願望㗎!!"
" 黐鬼線 !! 聽都未聽過 !! "
" 係真㗎 !!!! 我細個有一套 !! 跟住我去咗個願, 點知一個禮拜後我打開最細嗰隻竟然唔見咗 !!! 而我嘅願望最後真係達成左 !!! "
"唔係呀嘛? 咁邪 ???? 你嗰個係咩嘢願望嚟㗎,係咪你阿爸偷偷地收埋咗隻娃娃最後幫你達成咗咋....."
她笑著然後沒有答我。 那樣的話應該不是關於物質上的吧 ? 我自作多情的想,會不會是想有我這個哥哥?
" 不如咁啦,我哋就用呢兩套舖頭嘅娃娃許願啦 !! “ 我提議道。
"咁衰 ? 要整唔見人哋套嘢 ? " 她笑著說。
於是我們分別在精品店對著兩套不同的俄羅斯娃娃許願。我許願完了以後,只見凱茹仍然閉著雙眼。
是什麼樣的願望 ? 這麼長的........
然後我們一隻又一隻的把俄羅斯娃娃藏在另一隻大的俄羅斯娃娃,最後全部收好了。
"行啦 ! “ 趁店員沒有留意,她把我從精品店裏拉走了。
"其實點解你咁想有個阿哥既? "
" 我都唔知呀........... 我估係細個壓抑得太緊要掛 ?"
"點樣壓抑呀? "
" 屋企唔比我同男仔相處囉 ! 試過屋企請咗一個大哥哥嚟幫我補習,我阿媽吩咐無論係點都一定要打房開門。 於是後尾呢我就作對,好熱要開冷氣做藉口,跟住就閂咗房門。"
我想我明白她媽媽的擔心。
"後尾阿媽都係唔畀,一定要打開房門,為咗咁佢專登喺廳裝一部分體冷氣,係夠馬力吹入房嘅。"
是對大學生補習哥哥的幻想情意結嗎 ? 聽得我有一點妒忌,也莫名其妙。
之後我和她吃了一餐德國餐,然後滿足的各自回家了,就好像沒有發生過賭輸了沒有去巴黎的事。
回到這個文青的三字樓。已經這麼晚了,Darren 應該去了彈結他吧。
但打開門後,我嚇了一嚇。
Darren 和 Jacob 也在那裡,神色凝重 。
楓宗七郎
2017-07-18 00:53:11
“乜你哋原來識㗎 ?“ 這是我的第一個反應 。
"梗係識啦,中學同學嚟㗎 !! 如果唔係咁你邊有可能咁平租到咁正嘅地方。” Jacob說。
"Darren 你唔使返工咩? “
"呀................... 今日冇心情呀 !!!!! 請咗假啦 !!! “ 他看起來十分醉。
然後Jacob 替他說:
" 佢以前個女朋友今日結婚呀 ! 成班中學同學都去齊曬 !!! 我就專登唔去,陪下佢啦 !!! “
原來如此,既然是中學同學有關的,那是個很長的故事吧。是相架裡的那女生嗎?
Jacob幫我倒了一杯威士忌, 我們也坐在俄羅斯輪盤的枱前了。
"你介紹我呢條傻佬 ,佢同我第一晚就拗咗成晚呢個世界有冇運氣呢樣嘢。" Darren 對 Jacob 說。
"我同你拗到耶穌再返嚟地球,我都會同你講運氣只係一種個人觀感。" 他又不小心觸動了我的哲學神經。
"呢條傻佬黐線㗎 ! 佢見到個爛仔揸住把刀,一啲都唔驚就衝上去。咁都未算,我同佢玩左一盤俄羅斯輪盤,佢一買就淨係買17號,然後就一注獨中。"
"咁撚癲 ? " Jacob 聽得眉飛色舞。
"咁仲唔係好彩係乜嘢 ?"
