如果賭王同你賭一鋪, 但輸咗會要了你的命, 你賭嗎?

掛在頸上的證件膠套，從來都只是一個權力的象徵。有什麼人可曾認真看過證件套裡的證件是否屬實，甚至還打電話去機構確認一次?

Jacob給了我證件套，但裏面是空的，他叫我隨便放一些卡片入去就行。我說我沒有，他就隨便找來了一章邪留丸的公仔卡。

" 唔撚係下話......................."

“得啦你陣間睇住我點做啦 !!! “


在這個佛羅斯賭場的門口，有一架旅遊巴來了。 導遊下了車，引領著一班團友排隊。導遊說:

"呢度就係澳門最著名嘅佛羅倫斯賭場 !!! 呢度呢就係自費節目嚟嘅 !!!! 但係我哋個團如果買飛就會有團體價優惠 !! 參觀嘅呢，每人就畀300蚊呢個哥仔，跟住佢入場就得啦 !!
.....小童有冇優惠 ??? 小童梗係冇優惠啦 !! 賭場唔會專登做優惠吸引小童㗎嘛 !!!! 不過呢裏面就好宏偉嘅 , 小朋友都應該睇下開下眼界啦............... 你哋呢就跟住嗰哥仔入去啦 ! 呢度唔泊得車，我會跟埋司機一齊走 !!! 你哋聽住哥仔嘅安排集合，然後佢會帶你哋出返嚟，我同你哋會再去第二個行程㗎啦。 我就勸你哋陣間唔好賭， 因為我會帶你哋去第二個娛樂場，嗰度會有優惠，陣間再講啦 !!!! 唔入去都得嘅，你哋可以喺周圍影下相，嗰度有條運河同埋大橋 !! 陣間四點巴士站集合啦 !! "


就是這樣，所有人也選擇去， Jacob 向每一位團友收了300元， 然後帶他們走入賭場了。


我低頭望一望我的邪留丸證件，我感到我在流賭博那時一樣的冷汗.............

天!!!! 我到底在幹什麼 !!!!

我會事敗被捕嗎 ? 今天要入賭場 ，不能帶電擊槍啊...................


另一架旅遊巴來了，導遊下車後跟我打了一個眼色， 然後引領他們排隊。 他們喧鬧不堪，導遊的說話有時聽有時不聽，他們應該只會聽關鍵字。

簡單的排隊動作，擾攘了五分鐘總選排好了，導遊說出了和剛才差不多的說話。

"成300蚊咁多 !!! 我都係唔睇啦 !!! 一位阿伯說。

" 一場嚟都咪入去睇下啦 !!! 你睇下間嘢幾靚 !!!!!!!! "側邊的阿嬸勸諫。

"睇咩丫睇 !!!! 咪又係咁 !!! "

"咁遠嚟到唔睇呀 ???!!! 你估成日黎澳門呀 !!! 我唔同你嚟第二次呀 !!!!!! "

結果整個團也選擇去， 我逐個去收錢，每一個300元人民幣，全部也放在公文袋裏面。 我數過， 這一團有42人 ， 總共是一萬二千六百元。

接著我帶領這團進入賭場， 一星期之前我原本是來到賭命的， 千算萬算也不會想像得到我竟然來了這裏做導遊。

來到入口了，有兩位穿制服的職員打開了門， 我和團友進入去了。 入口裏面站了很多黑西裝的保安，還有穿酒店制服的職員。 他們原本各自各忙自己的事，但看見這麼多人來了，目光都轉了過來。


我只好充滿自信的向職員點一點頭，然後繼續前進.......





