返咗近30年摩門教，你問我答(2)

想問男女係咪分開傳？同埋係咪真係忙到冇得同屋企人聯絡？

係，年輕全職傳教士只會2~3位同性別嘅人一齊傳教（2~3位一組稱為同伴團）。
而同一地區（例如灣仔區）可以有1個以上嘅同伴團一齊負責同一地區。
但年齡較大嘅夫婦傳教士就係一對退咗休嘅夫妻作為一個同伴團咁做傳教士，呢個情況就會1男1女喇。

其實係忙，但佢哋傳教期間唔同屋企人聯絡唔關忙唔忙事，而係為咗可以專注喺傳教工作上。傳教士同時都自願放棄好多平常人嘅消遣，為嘅都係可以全心全意咁傳教。
呢篇係我哋一段講述傳教嘅經文，可能會令你更明白傳教士嘅去傳教嘅心意。

教義和聖約第4篇
1現在看啊，一件奇妙的事工就要來到人類兒女中間。
2因此，你們著手為神服務的人啊，你們一定要盡心、盡能、盡意、盡力事奉祂，使你們在末日能無可指責地站在神面前。
3因此，你們若有事奉神的心願，就被召喚做這事工；
4因為看啊，田地已經白得可以收穫了；並且，看著，用力揮動鐮刀的人，就是在儲藏，他就不會滅亡，卻為他的靈魂帶來救恩；
5而且信心、希望、仁愛和愛心，以及眼睛專注於神的榮耀，使他有資格擔任這事工。
6記住信心、美德、知識、節制、忍耐、手足親情、神性、仁愛、謙卑、勤奮。
7祈求，你們就得到；叩門，就給你們開門。阿們

樓主好有心機，耐性

如果LDS有個後生靚金髮女性同我傳，我應該拒絕唔到，一來我信有神，只係搵唔到一間令到我感覺良好既教會 , 二來我覺得LDS幾有熱誠

可惜我已係在職人仕唔係讀緊書，應該唔係你地target , 想入想同外國金髮女性傾下計了解多d既機會都冇

多謝讚賞
如果你想認識，係可以直接去教會搵傳教士，
傳教士基本上唔會揀人傳（知道有危險性嘅人除外），不過唔好期望一定有後生靚金髮女性傳教士。我哋認為信教就應該要用虔誠嘅心去尋求神。任何建基於神以外嘅見證最終都可能會因唔同原因而失去
LDS咁有熱誠係因為我哋信"「不需要犧牲所有的事物的宗教，永遠沒有足夠的力量，產生通往生命和救恩所必需的信心。」以永恆的眼光來看，因犧牲所獲得的祝福，遠較任何捨棄的事物為多"
所以要做一個LDS其實唔係咁易，因為好多人唔願犧牲，包括好多LDS都未做到完全嘅犧牲。

你地係積極，如果街上傳教對像可以唔局限係學生哥層面，會更好

打緊工既，唔多唔少之前已接觸過聖經，其實係差一個機遇碰上心儀既教會，有一大堆咁既人等待發掘，但打工唔會再學生時咁得閒(咁感性)主動接觸返宗教，所以好講機緣

我果區見親都鬼仔傳，未見過靚女街上傳教

其實喺街上傳教都冇局限某部份人，我10年前喺香港做過傳教士體驗，我哋都係只要有人就會同佢傾計。我喺歐洲做全職傳教士時都係乜人都會傾。
但我都知唔一定會同到所有人接觸，所以既然有心想搵間心儀嘅教會，傳道嘅固然要努力，尋道嘅都可以主動

女傳教士比例上比男傳教士少，所以自然少啲見。唔好咁執著靚女傳教士啦

巴打， 小弟有興趣認識你們的宗教
可否加個tg傾下？
https://t.me/stonleychan

已加

https://t.me/banana159

加埋我ok?

已加

今日啱啱比兩個鬼佬抄咗牌
自問都有d興趣，想去參觀下佢地教堂
想問入到去唔信教會唔會比人纏住
或者好多手尾跟

你有興趣就當然希望你聽下傳教士講啲咩，同埋用心感受下。
而你第一日去教會就會預咗啲人會嘗試同你做朋友。
如果某一日冇興趣，直接同佢講同埋要求唔使再聯絡就已經得，唔會有手尾跟。

聽佢講話會免費教英文
如果有一日我對個教冇興趣
可唔可以繼續上英文班

係，某啲地區係有免費英文班，睇下有冇近你嘅教堂有開呢啲語文班。
呢啲語文班好視乎地區同傳教士。例如我知道洪水橋教堂而家有德文班，因為咁啱同時有三個德國嚟嘅傳教士喺洪水橋附近。
同埋啲免費班當然就唔好要求有專業水準啦，但好多時係母語係英文嘅傳教士教，對初至中級嘅人都有幫助嘅。

