落到去大廈門口見到ALICE係度,「SORRY SORRY,我太急上左去洗手間,我岩岩打左比裝修佬,佢話就到。」
諗住裝修佬一定係著得好CHEAP咁黎,點知完全唔係!!! 係街口聽到有引擎聲傳過黎,依條單程路基本上係比左右兩排高高既樓包住(高樓既下半部係停車場同D CLUB HOUSE),所以有車入黎D聲會比兩面高牆搞到好應聲。
部車係寶馬5系,就正正停左係我同ALICE前方。「係唔係羅生?」依位男士應該就係裝修佬,真係估唔到裝修佬都可以揸寶馬。 「你係裝修師傅? 嘩你就咁泊車係度唔怕?」 都係是但搵野9吹下,由於依條係橫街真係得我地果座大廈叫有人住,所以泊一陣係OK。 「叫我PETER得啦,車泊一陣OK 依頭好少有人抄牌。依話一定係你未來太太,阿Jeffery話左比我知你地就結婚。 哈哈! 弓喜~ 我地上去睇下啦!」
上左去我地度,阿PETER行左個圈,又四圍拍下D牆,之後就話「羅生,你依度真係好細下, 但好在你有個大平台。 不如咁,我同你打通間房造大個廳。之後再善用一下個平台,我地用半個平台位起道牆,咁你就可以當飯廳用。平台留半個比你同朋友上黎BBQ,好爽呀。」
「聽就好似好吸引但合唔合法架?」 其實我見ALICE比個講到想咁做,不過我因為冇錢唔想搞太多所以用唔合法做借口。 「羅生放心,係樓下我見到A室都係咁做,一定冇事WOR,你估政府D人好得閒咩,一家冇事。地方大左你地會開心好多。」
「都好WOR,我地試下啦我都有少少擔心唔夠地方用。 阿舟我地一於咁做。」 ALICE心入面已經幻想左間屋完成後既樣。 我係佢耳邊話「咁搞一搞唔知幾錢!!!」 「但好過第時冇地方用,我好想咁做啊。」ALICE拉住我隻手。
比ALICE咁要求,都係冇計,但由於冇咩錢做,又唔知阿BEN條友D TIPS今次掂唔掂。 唯有叫住PETER再比個報價我。 跟手PETER見ALICE咁易TUM就話D水同電都有老化,提議我地換,咁ALICE又話安全D健康D換啦。
PETER話原本就20萬搞掂,如果咁搞就可以加多7-8萬,叫平比我…. 個幾日就再比個正式價單我。
之後PETER走左,我同ALICE就係屋度傾。 「差唔多30萬… 我買樓用左好多,真係冇晒,裝修錢拎唔出咁多…」 ALICE聽到,眉頭一奏「但真係唔夠地方用,我都仲有幾萬蚊,一係我地一齊夾啦。」
我聽到真係吹帳…. 成30萬,你有幾萬再加我果2萬都仲差成20萬有多… 當然係ALICE面前我唔想自己好似好冇錢冇用咁,亦都唔想佢失望! 我就話「OK… 一係你過左比我先,我地比住上期PETER啦。」
大家可能估到我想點!!!!
(為左大家了解一下間屋係點比個參考圖大家睇下。)
(順個便玩下野做個裝修後圖比大家參考!!! *戴定頭盔,犯法野我唔做,面本故事亦係老作出黎!!!!!!*)