［方丈］HR萬事屋，面試搵工，升職講數，你問我答

想搭單問下方丈，如果為左讀BA master而走去報HKU space既BA cert，會唔會怪？因為我聽講話三大畢業既唔好搵非三大讀master，定係只要之後報得番三大BA master就得？

認真求教，應唔應該見工時坦白自己有傷(唔洗講明係工傷)？

so?

重點係會唔會對工作有影響，有影響嘅話係幾大影響
如果無影響或者好輕微影響，咁唔駛比人知咁多野
如果個影響明顯，講左先好過等人發現。你講maybe扣d分，但係起碼你比左心理準備佢

神比佢既旨意

因為其實之前完全未做過涉及法律問題野，前公司係行內都係龍頭，所以個文件量多得驚人，另外搞文件比人又要拎授權同蓋印，程序多到超出負荷，所以出現「水土不服」問題，試過去完個廁所已經有5個電郵。

唔緊要啦，過左去
你專注前方仲好啦

thanks!

坦白基本上就唔請，主動話有傷就會無限聯想，例如公立醫院覆診，病假好耐，甚至殘疾。主要怕請左你之後不停病假，尤其是去親專科，一開病假已經可以係幾日甚至幾個星期（公立醫院）。

我覺得未必，因為你真係有需要請病假，點瞞極你一年內點都要請病假啦，雖然唔知你具體傷邊度，如果真係間間私人都咁顧忌既話(which is我唔係好信)你一早就唔應該考慮入私人

因為未入職前我的確分辨唔到老細對病假管理個鬆緊程度，浪費幾個月搵工之後入職被炒，然後再搵過其實殺傷力都幾大。

其實點解入私人先，係我試過想0經驗入政府全部都唔請的，私人的工作經驗係政府工會係job knowledge 度加分。

因為私人工過了試用期，炒一個人要賠1個月人工，仲有年假人工，另外工作開始已經上手，唔會無啦啦炒之後又搵多個人再慢慢磨合，因為老細又要面試一candidate ，所以成本比請少少病假高好多。

私人其實都係成本作怪，另外政府要炒一個人（非政治問題），其實好複雜，炒之前其實都要警告，個警告全部都係好實在問題，例如經常遲到咁，仲有要高級行政主任先可以炒得，唔同私人個前線經理已經可以炒你。

正常無僱主會歡迎員工請病假
除非你已經為公司付出左好多年既老員工

點解唔好好養病斷尾？ 要跟一世咁長期覆診？

咁簡單而言，做政府既話，你做得廢，都炒你唔到
係咪咁講?

//因為未入職前我的確分辨唔到老細對病假管理個鬆緊程度//
所以點解我提出會唔會見工時講左先，例如話可能一個月要請兩日，但係我好想自食其力etc，我之前都話你面試果陣要show到好想入，不過睇你依家說話方式應該都冇做到

所以我話點解兩個幾月先炒你應該唔單係工傷既問題，係你冇聽入耳定係我講得太深

佢不嬲係咁既意思，所以點解我寧願日日OT都唔做政府

佢不嬲都活係自己嘅世界，同佢世界唔夾嘅說話唔會聽到

係啊，因為政府炒人要提出原因，例如做野慢要提出證據話要點慢，同有無比員工改善方法點做快d ，另外出警告個個唔可以係你上司，要再高一個職系，加上政府基本上做野都做得好慢，例如interview 之後要3-4個月先有結果。

其實我都唔想做政府（公務員除外），因為非公務員出私人會俾人質疑適應唔到私人「節奏」，不過宜家失業，沒有選擇了。

政府工難走/容忍度大唔代表易入，不過你依家都冇得揀咩都要試，只係想你用岩既方法去努力者～另外有冇諗過做散工(例如格仔鋪收錢果類)? 唔一定得政府工/私人工兩條路揀