其實全部野#1都有講
但係你啱啱入手,比咁多野你記,都好難明
我做咗好多年,個成果對比呢度師兄只係垃圾
我都係最近先接觸big 3
頭幾年係鳩做,#1內容完全唔知
為做而做,晒咗好多時間
你肯去特別學已經好好
養成咗習慣/生活一部份之後就好好多
178 65kg鋼條型大隻極有限啦
- 手臂粗過你嗰度我覺得係你諗太多,體重差太遠啦,試下度臂圍
。
你不如試下對比隻腳,腳粗靚過手臂漲
- 舉得重都要分姿勢啱唔啱、有冇借力。
我見過望落60kg排骨仔2頭彎舉單邊25lb,拗晒腰咁,我擺明重佢好多都只係做緊25lb。
姿勢靚重要過舉得重,唔好太執著重量,感受度>重量,你唔係玩健力。
出力嗰下1秒,返去嗰下2秒,個重量你做到12下就再加重,加到你連8下都做唔到。
- 你都識講有人長期幫佢,佢進步快過你正常啦,與其覺得佢進步得咁快,不如當佢做對手,唔可以輸比佢。
- 身體問題一律建議睇醫生
,佢地先有能力去判斷你做唔做得,呢啲錢唔慳得,個body跟你一世。
其實你個體重係我目標黎
,增肌真係好辛苦,我依家食住第4餐答你,食到想嘔。
肥底肯努力真係優勢黎。