返咗近30年摩門教，你問我答(2)

主、神說：「我就是『阿爾法』，也是『歐米伽』，是今在、昔在、將要來臨的那一位，是全能者。」
呢到我同意聖經係咁寫，但個解釋真係同你諗緊一樣？最少我睇古代基督教同神現代啟示都唔係咁解。

另外主耶穌係有創立基督教，呢到世上最少6成以上嘅基督徒都係咁認為，你唔認同嘅我估你係新教徒。
新教只佔基督教中3成。

而個係你地摩門教認同係正典嘅新約聖經入邊嘅啟示錄
其次，主耶穌生前並沒有創立教會，只係傳道，死後復活之後都係教導門徒要將自己教導嘅嘢傳授出去，當然你可以話咁樣都係主耶穌基督創立教會，咁係我角度，萬事萬物都聽命於神，咁教會創立遇到嘅一切安排都係出於神意，咁主耶穌基督係創立教會嘅

早啲存在係咪等於更加犀利呢？當中無呢個邏輯關係。我哋崇拜天父係因為佢係我哋嘅父親，唔係因為佢係最大最先出現嘅神。
邊個創造耶和華出嚟？我哋信天父創造佢出嚟，耶和華係未出世嘅耶穌基督，但耶和華唔係天父。有人會反對呢個睇法，但我挑戰任何反對者搵耶穌稱耶和華係天父嘅例子出嚟睇下。
我哋係聽耶穌講，奉耶穌基督嘅名（聖子）去崇拜天父（聖父）。

如果你話，啟示錄唔係我理解咁，請問依你地摩門教教徒嘅角度會點理解而句說話？

等等先，天父咪耶和華囉，咁天父唔係耶和華嘅話，天父係邊個？

都話我認同聖經係咁寫，例唔認同你對呢句嘅解釋咋嘛，睇下人講嘢好冇？

即係最後你都係同意耶穌創立咗教會

我唔同意啊，不過你鍾意用第二個角度解釋，都可以咁解嘅

呢句只係講緊耶和華（耶穌）係神，無話過佢自有永有無人創造。

而家咪聽緊你講，你發咩老脾？你而家傳道吖，我又冇串你，又冇粗言辱罵你，你發我老脾？

下？咁解都得吖？

咁阿爾法點解吖？

天父唔係耶和華，耶和華係耶穌。
唔知你幾熟希伯來文聖經，呢到耶穌就係講緊I am（我就是耶和華）
約翰福音:8:58 耶穌說：我實實在在的告訴你們，還沒有亞伯拉罕，就有了我。

天父未係耶穌嘅父親，耶穌嘅神
約翰福音:20:17 耶穌說：不要摸我，因我還沒有升上去見我的父，你往我弟兄那裡去，告訴他們說：我要升上去，見我的父，也是你們的父，見我的神，也是你們的神。

你可以唔同意，但事實上6成以上基督徒都同意，聖經都係咁寫。
馬太福音:16:18 我還告訴你，你是彼得，我要把我的教會建造在這磐石上，陰間的權柄，不能勝過他。〔權柄原文作門〕

天父唔係耶和華，咁天父係邊個？佢叫咩名？佢係咪舊約入邊記載嘅以色列人嘅神？同阿伯拉罕，以撒，雅各立約果位神？

所以我咪話你可以用第二個角度去解，而個唔係一個重點黎，如果照你嘅邏輯去解，只不過係用第二個角度去睇件事，冇分對錯

第一，我無發老脾，我的確講得好清楚我係認同聖經咁寫，所以你呢句「而個係你地摩門教認同係正典嘅新約聖經入邊嘅啟示錄」係完全無睇清楚我講緊咩先會講出嚟，我提醒返你要睇清楚我講咗咩啫
第二，我唔係傳緊道，我開呢個post講到明唔係為傳道，係畀正確資訊人睇

第一，你聽下人講嘢好冇，而句說話就係冇禮貌
第二，你摩門教教徒俾正確資訊人睇，咪就係傳道囉，只不過係傳道嘅一種形式，你未必需要同網友講話你信唔信摩門教吖，但係你係度解答摩門教係點點嘅時候，點解唔算係傳道？

猶太人：耶穌你咁解都得呀？
其實你咁樣討論法唔會得出啲咩，你覺得邊到唔合理可以講，就咁講「咁解都得吖？」無咩意思。

你想嘅可以睇下我哋教會嘅學者搵返出嚟嘅早期基督教人成神論資訊。
呢啲真係唔係摩門教獨有教義
https://www.fairlatterdaysaints.org/evidences/Early_Christian_Deification_Belief

你試下係工作環境用 你聽下人講嘢好冇同你嘅客戶，老細，甚至同事咁樣講嘢，你睇下會得到咩反應？
甚至你係街同唔識嘅人係對話中加而句嘢落去，人地會唔會覺得你冇禮貌，發緊老脾？

alpha omega，成個救恩計劃嘅開始同終結

關於你篇文章，其中引用詩篇82章，入邊嘅神可以解作審判官

⋯⋯你睇返果章嘅上文下理，你覺得係咁解吖？

坦白講，摩門教教徒大部分都好友善，不過你地似第二個宗教囉

天父未係耶穌嘅父親，耶穌嘅神
約翰福音:20:17 耶穌說：不要摸我，因我還沒有升上去見我的父，你往我弟兄那裡去，告訴他們說：我要升上去，見我的父，也是你們的父，見我的神，也是你們的神。

我哋知佢叫咩名，但我個人因為尊重天父嘅名，我認為呢到嘅討論唔足夠令我會講佢個名出嚟。暫時呢到討論叫佢天父就夠
舊約記載嘅神係耶和華（未出世嘅耶穌基督），係耶和華同阿伯拉罕，以撒，雅各立約。

馬太福音:11:27 一切所有的，都是我父交付我的，除了父，沒有人知道子，除了子和子所願意指示的，沒有人知道父。

簡單啲講，因為伊甸園單嘢，人同神（天父）隔絕，所以由中保耶穌（耶和華）同人立約同溝通。耶穌出世後由中保再介紹返天父出嚟，修補返神（天父）同人嘅關係。

你地似諾斯底主義