完全沒有問題，我順利帶領了他們走入賭場。 看見金碧輝煌的裝修，他們已經開始驚嘆不已，已經開始拿著手提電話拍照和自拍。


帶了他們上電梯去了二樓，這裏是最經典的佛羅倫斯運河，還有那個假的天空和假的街道。


我用古天樂"撚太撚" 的國語叫他們一小時候在這裏集合，然後解散了人群。

我總算鬆了一口氣。





小丑和女小丑在遠遠的看著，烏鴉沒有搭嘴。





Jacob 看到我就過來了。

“喂 !! 楓哥 !! 順利嗎? "

林振強說過， 小心那些哥前哥後的人， 因為終有一天他會把你當成契弟 。 說到底我只認識了他數天，仍然有一點戒心。

"Deee !!! 都唔知係唔係你專登用股票跣我既!!! 我而家就要同你做埋呢啲罪犯勾當 !!! "

我笑著說，然後把公文袋交給他。

"嘩!!! 你講呢啲 ??? 呢份筍工係人都做到啦 !!! 使乜唗我八萬蚊氹你做呀 !!! 導遊分6成 , 你每個團都執5千啦!!!! "

“ 講笑啫..............我都知好筍 !!! "

" 好難得做開嗰條友要去旅行一個月，我先至用皮幾野加埋人情投到黎做咋 !! 呢條友靠呢門生意發咗達買咗樓啦............."


我把工作室貼滿了告示貼的方法，也沒有想到辦法可以解決困局，偏偏這世上有人做導遊無啦啦可以上樓。時也命也。


" 唔驚會拆穿㗎咩? "

"驚咩丫! 佢哋農村黎， 咩都未見過 !! 咪係嗰啲等咗幾十年，澳門終於回歸咗死之前要黎睇下嘅老人家囉!!! "

"下? 會唔會o係論壇討論，講起畀咗300蚊先發覺俾人搵笨? “

“上鬼上馬咩 !!! 佢地隨時智能電話都唔識用 !!! 就算係都返咗農村啦 !! 到時旅行社咪話唔知咩事囉!! 又唔係佢哋同埋導遊收咗錢 !! 係你 ~ 收咗佢哋錢咋嘛 ? 佢去邊度搵番你?? ? "

就在這時 , Jacob 給我帶一個眼色，是剛才嫌300蚊貴的那個阿伯找我。





"喂 !!! 哥仔呀哥仔 !!!!!!!!!!!!!! "

抱歉久等, 之前講過再講一次


星期六日只能出兩篇。 我已經每一天寫數小時, 但星期六日時間不多，我也沒有存貸.........



btw , 我是扣了負皮, 每100皮才出來 "謝皮" 啊 !!

推

留名

就係咁 樓主比人搭走左

幫你1001

每日簽到

https://youtu.be/63ZZtZmVwuQ
我本人

抱歉久等, 之前講過再講一次


星期六日只能出兩篇。 我已經每一天寫數小時, 但星期六日時間不多，我也沒有存貸.........



btw , 我是扣了負皮, 每100皮才出來 "謝皮" 啊 !!

辛苦你啦
Btw 一野追到live

樓主唔好急，慢慢出無問題，最緊要唔好斷尾

"喂 !!! 哥仔呀哥仔 !!!!!!!!!!!!!! "

"點呢 ? "

" 我想問呢度5月點算???? "

幸好不是從職員裏面打聽到不用收入場費。不過我仍然很擔心他這個無厘頭的問題。

" 咩嘢5月點算??? "

"5月水漲囉 !!!!!!! 水位會提升㗎嘛 !!! 呢度啲舖咁近條河咁點搞呀 ?"

我望一望 Jacob ， 他一臉忍笑的臭屁面，整個身也在發抖著。我本來不想笑，但看見他的臉後我也變得很想笑。然後我也拼命的忍著。

天!!!! 我以前總是怪這裏不倫不類，油漆的天空加上溝渠一般的河流，偏偏原來有人信這裏很是真的。


"這個嘛................ 氣象台總係會監察住嘅，遇上突發情形例如珠江排洪或者大雨呢，呢度會封一封個天幕同埋啟動排水渠囉 !! 成個排水系統都係用日本嘅防火物料做嘅，好先進㗎, 唔會有問題。 "

