戴定頭盔先 我唔係咩專家亦唔識任何醫療知識
請根據個人情況選擇適合嘅減肥方式
懶人包:酮疹好撚辛苦
5月份開始的起心肝決定減肥 上網睇咗peeta 蔥葛 之後都開始嘗試生酮
食任何嘢都要上網check咗碳水含量先 菜靜係可以食啲菜葉 肉有幾肥食幾肥 啲醬料幾乎都唔食得 糖更加唔洗講
過咗第一個月之後體重開始減得好快 但生酮嘅副作用都開始嚟料
首先就係啲肥肉食得多好滯 而且呢種飲食唔停得 出酮再入酮就好難 出面啲嘢九成九都唔食得 想食啲咩就要自己煮
啲肉又貴到仆街
最大最大嘅問題就係酮疹 根據我自己調查 唔係個個都會出酮疹 可能我黑仔
啲胸口同條頸會開始生啲粒粒 屌佢老母痕撚到仆街 係痕撚到仆撚嗮街
我即刻開始上網check資料 有啲人話係排緊毒 又有人話係食得唔夠肥 明明我已經跟嗮個比例嚟食
呢啲酮疹好似波浪咁一波未完一波又起 尤其係沖完涼抹身嗰吓 一掂到就痕到想喊 夜晚又係痕到完全訓唔著 嗰幾個月不知幾撚痛苦
啲酮疹就算停咗痕癢都會變成黑色一達達 個胸口都算 成條頸黑到唔敢出街
後尾先發現根本減少碳水攝取已經可以減到肥
我11月就停咗生酮 轉低碳 體重都一路減緊 終於知啲人點解可以食極唔肥 就係食少啲飯 食少啲汁 唔飲甜嘢 日日食得健康食得好飽都已經可以減到肥 自從停咗生酮之後冇再出現過酮疹
我唔知點解有啲人會酮疹有啲人唔會 可能大家體質唔同 如果你認為賭得過嘅不妨試下
共勉之