岩既，巴打，但人有限制，你唔可能用盡一生既錢財時間去哂所有地方，學哂所有文去搵出所有事既真相？就算有錢有時間都冇可能學得哂，所以大家都係上網睇，咁我又作個簡單比喻
我宜家覺得耶穌應該係伯利恆出世，但我有懷疑，我就上網搵，搵到個學者A，佢話：耶穌真係係伯利恆出世，因為當時個國王下追殺令，話將會有新生既bb 會做新既軍王，而我就搵到呢個下令既聖旨然後我仲搵到...等等等等，咁我又上網去搵到個學者B，佢話：耶穌其實係非洲南非果邊出世，因為耶穌長大後皮膚好黑，又經常趕鬼，而非洲果邊既醫術係最勁既，我地仲搵到當時耶穌出世時用既布，我地仲搵到....等等等等
咁我想問你會信邊個？你又會唔會即刻飛一轉去伯利恆去睇下有冇張聖旨？又會唔會即刻去非洲睇下有冇果塊布？俾你去到你又搵唔搵到？我想講既係大家都係上網睇，而係睇你選擇信邊個，睇聖經都係咁，都只係睇返中文翻譯，你可能話你識希臘文，可以睇原著，咁唔係所聖經都用希臘文寫呀？你其他咪又係靠翻譯，再講你本摩門經，我唔知原著仲係唔係度同用乜文寫啦，希望係度啦
你都識講貴教唔係所有人都會為左查考古文所以學希臘文啦，咁其他基督徒都唔一定會咁有心去學，淨係睇聖經去學習上帝既話語已經足夠啦，咁有d 又真係連聖經都唔睇，包括我，我都小睇，但人係軟弱既，一齊努力學習啦
你有興趣絕對係好事，但唔係人人都有興趣麻，你睇下我地講講下都冇再有人回應就知啦.....呢d 太深既神學觀三一論宇宙觀呢d 都唔係人人都想知架，絕大部分人都係唔理tim，每個人性格唔同，唔係個個都鐘意去用一生時間去尋求真理，咁個個都係神學家，個個都係聖經學家，再者我地係因信稱義，耶穌都話未見過就信既人是有福的麻，希望巴打明白，唔好話人盲信，信仰就係咁
你好似非常在意我講有人係盲信，但對唔住，我唔會收返呢句，我講盲信時指責嘅唔係人，係指責個行為。
你所與嘅耶穌喺南非出世資料（我知你只係舉例），我就會跟住問，提出南非耶穌論嘅人信唔信聖經？佢哋點解釋一個猶太人去到南非生活？耶穌出生時塊布係咪可以稱為證據嘅物件？佢講緊嘅耶穌同聖經講嘅有冇關係？再用同樣眼光睇伯利恆出生嘅故事。
不斷問問題，用邏輯思考合唔合理，有冇自相矛盾，實地考察唔會影響件事合唔會理，你坐喺耶路撒冷睇嘅聖經同你坐喺屋企睇嘅聖經係同一本聖經。冇人叫你睇咗報告就停落嚟揀要信邊個，未有決定性理論前未邊個都唔好信。
我講盲信時指責嘅唔係人，係指責個行為。
我用希臘文解新約聖經係因為方便，易明，解決到翻譯錯誤嘅問題。加上舊約聖經主要用希伯來文寫，新約聖經係用希臘文寫呢個係常識，有能力嘅用原文解最方便。另外我每次用希臘文解都有補充唔用希臘文都可以解釋到嘅方法，我只係提出多一種證據，證據係愈多愈好，我唔明有乜問題。
摩門經情況唔同，首先你話你唔知原文係乜，我話比你知“摩爾門書9章32現在看啊，我們已用我們稱為改良埃及文的文字，就我們所知，寫下了這部紀錄；這種文字是流傳下來後，由我們根據我們的語言習慣加以變更的 33如果我們的頁片夠大，我們就用希伯來文寫了；但希伯來文也經我們變更了；“
摩門經係經由神比先知恩賜去翻譯，所以英文版嘅摩門經係有神嘅印證喺上面，除非你唔信神有能力令人去翻譯。
見你咁在意盲信一字，我又解釋清楚少少，盲唔盲信同相信乜係冇關係，我認為好多耶和華見證人都唔係盲信，因為我知佢哋有研究聖經，好多佛教徒都唔係盲信，我以前講過嘅伊斯蘭傳教士都唔係盲信，甚至我遇過真心拜宙斯，每年都會去奧林匹克山獻祭嘅都唔係盲信。重點係有冇放棄獨立思考
我講盲信時指責嘅唔係人，係指責個行為。
很重要所以要講三次。