親愛寶貝蜜糖甜心
2017-05-05 21:43:28
整合一下討論過嘅答案：
耶穌基督後期聖徒教會同主流基督教嘅分別主要有三：
1. 神格不同, 我地信神係有骨有肉, 一個實際人物, 同人既關係係父親同後裔既關係. 三位三體.
2. 啟示不同, 我地信神依然不斷同人講話, 有機會就會召先知. 啟示唔會停止
3. 權柄不同, 我地信人要有從神賜既權柄, 先可以有能力執行神既旨意
對三位一體嘅見解如下：
1a.
問題：
馬太福音廿八章19-20話過：「奉父、子、聖靈的名給他們施洗」。雖然涉及左三個位格，但呢個「名」(o;noma)又係單數。咁點三位三體法 ？
答：
中文就咁用純號係會誤導人，既然你引埋希臘文，我用返希臘文解釋。奉父、子、聖靈的名，希臘文係eis to onoma tou patros, kai tou uiou kai tou ayioi pneumatos. eis係奉，to onoma正如你說the name單數，tou patros 係 of the father，kai tou uiou 係 and of the son，之後係 and of the holy ghost. 中文翻譯冇將and嘅意思加入去。用英文都解到，一用and，段句子其實係將三句合成：
1. in the name of the father
2. in the name of the son
3. in the name of the holy ghost
and就將重覆嘅刪去變成
in the name of the father , in the name and of the son, in the name and of the holy ghost
所以文法上name係單數唔係因為三位一體。
係因為文法上用單數係正確。
父子靈各有一名，所以係三個名。
用and合成一句，名自然唔洗複數。
1b.
問題：
約翰福音 10章30節：耶穌說 我與父原為一。意思就是完全合而為一。所以係三位一體。
答：
其實如果將約翰福音繼續睇落去，約翰福音:17:22-23“22你所賜給我的榮耀，我已賜給他們，使他們合而為一，像我們合而為一。23我在他們裡面，你在我裡面，使他們完完全全的合而為一，叫世人知道你差了我來，也知道你愛他們如同愛我一樣。“就已經好清楚知道，所謂嘅合而為一係目的上，精神上合而為一。正如使徒們合一咁管理教會，合一咁教導聖徒。
另外聖經希臘文中，“我與父原為一。“係ego kai o patir en esmen. ego = I, kai =and, o patir = the father, en = one(中性), esmen = we are. 希臘文中嘅名詞係有男性化，女性化同中性化，例如神“Theos“係男性，教會“ekklisia“係女性，名字“onoma“係中性。如果“我與父原為一。“係指一神，咁一定要用eis而唔係en。因為en係中性化嘅“一“，eis先係男性化嘅“一“。
所以根據約翰福音17章加希臘文文法，“我與父原為一。“絕對無可能解為三位一體，否則你就必須相信古代使徒係十二位一體。
1c.
問題：
聖經入面都有講：我是始，我是終除我以外再没有真神，你地點去演繹呢段經文？
答：
我估你係引緊呢節
以賽亞書 44:6 耶和華─以色列的君，以色列的救贖主─萬軍之耶和華如此說：我是首先的，我是末後的；除我以外再沒有真神。
同樣以賽亞書43:12 都有咁講 "我曾指示，我曾拯救，我曾說明，並且在你們中間沒有別神。所以耶和華說：你們是我的見證。我也是神；"
耶穌基督亦稱為中保 "約翰一書 2:1 我小子們哪，我將這些話寫給你們，是要叫你們不犯罪。若有人犯罪，在父那裡我們有一位中保，就是那義者耶穌基督。"
中保既意思係兩造之間既仲裁者.
自亞當既墜落後, 人類就同神(天父)隔絕, 必須透過一位中保(耶穌基督)黎同神溝通.
因此由亞當被趕出伊甸園後, 父神對人既溝通就只有係為子作見證時先會出聲. (耶穌洗禮同變形山為例)
所以舊約時期父神一直都係透過耶和華(耶穌)去比誡命, 召先知等等.
新約耶穌更教導
馬太福音 11:27 一切所有的，都是我父交付我的；除了父，沒有人知道子；除了子和子所願意指示的，沒有人知道父。
路加福音 10:22 一切所有的都是我父交付我的；除了父，沒有人知道子是誰；除了子和子所願意指示的，沒有人知道父是誰。
約翰福音 3:35 父愛子，已將萬有交在他手裡。
約翰福音 5:20 父愛子，將自己所作的一切事指給他看，還要將比這更大的事指給他看，叫你們希奇。
約翰福音 5:22 父不審判什麼人，乃將審判的事全交與子，
呢D經文全部都證明幾樣野
1. 舊約時期幾乎冇人知道有父神既存在, 耶穌已經好明確咁講左.
2. 父神將一切所有都交付子去做(耶穌點成為舊約既神)
3. 甚至最後審判都係基於子去審, 由太初到未了, 父都將所有交比子去做.
所以對於以色列人黎講, 耶和華(耶穌)對佢地講, 你地沒有別的神, 係冇錯的. 因為正如耶穌(耶和華)親口講, 冇人知父係邊個. 佢黎到先介紹比人識.
