無音響子
2017-06-04 17:58:17
-------------------------
眼前嘅文仔衣著唔同以前,上身一件綿質衫衣穿一件無牌子嘅外套、下身著住綿質褲波鞋。 非常撲素。
外觀上,佢清減左唔少,但雙目有神!
文仔一路行一路定眼望實我,面上露出一點點異樣。
「恭喜您新郎哥!」阿Ben好高興咁坐低。
「你好好耐冇見。」文仔仍然係以一種怪異嘅目光望住我。
「好耐冇見,幾好嘛你去左台灣有冇六年?」我有避開文仔嘅目光。
「幾好。 有六年。」 文仔坐下仍然望實我。
阿ben留意到文仔古怪咁望實我:「阿新郎哥做乜個樣咁憂鬱咁?好冇精神喎...」
「唔...我結婚可能...無左啦。」
「下?」 阿ben好大反應。而文仔好似完全唔驚訝一樣。
「係啊,我同alice岩岩炒大獲!」我感觸地低下頭「打左佢一巴之後幾日都冇再揾佢。
「唔係下話?! tvd嘅膠劇咩?」ben好大反應。 「冇得救?做乜唔去tum人。咩事啊?」
我就將我同alice中間因為結婚、裝修、傾禮金及懷疑佢同jeffery嘅事一五一十講出。
當然冇講阿儀同mandy嘅野。
聽我講完之後,阿ben都唔知比乜反應我好。
反而文仔佢終於開口講野。