[器材撚]各式廚具(廚刀，鑊，煲 etc)討論貼

我又覺得改良得幾好，如果用牛刀我反而prefer西式主廚刀，個柄好揸手啲

但係牛刀有得揀和式定西式柄架，除非你講緊鍾意主廚刀個重量

牛刀同西廚刀個樣都係靚
總之唔係三德我就OK

我用緊一把佢叫「廚師刀」 應該同牛刀個開刃唔同

Ching 留意下劍型牛刀/劍型三德

牛刀其實唔係沿襲西廚刀咩？
日本人近代先開始食牛
古時都係得啲魚刀菜刀嘛

你覺得三德柒係因為佢本身為主婦改良啫
不過牛刀+菜切呢個組合當然係可以

SET RIVERLIGHT PAN到左,不過個蓋比我想像中矮,有D失望...

另外好在我個電池爐用到(因為我試過有D PAN用唔到SOSAD)

其實係，概念上刀身弧度都有區別，不過宜家太多唔同牛刀所以未必把把同西式主廚刀有分別，主要都係通常牛刀會用硬啲既鋼同埋刀身會薄啲，刀鋒角度會尖啲

另外想問下,開鑊後叫抹油係咪要抹埋外邊?(我抹左...)

同埋之後係咪就咁放置唔使沖水?

出上海街配，幾高都有

牛刀同主廚刀既分別只係厚薄同柄，其他設計應該係一樣

唔係，傳統定義上牛刀個刀刃弧度係少過主廚刀，同埋其實柄係未必有分別，牛刀係有齊和柄(八角/鵝蛋形/D形)或者西式人體工學柄，而通常牛刀都係用硬鋼(60+HRC)，而主廚刀通常用軟鋼(52-56HRC)

抹油嘅作用係隔絕同空氣同水嘅接觸
洗完要烘一烘乾, 都係為左唔好有水氣
咁你話抹完洗唔洗沖水?

外邊抹唔抹, 睇下你介唔介意外面生銹囉
順手就抹埋, 唔抹對煮野食都無影響

用料就唔洗講啦，日式vs西式
用西柄既牛刀其實已經可以叫返主廚刀咁滯

弧度有無source睇下？我印象中係跟晒主廚刀

西柄牛刀可以叫翻主廚刀說明你根本唔知用料分別可以帶嚟咩分別，日式牛刀要用硬鋼既原因就係因為佢會將刀鋒角度磨得比西式主廚刀更尖既同時可以維持到個刀鋒唔會消耗得太快，用柄嚟分牛刀/主廚刀真係笑咗

source就一定無，因為嚟個唔係標準嚟，所以係有似西式主廚刀弧度既牛刀，但係普遍共識就係牛刀弧度細啲
Reddit 新手介紹文：https://reddit.com/r/chefknives/w/gettingstarted?utm_source=share&utm_medium=android_app

你講嗰啲我都知，仲知左好耐添
但依個係個磨刀角度問題啫，軟鋼vs硬鋼特性，直白啲就係利啲
但同成個function黎講係無分別

咁你咪除咗要有常識之外乜都識
正常人都會咁分牛刀，主廚刀你唔同意咪唔好同意
你高興就好

我無唔同意呀屌，唔同意同你講咁耐做乜

”咁滯”兩個字唔識解？

話買牛刀至少都預左係硬鋼依個大家都有共識，但慘就慘在主廚刀依家都有牌子用硬鋼，咁個界線係咪好模糊呀？

但最重要既係，我無講過無分別

我一定用木，膠砧板一定都有膠碎
而且放熱食物上木砧板點都好過膠，溶晒啲膠落食物你都唔想食啦

用柄嚟分其實唔太啱，我認為要用刀形嚟分

牛刀係日本廠為咗打入歐美市場推出既產品。因為西廚比軟多rolling 既動作，傳統日本刀型刃線較直，唔適合做rolling。當時就將近刀尖位置改彎，成為牛刀形狀。西式柄同理，都係為咗配合外國人習慣。

但係主廚刀同牛刀近年愈嚟愈似
因為西日用刀文化上既交流
西式主廚刀刃線愈嚟愈直，而且引入咗好多比較硬既鋼材。有啲廠連開刃都開薄咗。
日式刀都愈嚟愈彎。

講到尾都係配合客人姐...

同埋功能上都可以作區別

主廚刀可以切肉/開海鮮殼/少量砍骨

牛刀基本上只可以切

斬雞係咪文武刀已經夠用？
磨刀係咪一樣方法？

夠用啦

blender用緊blendtec真係好好打
2012用到依家摩打開始有噪音同震.要換我都係換返blendtec.
近幾年打狗糧多.雞魚煮熟之後連骨打一流