好喇, 咁耶穌(耶和華)黎到就介紹, 其實自己只係中保, 真正要祟拜既係我的父, 也是你們的父, 我的神, 也是你們的神.
呢到極之明確咁解釋左, 神係有分級, 父神 > 子神 > 聖靈
因為聖靈係耶穌賜落黎, 派落黎既.
舊約時人共祟拜耶和華, 因為係父神指示既
新約耶穌(耶和華)教人, 要祟拜父神.
兩個時期人都共係祟拜緊一位神. 並無不可
親愛寶貝蜜糖甜心
2017-05-05 21:58:49
手多，再post
2a.
問題：
聖經啟示錄話唔可以增添同刪減聖經，點解你哋摩門教會多本摩門經？
答：
首先聖經本身並唔完整。
因為聖經唔係包括所有神所召既先知既話, 係後人用好多本書集合出黎既書集. 聖經唔係一本書, 係書集. 聖經自己本身都提及到好多經文同作者, 本身係被視作神聖經文同先知, 但失去左.
例如舊約有：
耶和華的戰記（民21:14）
雅煞珥（書10:13；撒下1:18）
所羅門記（王上11:41）
先知拿單的書（代下9:29）
先知示瑪雅（代下12:15）
先知易多（代下13:22）
耶戶（代下20:34）
何賽書（代下33:19）
以諾（猶1:14）
新約包括：
給哥林多人的信（林前5:9）
給以弗所人的信（弗3:3）
從老底嘉來的書信（西4:16）
呢D都證明聖經並唔係包括神既每一句話.
另外基督徒啟示錄去話唔可以有新啟示其實係好錯。我先引用啟示錄:22:18 我向一切聽見這書上預言的作見證，若有人在這預言上加添甚麼，神必將寫在這書上的災禍加在他身上。
但其實申命記都有同樣警告。
申命記:4:2 所吩咐你們的話，你們不可加添，也不可刪減，好叫你們遵守我所吩咐的，就是耶和華你們神的命令。
如果基督徒要用同樣方式去解釋聖經，咁申命記打後嘅佢哋都要拒絕。
另外有更好嘅證據證明啟示錄唔係指緊整本聖經唔可以加減。因為首先，現代聖經係第四世紀先由後人集合而成出現嘅。約翰根本就冇參與現代聖經嘅編排，咁佢點知指緊邊本聖經？加上啟示錄作者使徒約翰所著作嘅約翰福音係約翰完成啟示錄後先寫嘅，經文證據加上歷史證據，好易睇得出啟示錄唔係指唔可以有更多經文。
聖經本身就係不斷加上去既啟示, 神向來就係不斷比新既啟示比人.正如先知以賽亞所講
以賽亞書
28:9 譏 誚 先 知 的 說 、 他 要 將 知 識 指 教 誰 呢 、 要 使 誰 明 白 傳 言 呢 ． 是 那 剛 斷 奶 離 懷 的 麼 。
28:10 他 竟 命 上 加 命 、 令 上 加 令 、 律 上 加 律 、 例 上 加 例 、 這 裡 一 點 、 那 裡 一 點 。
28:11 先 知 說 、 不 然 、 主 要 藉 異 邦 人 的 嘴 唇 、 和 外 邦 人 的 舌 頭 、 對 這 百 姓 說 話 ．
28:12 他 曾 對 他 們 說 、 你 們 要 使 疲 乏 人 得 安 息 ． 這 樣 纔 得 安 息 、 纔 得 舒 暢 ． 他 們 卻 不 肯 聽 。
28:13 所 以 耶 和 華 向 他 們 說 的 話 、 是 命 上 加 命 、 令 上 加 令 、 律 上 加 律 、 例 上 加 例 、 這 裡 一 點 、 那 裡 一 點 、 以 致 他 們 前 行 仰 面 跌 倒 、 而 且 跌 碎 、 並 陷 入 網 羅 、 被 纏 住 。
神嘅啟示向來就係一點一點加比聖徒，耶穌基督後期聖徒教會宣告，神係一位活著嘅神，佢唔會停止同人講話。
親愛寶貝蜜糖甜心
2017-05-05 23:15:48
3a.
