返咗近30年摩門教，你問我答(2)

想知傳教士有咩限制係唔可以做？

其實傳教士有好多規則，但呢啲規則係保護佢哋同幫佢哋專心傳教。所有人去做傳教士前都係事先知道同埋同意啲規則先出發。

我做傳教士時都成10年前，以我所知傳教士規則有update過，例如我做傳教士時係唔用智能電話。而家傳教士有智能電話，但只限用於傳教作用（唔會令嚟睇youtube消遣之類）。
另一條特別啲嘅規則係你除咗去沖涼換衫去廁所以外，基本上7x24會同你同伴（另一個傳教士）相處（睇到同聽到對方）。
避免一啲危險運動例如騎馬、冬季運動等
當然傳教個段時間係唔拍拖，唔係指會逼你分手。例如我去做傳教士前已經拍緊拖，傳教個段時間我女朋友依然係我女朋友，我都會寄信、email、寄禮物畀佢。但唔會話你休息一日去拍拖咁。

簡單啲就係呢1.5~2年時間內奉獻畀神同埋你服務嘅人。
呢到係我哋相信嘅經文，地位同聖經係同等重要，畀你feel下去做傳教士嘅心係點。希望幫你了解多啲

教義和聖經第4篇
1現在看啊，一件奇妙的事工就要來到人類兒女中間。
2因此，你們著手為神服務的人啊，你們一定要盡心、盡能、盡意、盡力事奉祂，使你們在末日能無可指責地站在神面前。
3因此，你們若有事奉神的心願，就被召喚做這事工；
4因為看啊，田地已經白得可以收穫了；並且，看著，用力揮動鐮刀的人，就是在儲藏，他就不會滅亡，卻為他的靈魂帶來救恩；
5而且信心、希望、仁愛和愛心，以及眼睛專注於神的榮耀，使他有資格擔任這事工。
6記住信心、美德、知識、節制、忍耐、手足親情、神性、仁愛、謙卑、勤奮。
7祈求，你們就得到；叩門，就給你們開門。阿們

多謝巴打分享
你自己點睇信仰 vs 自由意志？
你認為相信宗教嘅同時，同個人想法有矛盾的話，會點樣去克服？

例如支持LGBT權益

其實我唔認為信仰會影響自由意志。耶穌基督後期聖徒教會嘅救恩觀大過同多過主流基督教好多，例如我哋唔係得天堂同地獄，我哋信99%以上嘅人都會上到「天堂」。詳細可以參考以前講過嘅回覆：

返咗近30年摩門教，你問我答。
https://lih.kg/aCGLzNX
#128 回覆 - 分享自 LIHKG 討論區

宗教向來一定會同個人想法有矛盾，因為你跟隨一個宗教時追求緊一個更高嘅目標/生活原則/思想，而唔係跟隨自己嘅原則。否則人自己創個教未得囉。
用返你LGBT嘅例子，美國的確有人創咗LBGT教。

https://youtu.be/PIz-yuLShoY?si=smhtd1M91w86oZ9V

事實上教會係support LGBT right嘅。例如教會歡迎你用合法嘅方法去要求政府畀任何人結任何型式嘅婚約。
只不過我哋都同時要求宗教自由，LGBT有LGBT自由嘅同時，請尊重返我哋嘅宗教自由，唔好逼我哋認同LGBT係神所制訂嘅婚姻。唔好逼我哋教會幫我哋唔認同嘅行為舉行婚禮。我覺得咁樣係好公平嘅。

以下係1995年教會對家庭呢個主題發表嘅正式文告，有好清楚咁講咗我哋對家庭同男女嘅關係係點睇法。

https://news-hk.churchofjesuschrist.org/%E6%96%87%E7%AB%A0/%E5%AE%B6%E5%BA%AD%EF%BC%9A%E8%87%B4%E5%85%A8%E4%B8%96%E7%95%8C%E6%96%87%E5%91%8A

