係，先知就係而家嘅總會會長President。而家個個係第17任。
LDS嘅先知唔係選出嚟。個繼任方式由第2任先知開始到而家近200年都無變過。個方式係咁嘅：
LDS組織由總會會長團三人同十二使徒定額組帶領。先知死後，總會會長團會解散。由十二使徒會長帶領。而十二使徒會長必定會係使徒年資最耐嘅個位。即係被按立為使徒時間最長又在生個位。最後就由一年兩年嘅下一屆總會大會正式繼任，成為先知（總會會長）。先知再揀2位人組成總會會長團。如果十二使徒唔夠12人，就再召到夠12人為止。新使徒係由舊使徒推薦同一致同意決定。
你問「但我點肯定佢演繹既教義係正確？」
如果講到好深入嘅話，我哋好難100%肯定一樣嘢係絕對正確。我覺得一個人要認真盡量無bias咁研究啲教義係唔係好。好難一句講得晒。但你想嘅可以一一拎出嚟傾
但簡單啲講，LDS相信每個人都可以直接從神得到個人啟示。任何人都可以祈禱問神，呢個人係咪我應該相信嘅人，再根據自己得到嘅答案而做事。
我個人就從神個到得到一個說服自己嘅感覺。加上我深份研究LDS教義後覺得LDS教義最合理、最能解釋到觀察到嘅世界。
如果一個人唔同意先知，佢其實可以離開教會嘅。先假設LDS係錯先，咁離開未離開囉。假設係啱先，神都唔會強迫人去聽從佢。
LDS教義中有一個好特別嘅嘢，就係選擇不信嘅人唔會好似主流基督教咁要你落地獄受永恆嘅痛苦。LDS相信幾乎所有人，包括殺人犯，最終都會去到某程度上嘅「天堂」。人唔會無限期受苦。而即使你係受苦，係因為自己對自己罪感到懊悔而痛苦。唔係神拎火燒佢哋。
摩賽亞書3章
23我已講了主神命令我的話。
24主這樣說：這些話在審判日將成為對這人民的明證；每一個人按照他的行為，不論是好的，或是邪惡的，都要按照這些話接受審判。
25假如他們的行為是邪惡的，他們就要被交付到自己罪過與憎行的可怕思緒中，這思緒使他們從神面前退縮到悲慘和無盡痛苦的狀態，永不復返；因此，他們已把罪罰喝進自己的靈魂裡。
26因此，他們飲盡了神的憤怒之杯；公道不能對他們撤回那杯，正如亞當因吃了禁果，公道不能撤回，他必須墜落一樣；所以，慈悲永遠不再有權利要回他們。
27他們所受的痛苦就像硫磺火湖一般，那裡的火永遠不熄，煙永遠上騰。這就是主命令我的，阿們。
咁唔同意都有分好多級數，如果你直接教導同教會同先知完全相反嘅教義（例如耶穌基督唔係救主），咁教會係有紀律議會。會了解下有咩幫到你。如果你真係絕對唔想改變，最嚴重係開除教藉。
但輕微啲唔同意其實時不時都有，例如我唔同意教會太過政治中立。小唔同意其實無咩嘢。有可能教會錯，有可能我錯。教會唔係絕對完美，只有神先係完美。我接受教會甚至先知可以犯錯。LDS唔似天主教，我哋唔信先知（類似教宗嘅人物）係絕對無誤。
所以都話，佢哋好多point都打唔中我哋。