[器材撚]各式廚具(廚刀，鑊，煲 etc)討論貼

磨刀要跟返個曲線同角度

其實屋企用剪會好啲
唔識就力斬到有碎骨好影響食慾

我見評測話vitamix打出嚟稍為再幼滑啲
不過blendtec平少少 又多自動program 已經夠晒好
美國製造 諗唔到有咩理由買德X寶嗰啲貨色

我覺得用雞剪都有碎骨問題
所以先想學斬 不過又要買塊厚砧板
我而家自己浸雞就起骨算 當係海南雞咁

咁買把重啲啦，去陳枝記問下

刀應該點拋光？買砂紙磨就得？有冇師兄教路

拋光應該係用磨砂液，用機打
用手拋撚到你2046

當用8000嗰下當開始係抛光，佢咁熟手都搞左個幾鐘

用機抛快好多，外邊專業拋鏡面都係收百幾蚊，你估係用手定機

呢一樣其實係好多人忽略既嘢嚟，啲人買個三四百蚊電磁爐就係度屌話加熱唔均勻，但其實好多時係因為將價就貨買咗啲加熱線圈直徑得十幾cm 大既返嚟，咁就肯定仆街啦

不過要認清你既budget 同用途，如果講效率一定係電磁爐，不過加熱方式唔同所以有唔夠力既錯覺

係香港應該買唔到大功率非中國製既單頭電磁爐，如果取其輕一係睇下台灣牌子尚朋堂係大陸有隻2800w(一般得1900w-2100w)既電磁爐，畀得起就買貴版進口玻璃果隻，再改埋插蘇頭，再唔係就要諗專業廚房果啲但唔可以隨便搬出枱度打邊爐用

用大火數真係問清楚，驚拖到廚房跳fuse

同埋用電磁爐要習慣返個手勢，唔好成日離火chok黎chok去，一離開係完全停左加熱

想入刃之黑幕#1000，邊間鋪個價靚啲

景德行已經算平

thanks

我係wing on 換左隻 ZWILLING® Nova Plus 炒鍋
我想問下應該要點開獲，定係就咁清洗完就用得

都係正常流程
洗乾淨之後抹乾，倒多啲油拎啲唔要既菜慢火捽黎捽去
再洗乾淨，就係咁

有冇人有玩碳鋼？雖然保養係煩，但易磨好多

呢d 鑊都要開鑊既咩 不鏽鋼同易潔鑊都係用洗潔精洗一洗, 煲下熱水就用得啦喎

水洗一次for 普通污糟嘢
油炒一次for有機溶劑
小心洗得萬年船，都係十分八分鐘

屋企用電磁爐
用過鑄鐵返唔到轉頭
用嚟煎野完全唔同火侯
以前用易潔煎隻蛋都好似唔多熟咁

水洗同洗潔精已經清潔到哂一個新既不鏽鋼同易潔廚具, 用油同菜渣係用黎同d 鐵鑊開鑊喎, 唔係因為用黎清潔, 係用黎養鑊喎.

你自己個人中左有機溶劑會唔會用油黎清潔? 我就未聽過啦. 明明有效點解仲要花多十分八分鐘做d 無謂野?

其實所謂養鑊係啲無謂嘢

仲有個人中左有機物係可以用溶劑洗，咁你敢唔敢倒落個鑊先？

講真你當第一轉炒完唔要求個安心，你買個水煲第一轉水你都唔飲啦

養鑊都無謂... 個鑊唔常用就要養架啦, 就算鐵鑊一開波都係d 普通大豆油. 中左有機野係用大量清水沖洗, 不斷稀釋是常識吧, 咪撚攪笑. 用油去處理不鏽鋼同易潔鑊根本係浪費資源同時間. 名牌鑊, 用水同洗潔精已經係可以好安心

各人做法，buffalo水煲夠大牌子未？
洗到勁乾淨頭兩轉水都係有陣味

仲有，炒第一轉唔要俾你講到浪費資源，已經講明係用唔要既菜頭菜尾

你覺得無問題咪無問題，我第一轉就一定唔撚食，話知炒龍肉。