返咗近30年摩門教，你問我答(2)

唔係一定要著西裝。

返教會著到最莊重咁出席（Sunday Best）個原則其實源自歐洲基督教，當時信徒會喺星期日著最好嘅衣著去教會參加崇拜。用呢個行為係外表上對神表達尊重。慢慢發展到為LDS傳統，男著恤衫西褲，女著裙。

但呢個只係傳統。理論上係無任何一條誡命要你一定要咁著返教會先得。不過同時，當你認識咗呢個原則之後，你都會選擇去咁著。因為LDS重視嘅係有行為嘅信心。你真心尊敬神時，你就會盡力喺內同外表現出你對神嘅尊敬。

用返實際例子，我識一對兄弟，佢哋上星期屋企火燭，咩衫都燒晒，得返2套衫。一套普通便服，一套恤衫西褲。星期日朝早佢哋就包剪揼，贏咗著白恤衫，最後就兩兄弟得一個有著恤衫。但兩個都係Sunday Best。

另外嘅例子，喺唔同文化，咩衣著係莊重都唔同。例如喺太平洋群島文化，男人著呢種群就係最莊重嘅衣著，所有LDS喺個啲地方都會咁著返教會。

歡迎巴打，有咩想問隨便問

我仲睇緊第一個post，係FB見到後期聖徒會廣告所以想了解一下
我自己從細就有接觸天主教/ 基督教 （屋企人係天主教徒） 感覺好多教條係用黎約束於人，並非基於人本來既意識。
我仲尋找緊一個宗教可以另自己去投入
最近有研究佛學，覺得同自己既想法幾一致。
見到巴打都有睇過佛教既野，想問問你既想法

老實講，佛學我都係叫睇過。唔算識。到時可以互相分享

請問你點睇book of abraham既真實性？

其實有認真了解過反對Book of Abraham（亞伯拉罕書）真實性嘅論點係會知，我哋只係搵到Joseph曾經有過嘅部份埃及古卷，而唔係全部古卷。Joseph當年係同埋其他非BoA嘅古卷一齊買埋。

同時喺所有歷史證據中，Joseph宣稱係翻譯自一個long roll（長卷）。我哋搵到嘅只係一啲殘片。從來都唔係長卷嚟。

簡單啲講，我哋無Joseph宣稱有亞伯拉罕書嘅古卷，喺欠缺全部同實際源頭嘅情況下，考古同埃及學無法證實或否定BoA嘅真確性。任何一個話埃及學者已經debunk咗BoA嘅人都只係jump to conclusion 同埋未真正了解BoA嘅歷史。

當然，如果你想某一個細節位再傾嘅，歡迎你可以拎出嚟我再解答。但簡單宏觀咁睇，就係我哋根本就無Joseph宣稱有BoA嘅源頭古卷。反對者唔可以拎幾張Joseph無話係BoA嘅殘片就再稻草人話呢啲就係。

再講多少少，其中有幾張圖片明顯係BoA用過，但埃及古卷從來都唔係100%圖文一致，亞伯拉罕書用緊嘅係古亞伯拉罕信仰者點理解呢啲圖片，算係借用圖片嚟講緊另一個故事。從來都無話係過由語言A翻譯到語言B。加上反對者Assume緊現代埃及學者100%了解亞伯拉罕時代嘅少部份信仰人係點理解呢啲圖片。而事實上根本就無證據證明佢哋嘅理解係100%啱。

https://youtu.be/_bXrGaE4MpE?si=kdnInE19kWXHXqXE

最後呢個叫Kerry Muhlestein嘅LDS埃及學家解釋當人睇BoA嘅反對觀點時會用錯咩Assumptions.

https://youtu.be/njsJ2XoLXLI?si=O-JuiZpx3km4JsI0

希望答到你

Thanks
我都係岩岩開始接觸
有疑問想嘗試上網搵資料個陣比較無從入手
你當初研究個陣又曾經參考邊d source?

反對者嘅觀點我幾乎都有接觸過，keep住上網就已經會睇到。以前無youtube時就會去https://www.fairlatterdaysaints.org/，呢個係最保守同最學術性嘅護教組織。呢到你會見到大部份LDS學者嘅見證。https://www.fairlatterdaysaints.org/testimonies/scholars

有youtube後我就最常用嚟係Saints Unscripted，https://youtube.com/@saintsunscripted?si=aRBV-eJ_JqEtbeeV。佢好適合所有人睇，未信或初信者。

簡單啲講，好多反對者係完完全全唔會考慮任何支持教會觀點嘅證據（盲反）。喺連登我都遇唔少。當然都有信徒完全唔理會反對者觀點（盲信）。我覺得兩者都唔好。我哋應該正反兩面都研究。如果只睇任何一方嘅片面之詞而拒絕睇晒雙方論點，咁呢個只係學術上嘅懶惰。

我個人都叫好努力咁研究所有觀點㗎啦，我最後得出嘅結論係LDS觀點啱嘅可能性最大。但知識同行為無直接影響，我都係同大家一樣喺無限悔改同努力變得更似我哋救主嘅路上加油緊

你覺得點樣感受到神嘅召喚？

我諗你指緊受神感召？
因為其實我哋教會好少用呢個字眼。因為當一個人係受到神嘅「召喚」意思係「蒙神召喚是接受來自神或經祂適當授權的教會領袖的任命或邀請，在某一方面為祂服務」

例如神召摩西給予佢權柄行事，後嚟摩西又按手畀約書亞、亞倫、其他祭司有權柄為神服務。
新約有耶穌基督選擇12使徒，給予佢哋特別權柄。12使徒後來又按立其他主教等等。

喺後期時代，古代先知摩西以天使姿態喺1829年5月15日按手喺先知約瑟斯密同奧利佛考德里，畀佢哋亞倫聖職權柄。
後嚟古代使徒彼得、雅各、約翰以天使姿態按立佢哋做使徒。

=-=-=-=-=-=-=

咁我估你係單純講受神感召。咁其實就除咗頭先提到摩西、彼得、約瑟咁特別例子外，有多時啲感召都係一個影響力或者感覺。例如當年令我決定去傳教嘅主要原因係我返緊教會時睇到摩爾門經嘅雅各書5章，呢個果園嘅比喻令我好想同果園主一齊努力。

雅各書5章：
https://www.churchofjesuschrist.org/study/scriptures/bofm/jacob/5?lang=zho

另外可能係活喺福音嘅生活中，我睇到對我自己有幾大嘅正面影響。耶穌教，跟住做就會feel到係嚟自人定神，我自己過LDS生活就睇得對比其他生活更好。我暫時搵唔到一個生活方式或信念係更明顯同更有正面影響力。

約翰福音:7:16 耶穌說：我的教訓不是我自己的，乃是那差我來者的。
17 人若立志遵著他的旨意行，就必曉得這教訓或是出於神，或是我憑著自己說的。
18 人憑著自己說，是求自己的榮耀；惟有求那差他來者的榮耀，這人是真的，在他心裡沒有不義。