見大家咁唔想完住,就拖長下戲情啦… 哈哈
-------------------------------------------
閉上眼踏出左腳,我大力深吸一口氣心中暗念「3…2……1」準備一躍而下。
我仍然單腳企左係圍爛之上,原來自殺真係要勇氣,我知道自己需要更多酒精激勵自己既勇氣。 唯有入返屋內搵酒,但搵晒全屋企係得支煮飯用米酒… 吊… 唔係要飲米酒之後跳樓下話… 正當我沉思時,又響起「叮叮」既WHATSAPP聱。
唔通係ALICE!?!? 心中暗暗有一份喜悅。 可惜唔係ALICE…
同事 MAN : “阿舟唔好意思,老闆話公司有急事,唔知道你依家方唔方便出來處理一下?」
原來係MANDY,為左唔比ALICE察覺有古怪,我地一早定左如果係放工時間要WHATSAPP我就要扮工事聯絡。
我回左佢: “OK! 立即出既!” 我果下好想人陪我,特別係MANDY,因為佢好似好明白我而同佢一齊亦都有一種放鬆既感覺,感覺有一份暖意係ALICE以前比到我既感覺。
同時我都回左阿儀:”我想出去自己冷靜一下,你今晚早D訓啦! 唔洗擔心我。” 阿儀唔係唔好,不過同佢好似有少少欠缺交流,感覺真係大家做完愛就回家! 冇一份溫馨溫暖既感受。 當然,如果唔係MANDY搵左我,我一定會叫阿儀陪我一晚。
同MANDY係太子酒吧見面,反正MANDY冇咁快到,我選擇行過去! 3月份香港乍暖還寒,著住一件大衣行出去,感覺好悽慘再加上大廈前街道空冇一人冷冷清清。抬頭望向大廈,見到阿儀一個人企係平台望住我。
阿儀眼神彷似可憐我一般,突然有一下我好想上返去同佢去後樓梯做愛既衝動… 但諗真一下,真係好唔想逗留係一個岩岩同ALICE大炒既空間,我想要轉換一下環境。 突然雙眼眼皮鼓動,覺到自己快要留淚,我立即轉身唔想比阿儀見到我喊。
「叮叮」 阿儀WAHTSAPP
阿儀: “我等你返黎! “
我: “唔知出去幾耐,盡快返黎。” 收到阿儀MSG其實都係幾開心既,所以應承左佢會返黎搵佢。
隨著行左一小段路,我心中既負面情緒開始減退而想自殺既念頭亦都完全消失,淚水亦被我壓制住唔再留出。慢慢行到出大街,人流開始多,見到情侶一雙一對時心中不是味兒又再一次想喊…
我越行越急,越走越熱,開始半行半跑咁走去太子,想盡快見到MANDY!
約20分鐘時間已經去到約定既酒吧。