再補充少少，你講到嘅信仰vs自由意志問題，其實只存在喺一個唔信就要落地獄嘅宗教到。因為喺一個咁嘅宗教到，如果你唔係信佢哋嘅神，就會得到無盡永恆嘅折磨。呢個情況同用暴力逼你信係無分別。

但如上一個留言咁講，LDS唔相信咁二元嘅救恩觀。所以就無呢個問題。
當然你可能會話，咁都依然要信你個套先去到你哋最高級嘅天堂啫。咁呢個就當然係，但最少我哋無無盡永恆嘅地獄。

套用返簡單現實世界到，你想大隻，就要管理自己嘅飲食同鍛鍊，呢個係一個不變嘅事實。即係如果你選擇唔去做一啲嘢，你就一定的唔到另一樣嘢。喺呢個情況到。

套用返宗教到，喺好深層嘅LDS神學中，神之所以係神，係因為神喺眾多選擇中做晒所有正確嘅選擇，而已佢選擇做正義同善良嘅事。我哋係唔認同主流個套「自有永有」神。（自有永有呢個詞語我哋有，但個解釋同主流唔同）

所以自由已經畀咗每一個人，你可以自由去選擇相信一啲嘢，你相信嘅嘢會影響你嘅行為，而你嘅行為就會影響你得到啲咩。

希望咁樣解釋會易啲明白

感謝巴打補充
你點睇命定論？
全知全能既神容許我哋選擇
但其實神係咪早已經知道我哋嘅選擇/結果/命運？

sorry for 1999

簡單答，No，神唔「知」我哋嘅選擇/結果/命運，但佢可以好準確咁估到。

我哋係否定命定論嘅，而且我哋對全知全能嘅解釋同主流唔同。簡單啲講，全知係指神有呢個宇宙所有可以得到同知道嘅知識。全能係指神有呢個宇宙所有可以得到嘅能力。（當然呢個知識係可以遠超人類現有知識，例如人類認知中，行動A係無可能造到，但假如人有神咁嘅知識時，就會發現呢個唔係定律。）
當一個being有咁多嘅知識同能力，加上長期嘅觀察，佢就可以作出一啲非常非常準確嘅預測。

用簡單例子，我有個朋友我識佢好多年，我知道佢早訓都唔一定早起到，遲訓係必定早起唔到，我觀察中佢最近都無改變過生活習慣。咁尋晚我哋傾計就話我朝早5點會去遊水，佢叫我到時叫埋佢起身。我就「預言」話你一定唔會起到身。
當然第2朝5點我的確有叫佢起身，佢又的確無起到身。呢個「預言」就成真咗。

用返宗教做例子，LDS另一個特別之處就係我哋相信人有前生，即係人喺地球出世前已經以靈魂嘅身份喺天上同神一齊咗一段非常長嘅時間，神用呢段時間觀察咗我哋好耐，所以每個人嚟地球前係有一啲唔會因為出生嘅時代/環境而咁易改變到嘅特質。以神對人嘅長期觀察/佢有嘅知識就好易會知道佢喺每一個情況下，呢個人會做大概咩嘅決定。但呢個知道唔係命定嘅預言。

用返句好實在嘅例子，因為歐洲同美洲嘅地理資源同生物多樣性結構，喺無外力影響之下，歷史無論重覆以多次，都係永遠同必定會由歐洲征服美洲（瘟疫、天花等）。神嘅預知同預言唔係命定，而係知識加經驗得出嘅估計。

有冇傳教士會同服務嘅人fd埋？

一定有。但傳教後有幾常可以見面就當然都要視乎地理環境。例如我10年後都仲有keep住同我服務過嘅人有聯絡，但我服務過嘅國家咁遠，就未有機會探佢哋咁。

另外都有人傳教時識到另一半（當然傳緊個時就無追求對方），傳教完後就開始認識再結埋婚嘅我都識幾個。

我遇過有啲都幾內向嘅傳教士
反而我主動過佢，係咁問佢
搞到我都唔好意思

咁一定有啲內向嘅人嘅
我都有過一個同伴係好內向，幾乎唔多出講嘢。

希望我啲答案啟發到你少少宗教嘅思想
因為你嘅問題其實係好好，同埋係好合理嘅問題。
當然我就認為主流基督教喺第1～3世紀失去咗好多真理，令佢哋有啲問題係完全無解（例如problem of evil、點解要創世等等）
但我就覺得LDS呢個復興嘅福音就畀到一個滿意同合理嘅答案我