" 好彩只係你嘅觀感啫 !!! 我會話係我好唔好彩囉 !!! 今日買咗六皮野大細,諗住贏咗即刻去巴黎玩。點知就係唔中 !!! 咁你話我喺呢度買贏17號有咩用 ?? “
“咁所以我咪話咗係我好唔好彩囉 ! "
"哎 !! 唔好拗啦 !!! 我哋一齊玩番一鋪,睇下邊個好彩喇 !!! " Jacob 嘗試打圓場。
照舊 Darren 去了做莊家。
"我買紅色 !!! " Jacob 說。
"我買 17 號!!! " 我押上我的賭注。
" 又係用你個酒蓋嚟買 !!! "
"今次唔止香檳蓋,我仲大過你一個膠兜 ! 講起上嚟你仲爭我三十個樽蓋 ! "
" 咁想要今晚飲曬啲酒佢,留番曬啲樽蓋畀你囉 !!! “
“ 我就驚我贏埋呢一鋪,你飲到肝硬化都賠唔到 !!! "
" 睇下點 !!! "
Darren 開動了輪盤,然後鐵球在旋轉。接著開始減速.........格..........格.........格.........格.........
停。
黑色,17。
"唔係咁撚邪下話 ????? “ Jacob 大叫。
" 你係咪做咗手腳咋 !!! “ Darren 驚呆了。
"痴線 !! 做手腳嚟做乜,真係貪你啲酒樽蓋有味 ? " 其實我也驚呆了。
"唔得 !! 再黎一鋪 !! " Jacob 一口乾掉酒杯後說。
"唔玩.......... 死都唔玩....... " 我微微的呷了一口威士忌。
" 點解呀 ? 驚輸呀 ?"
"就係驚輸 !!! 我而家唔玩,我連贏兩盤17號既傳奇就會係永恆。我係唔會親手打破呢個奇蹟嘅 !! “
“超 !!! 你條友仔 !!! 巴撚閉 !! 又好勝 !!! “ 看來大家也喝多兩杯,開始不客氣了。不過我不介意,乾脆喝多一點進入他們的狀態。
接著 Darren 訴說了很多他和以前女朋友最感動的事,也有一些事業上的懷才不遇。 其實聽得我開始有點煩厭,不過他的悲傷我是理解的,又不好意思打住。
接著 Jacob 取出了一個小的麻包袋,倒出了很多綠色的碎葉 ,那是大麻吧。
" 拿 !! 我夠曬老友啦!!! 帶左啲好嘢黎孝敬你!!!!! 阿楓,你都試啲啦!!! “
“呢尾野我真係唔啱 !! " 我來澳門 ,黃賭毒我又真的只差毒沒有接觸。
"怕咩丫,楓葉黎之嘛 !! 食少少有乜所謂丫 !! “ Jacob 說 。
"你就聽 Jacob 建議啦,佢藥劑師嚟㗎嘛 !!! 信佢啦 !!!! 食咗真係冇曬煩惱,冇曬痛苦㗎。"
我忍著...........忍著 ….. 忍著. ……..
酒精的驅使下我還是忍不住發作了。
" 我屌你咩 !!! 你幾多歲呀?? 14歲呀 ??? 冇曬痛苦你都好信 !!! "
他們兩個呆著望著我。
"藥力過咗你既痛楚咪又係又會返番嚟? 隨時仲多咗添 !!!
我同你講 !! 我自己都有好大嘅痛苦 !!!! 我都背負著好多好多嘅遺憾 !!! 但係我唔會逃避呢啲痛苦囉 !!!
係呢啲痛苦係我嘅回憶嚟嘅,係呢啲痛苦先至造就佐今時今日嘅我 !! 我需要呢啲痛苦!!! 我好撚憎我嘅過去,我做錯咗好多嘢永遠都返唔到轉頭..........
但係呢一啲先至係我靈魂嘅一部分 !! 呢啲就係我喺有錢佬身上搵唔到嘅嘢 !!!
Darren !! 你音樂家嚟㗎 !!! 你冇痛苦嘅話你點做音樂呀 ??? “
Darren 的手停了下來,嘆息道: " 就算我做好音樂又有乜嘢用 ? 我點樣做都唔會成功..."
" 咁樣啦,如果你信我嘅,我教你成功嘅方法。"
" 你肯教既,我一定聽.........."
" 咁你跟我入黎厠所啦。"
我在洗面盆放滿了一盤水。
" 咁跟住點呢 ?" Darren 沒神沒氣的說。
然後我一手,把 Darren 的頭暴力的按入水中。 他拼命的掙扎,但是因為喝醉酒的關係,他抵抗不了我。
過了一會我放手了, Darren 把我推開,也打了我兩拳。
"痴撚線㗎你???? "
"我同你講.............. 如果你對音樂嘅上進,係好似頭先咁樣嘅掙扎 !!! 你一定會成功。"