Jacob 發抖得更加厲害, 我的聲音因為忍笑得太辛苦，有幾個字也變了一點音調。


本來我打算要是那位阿伯罵我胡說八道的時候，我再告訴他只是說笑，這裏只是佈景啊!!!! 但是他竟然滿意我的答案，"原來如此"的走了。


我終於明白， 為什麼Jacob 覺得十拿九穩了。


結果今天我做了四個團， 賺了兩萬元。在賭場的男廁，Jacob 從公文袋裏 分了錢給我。

"你都賭唔賭㗎 ? "

" 梗係唔賭啦 !!! o係到賭場做嘢， 如果賭錢嘅話一定泥足深陷，返唔到轉頭架啦 ! "

Jacob又的確沒有賭錢的理由， 他本身這麼多路數賺錢，家境本身也應該不錯。

" 你陪我玩一鋪啦 !! " 昨天和今天我也沒有執行那賭一鋪的計劃。

"下? 你又賭 ?? “

“ 呢個係我嚟澳門嘅原定計劃 , 而且我都唔會永遠跟你搵食㗎啦 !”

"賭錢邊有發達㗎!"

"So far 我喺賭場嘅勝率比股票市場仲要高一啲.........”

Jacob 答不上話來 。



因為今天有Jacob同行， 我想起之前跟李奧賭的那鋪，所以我去了玩 Black Jack 。


下注兩萬元, 派牌 !!!


牌面是兩隻公仔，應該十拿九穩吧 !

莊家牌面是一隻公仔, 千萬不要是blackjack 啊 !!

開 !! 17 點 !!!!


真是好彩，贏了。

我把兩萬交給Jacob。 "還畀你!!! "


"下??? 點解呀 ???"

" 多謝你比嘢畀我做囉!! 而且其實我覺得我唔應該收你果八萬蚊.........."

" 哦 !!! 咁我上一手股票執到三十萬吖嘛!!! 咁我咪當個八萬蚊都係風險成本囉 ，我都仲執緊廿二萬!! 唔使啦，本來我係諗住多謝你柯緊屎都肯開門幫我，果日我真係好淆底㗎! !捉到隨時要坐幾廿轆 !! 而且而家都仲係累緊你輸錢嘛，你收返埋嗰兩皮嘢啦。"

"都係唔好嘅........... 咁啦!你點都收一萬啦! 咁都係我賭錢贏番黎啫 !! 我仲要跟你搵食家嘛 !!!"

"好啦 !! 最多今晚我請食飯啦 !!!"


Jacob 帶了我去吃地道的茶餐廳， 他推介了豆腐火腩飯，說是這裏最好的東西。 自從當年那潮文出了以後，我真的沒有再吃過豆腐火腩飯，我也已經聽得厭倦了。 不過我當然不會抗拒本地人的推介。

"你老味丫!! 我畀咁多錢你, 你先請我食豆腐火腩飯 !!!"

"咩呀 !!! 呢個真係天下美食嚟㗎 !!! 香港食唔到㗎 !!! 嫌cheap 就嗌多啲酒啦!! “


我再叫來了數支啤酒，酒後我再嘗試從他那裡探聽， 了解到的大約就是他是跟sam哥搵食的。 而背後的大老細他也從來未見過，只是暗示過是一名大人物，有私人保鑣隨行，甚至在東南亞有私人軍隊，在這裏好像跟北韓的官員有瓜葛。 不過我就不能確定是不是酒後的吹噓， 或是利用大話製造煙幕。


回到酒店了， 我在電腦面前計一計數。 扣除之前輸掉的，加上偵探的酬勞和第一隻股票的收入, Jacob的賠償和今天的收入....

我現在有 34 萬， 情況又好像不是真的那麼壞.............

股票輸了一半， 才是十六萬。但是第一隻是贏了， 有六萬多。Jacob 賠了八萬， 今天騙了兩萬，賭贏了兩萬還了一萬.....


我竟然是有了進漲。


我立刻想起 Katy。 要是現在還是數天之前，我會找她吃一餐好的來慶祝吧。

酒店房裏，清潔工把洗好的碗碟放好了，桌面上放著 Katy 煮飯的那一餐我們用過的碗碟，還有那一雙香檳杯。


我去了 床上躺下去了，看著同樣的天花板............ 這個天花板有再次看起來更加灰暗。這床上 當然也令我想起當晚跟她纏綿的情況。


實在捱不下去了，我決定起床繼續上網。

但驚奇的事情發生了..........