其實你哋發自內心，又自費咁去傳道
係好佩服，值得人尊重

多謝賞識
其實我哋絕大部份嘅神職人員都係無薪嘅義工添。啲主教，地區領袖全部都無薪，而已做5～10年就會解職，無呢個所謂神職梯級爬上去。

如果做到總會神職人員有呢個津貼，因為做到總會級別時（總會70員/12使徒/總會會長團）係需要你全職去做，你要放棄你現有職業去全情投入，無津貼的話就真係得富二代先做到。
個津貼大概係美國中學老師嘅人工咁上下。當然有高有低咁啦

例如而家嘅總會會長同先知Russell M. Nelson，佢被召做使徒前係一位心臟外科手術醫生，做使徒完全係超級降薪工作，但因為佢真心相信係神召佢，所以佢就放棄咗繼續做醫生。

12使徒定額組會長Dallin H. Oaks以前係猶他州終審法院大法官。

另外有現時嘅12使徒有啲以前係律法、機師、大學教長/教授、商人等

第13任先知（現時係第17任）Ezra Taft Benson以前仲係美國農業部部

LDS個神職體制喺世界宗教中都真係算好特別㗎

你哋受洗嘅過程係點？

我哋最早可以洗禮嘅年齡係8歲，所以第1條件係要滿8歲。
洗禮前有課程要上，當中會學到咩係教會復興、救恩計劃、耶穌基督嘅福音、點樣成為耶穌基督啲終身門徒等……
上完課程又同意洗禮嘅就會就時間舉行個洗禮會。成個儀式都幾簡單，洗禮會一般會唱下詩，短講咁，最後就係由有聖職權力嘅人幫你洗禮。我哋係相信全身浸沒嘅洗禮教儀嘅。成個洗禮會過程20分鐘左右？真正洗禮個下2分鐘到
洗禮後有聖靈恩賜按手禮。簡單啲嘅講，洗禮係水嘅洗禮、聖靈恩賜就係新約聖經呢到講嘅火嘅洗禮

使徒行傳:2:38 彼得說：你們各人要悔改，奉耶穌基督的名受洗，叫你們的罪得赦，就必領受所賜的聖靈；

摩爾門經尼腓二書31章有好完整咁講洗禮代代啲咩

15我聽見父的聲音說：是的，我愛子的話是真實可靠的。凡持守到底的必得救。
16現在，我心愛的弟兄們，由此我知道，除非人持守到底，跟隨活神兒子的榜樣，否則不能得救。
17因此，凡我告訴你們我見到你們的主，即救贖主，所要做的事，你們都要去做；那些事就是為了這個目的才顯示給我看的，好使你們知道你們當進的那一扇門。你們當進的門就是悔改和水的洗禮，然後藉著火和聖靈，罪的赦免便隨之而來。
18然後，你們才走上這條通往永生的窄而小的路；是的，你們已由那扇門進去了；你們已照父與子的誡命做了；你們已接受了為父與子作見證的聖靈，而實現祂所作的應許：只要你們從那條路進去，你們就必得到。
19現在，我心愛的弟兄們，你們踏上這條窄而小的路後，我要問是否一切都做好了呢？看啊，我告訴你們，沒有，因為你們還沒有到這程度，除非你們已根據基督的話，以對祂不可動搖的信心，完全依賴那位有拯救大能者的功勞。
20因此，你們必須對基督堅定不移，懷著完全光明的希望，以及對神和對所有的人的愛心，努力前進。因此，如果你們努力前進，飽享基督的話，並持守到底，看啊，父這樣說：你們必得永生