問題：
權力不同係指乜？
答：
權力不同其實冇乜人問，但因為三大不同之一，所以我喺呢到解多啲。
聖職係由神為咗人嘅救恩而給予人喺一切事上嘅權柄同能力。
例如舊約聖經時代神就召利未一族，以按手嘅方式賜聖職比佢哋，只有有聖職嘅利未人先可以喺會幕同聖殿為其他人執行宗教儀式。
民數記:8:10 “將利未人奉到耶和華面前，以色列人要按手在他們頭上。民數記:8:19 我從以色列人中，將利未人當作賞賜給亞倫和他的兒子，在會幕中辦以色列人的事，又為以色列人贖罪，免得他們挨近聖所有災殃臨到他們中間。“
新約聖經時代，耶穌基督親自揀選十二使徒，
馬太福音:10:1 “耶穌叫了十二個門徒來，給他們權柄，能趕逐污鬼，並醫治各樣的病症。“
使徒時代嘅例子有
使徒行傳:8:17 “於是使徒按手在他們頭上，他們就受了聖靈。“
使徒行傳:19:6 “保羅按手在他們頭上，聖靈便降在他們身上，他們就說方言，又說預言。〔或作又講道〕“
其中最重要嘅係耶穌基督將聖職嘅權鑰交比使徒彼得馬太福音:16:19 “我要把天國的鑰匙給你，凡你在地上所捆綁的，在天上也要捆綁，凡你在地上所釋放的，在天上也要釋放。“
冇呢種權柄，人冇權執行任何教儀（例如洗禮）。
呢個權柄交付咗比使徒，只有有權柄嘅人先可以管理耶穌基督新手建立嘅教會。
最後，耶穌基督親自建立嘅教會係有如哥林多前書所講:12:28 “神在教會所設立的，第一是使徒，第二是先知，第三是教師，其次是行異能的，再次是得恩賜醫病的，幫助人的，治理事的，說方言的。“
有人認為必須係耶穌新自揀嘅人先可以係使徒，但其實聖經記載，耶穌升天後，使徒係由使徒揀，而且使徒職位非常重要，使徒們會因為一個使徒嘅離世，盡快咁召新使徒。例如猶大死咗後嘅五旬節就揀咗馬提亞出嚟
使徒行傳:1:26 於是眾人為他們搖籤，搖出馬提亞來，他就和十一個使徒同列。
保羅都唔係耶穌真接揀，都係使徒。
大馬士革嘅異像後保羅冇立即自稱使徒，
但異像17年後佢再上耶路撒冷
"那稱為教會柱石的雅各、磯法、約翰，就向我和巴拿巴用右手行相交之禮"
佢先稱自己為使徒.（加拉太書1-2章）
耶穌基督建立嘅原始教會係由一班有神權柄嘅使徒帶領，使徒職位非常重要，不可缺少。
但使徒後嚟一個一個被殺，再無機會召新使徒補位，呢個權柄同職位就消失咗。世上再冇有從神權柄嘅人。
親愛寶貝蜜糖甜心
2017-05-05 23:51:43
3b.
咁冇晒有權柄嘅使徒，點解神要隔1800年先再約瑟斯密？
因為喺使徒被殺害後，即使神即時再召使徒都會再被殺，後嚟大教會嘅成立令世界失去咗宗教自由，所以神要再建立教會就必須等一個宗教自由嘅地方出現（美國）。
所以1820年天父同耶穌基督向約瑟斯密（教會第一任先知）顯現，回答約瑟嘅祈禱，同時話比佢知世上再冇佢嘅教會，但承諾再會再次建立。
1829年舊約先知摩西同古代使徒彼得、雅各、約瑟顯現，將聖職同使徒職份按手傳比約瑟斯密同奧利佛考德里。
同年摩爾門經問世，為耶穌基督作為世界嘅救主作聖經以外嘅另一個見證。
1830年耶穌基督後期聖徒教會成立，有齊神嘅權柄同使徒嘅帶領，耶穌基督嘅教會再次建立起嚟，
親愛寶貝蜜糖甜心
2017-05-06 00:34:47
最後漏咗…
好多人接觸宗教就會問，我唔信係咪上唔到天堂，一定落地獄？或者問，我唔係摩西教徒係咪即係我要落地獄？
答：
天堂嘅定義會因個別宗教而異。
對於耶穌基督後期聖徒教會嘅天堂定義係成為神。
對於我哋嚟講，最終審判後人會被分到三個唔同嘅國度
日榮，月榮，星榮（高，中，低）
日榮中有分三層天，只有最高層先係成為神
呢個天堂只有極少數人達到
呢個天堂即使大部分後期聖徒都達唔到
對於其他宗教，天堂嘅定義係復活後或死後喺一個無憂無慮嘅世界生活。（例如主流基督教）
如果天堂係主流基督教咁定義的話，根據我哋教會嘅教義，星榮國度（最低層）已經係一個無憂無慮嘅世界。曾有人問教會第二任先知百瀚·楊，星榮到底係一個點嘅世界，先知答，你唔會想知，因為個到好到你會想立即自盡以後去。
星榮係一啲反對神嘅人，係犯罪者去嘅地方（不論信）。
月榮係選擇唔信神但行為高上嘅人（不論信仰），係啲對耶穌基督信心唔夠嘅人去嘅地方。
日榮係最忠信嘅人，所有八歲前死去嘅小朋友，個啲在生時無機會接受福音但如果機會比佢時會全心接受嘅人去嘅地方。
基於咁，有巴打問我乜人去到天堂，我先問係根據乜定義，我再答如果係根據主流基督教嘅定義，你九成九人上到天堂。
咁九成九人上到（包括罪犯），邊0.1成入唔到呢？
個啲係犯啲唔係普通你我可以犯嘅罪人。
個啲係曾親眼見過神同接受晒所有真理嘅人但否認同公然對抗神嘅人。
？