我的facebook收到 Katy 的 Friend Request。

Penis!!!

究竟係邊個發明賭呢樣野

睇黎有得食

竟然起到你底

睇黎有得食

Katy 沉船了

起初只是淚如雨下, 然後變了失控的哭泣，這是比賭博更難預期的結果。


原本只是以為簡簡單單的明買明賣 ，然後發覺根本是處心積慮，所有的事情就只是一場戲。

但再想深一層，由一開始這都只是一場戲，她販賣戀愛，而我不過是一個表面風光，其實是一個真空而腐朽了的人。 至少Katy 是真的懷才不遇， 她值得比現在擁有更加多，而她的行為都是為了家人。

而我不過是一個僥倖創業的攝影師，投資失敗了然後追逐過去。 我由始至終，只是為了自己。


Katy 感到我在發抖, 她輕輕的拍了我幾下... 我乾脆讓自己崩潰的全部哭出來算了。


過了今晚, 我們應該不會再見吧。


再哭了一會，她在我耳邊輕聲說: "點解你咁長氣㗎.......... 你送我返屋企啦.............."


她拖著我 走過很多條長街，沿路我們沒有說話，而我則盡量收拾情緒和擦乾眼淚。 她把我帶到一條有數盞舊街燈下的樓梯，澳門有很多這樣像石板街的地方，我們坐在樓梯上。

" 呢度樓上就係我屋企啦..........頭先細佬send咗message畀我，佢已經返左去啦。"

我不知道應該說什麼才好。


她微笑著望著我， 街燈下的她十分可愛。


然後竟然是她擁過來跟我接吻， 那是我人生第一次坐在梯級上接吻吧。


這長吻不知道吻了多久， 我好像有點怪聲。

我沒有理會，但過了不久，怪聲又出現了。

Katy 停了下來看過究竟， 原來是有老鼠 !!!!!!!!!!


老鼠在樓梯附近搵食，碰到各種雜物發出了聲音。Katy 尖叫了 !!!



最後我送了她到門口直到她上樓，然後簡單的說了一句再見。


為什麼連最後的長吻，都要被一隻老鼠破壞? 我真的是一個世上最倒霉的人。






" 嘩! 你做咩同人打交呀? " Jacob 看到我的傷口對我說。

" 呢d 唔係叫打交 ! 呢d 叫被人毆打 !!! “

我將那 "威哥" 恐嚇勒索我的事情簡單的告訴他。

"車!!!!! 家下邊有黑社會㗎 !!! 90年代咩 !!!!!!!!! 嗰啲全部同國家投左誠啦!! 一係就唔做, 做親就一定係大買賣。 你見到嗰啲一定係冇料到嘅死o靚仔! ....... 咁你最後係點走甩㗎 ?? “

“ 打咗我一陣, 聽到警車聲佢哋咪走曬囉 !!! " 我不能告訴他我有電擊槍，也不能讓他推敲到那天我帶著那東西本來是用來防他的。"

"冇事就好啦 !!! 洗撚驚佢哋咩 !!! 下次有咩你call我啦 !!! "

" 咁我哋今日做啲乜嘢.............."



Jacob 拿出了一條掛頸的證件套放在枱面。

" 呢個就係生財工具 ! "


然後他將整個計劃告訴給我............





仆街!!! ! 這根本就是垃圾騙案 !!!!!!!!! 這真的行得通嗎 ????

識搵ge話 澳門真係好多有情調ge地方☺️
殖民者留低ge

之後仲會唔會有katy出現
睇到好sad
定係好似你所寫
以後都唔會再見

重甜

究竟係邊個發明賭呢樣野

根本唔洗發明
有錢就有

新讀者live 左

好有feel，一直諗緊烏鴉小丑係咪講緊佢內心（唔洗開估住慢慢講有feel啲）

加油