我做傳教士個陣都有人完全對教會冇興趣但會keep住嚟英文班嘅人。傳教士係無問題嘅。
但為免有hard feelings都要提提你，傳教士最首要嘅目標始終都係傳教，萬一成個英文班得返你一個人，又長期都搵唔要更多人嚟教英文，而你又短期內唔改變主意，傳教士係有機會暫停個英文班。
當然，我希望唔會發生啦

改變主意唔一定指要入教，但有心聽下啲傳教士其實已經願意花時間。我識好幾個人聽咗2~3年。
不過記住，真心無興趣就真係唔好入教，對你或對傳教士都唔好。
該區嘅英文班唔夠人開，都一定有另一個地方夠人會去開。去另一個地區嘅免費英文班就ok

主要係想認識多d人
唔該巴打先

唔使

你地平時係街傳教都會截住人
逼佢地聽你地講野
點解要咁做
同埋點解唔可以講粗口，飲茶
仲有你地覺唔覺得自己同sales係冇分別 因為都係sales人入教會

其他人我唔知，但我做傳教個陣唔會截住人。
我會主動同人傾計，但如果佢冇興趣都係會直行直過，冇話會截住人。
我身邊大部份識嘅傳教士都唔會截住人或者逼人聽。
呢個唔係我哋嘅本意，都唔希望俾人有呢個感覺。

而至於點解會咁有熱誠同咁主動傳教，係因為我哋唔多唔少都感受過呢個福音俾我哋帶嚟正面影響。呢個福音係為全世界帶嚟希望。所以有部份傳教士可能傳教時會太過主動，令人覺得想截住人咁。

唔講粗口係因為我哋想提升人，而唔係貶低人。
講粗口唔會令說話表達得更好，但就好容易挑起事端。同時都表現出無禮貌同詞窮之意。

唔飲茶係因為我哋相信有近代先知，而近代先知俾咗條誡命叫智慧語（教義和聖約89篇），智慧語係一條健康律法，呢條誡命明確咁禁止使用煙、酒、茶、咖啡同毒品。另外都勸喻人要有健康嘅生活。
呢條誡命係喺1833年俾嘅，當時人完全唔知呢啲嘢對身體唔好。
煙同酒而家我哋就比較清楚知道點樣唔好，茶同咖啡依然有爭議，但後期聖徒用信心接受誡命，事實都證明我哋咁嘅飲食方式係健康同可行嘅。人嘅智慧會慢慢追上神賜俾我哋呢條誡命嘅原因。
另外我認為呢條智慧語都好外在咁分別咗後期聖徒同一般人嘅分別，可以話係另一種傳教方式。

我唔會覺得我哋係sales，當然咁都係好主觀嘅睇法，但最少我哋唔謀利。教會所有地區神職人員都係義工，我哋每個郁有自己嘅職業，從來冇收過一分一毫（包括喺街見到嘅傳教士），最top
嘅教會總會嘅人有金額唔高嘅生活津貼，但佢哋有津貼係因為佢哋一做總會當局人員，佢哋就必須要放棄佢哋固有嘅職業（好多人係專業人士，而且佢哋原來嘅工作搵嘅錢遠超津貼）為神、教會同教徒服務，而且呢份總會嘅職責係做到死為止。而最重要係呢份津貼唔係從教徒嘅奉獻到拎出嚟，教會有自己嘅財務投資去支付呢啲津貼。教徒嘅奉獻1蚊都唔會俾任何人。

因為我試過行行下街 之後佢地係咁跟住我
果時仲細 所以會覺得驚
身邊有朋友做轉傳教士
不過佢都照講粗口

我估佢哋未必係想跟住你嘅，有時佢哋咁啱行同一條路啫。
做過傳教士其實都唔代表啲乜，每個人都喺自己嘅路上面接受緊自己嘅考驗。
我都識人一做完傳教士，返到香港就離教添 甚至做緊就已經犯罪離教都有

男係咪唔會向女傳教

唔係, 但的確傳教士有一段時間會盡量將女性俾返女傳教士去教導.
但其實個原則係因為喺美國出現過被啲反對者扮有興趣去學福音以後metoo啲男傳教士, 所以教會後來出左一啲指引去避免呢類事再發生. 其中一個方法就係盡量將女性交俾女傳教士去教.

但其實男傳教士只要避免同女性單獨處於一個密封空間, 時刻有第三方證人(最好女性), 咁就可以照教女性.

如果畀咗facebook長老
但我只係想了解一下
並唔想入教
得唔得㗎