見住JEFFERY光住上身企係度,拎住杯凍飲係廳度。 我立即黑色想吊佢時,ALICE係洗手間走左出黎。
ALICE係有著衫既:「SORRY啊JEFFERY,我幫你沖返乾淨件衫,我放去平台浪下應該好快乾。」 佢見到我,先係打左個特:「依… 你唔係話你頭痛唔黎咩?」
我吊你,你梗係想我唔黎啦!!! 比你同JEFFERY偷情啊!? (我係心諗) 不過因為JEFFERY係度我冇咁講。 但可以想像當時我面一定黑過古天樂。
「啊~ 羅生你好啊,你黎左~ 哈哈!」 裝修佬PETER係廚房大聲叫我「喂睇下電視架裝依度O唔OK? 你老婆話要你定位佢話唔到事。」 PETER既出現化解左依個尷尬局面!
我都立即放心左,哦…原來有PETER係度。 JEFFERY係見慣世面識睇人眉頭眼額:「啊~ 你老公黎左我可以唔洗陪你啦,走人先。」 JEFFERY搶左ALICE手上件衫就走人。
得返我同ALICE對望,我黑面對住ALICE!! ALICE都有D唔好意思同我對望。
依個時候又係PETER出口:「阿羅生方唔方便黎睇下電視架上咩位好?」 佢又再一次化解左尷尬局面。
「好! 黎梗」 我轉身由得ALICE一個企係洗手間門口。
搞左兩鐘左右,都算係做好晒D要鑽鑿既位同上架。 兩個鐘入面我都冇同ALICE講過一句野,ALICE只係一直跟係我後面冇出聲。 直到PETER收工:「咁下可以入傢俱啦,入完你打比我同你補一次油就完工,係啦…. 方便我補油之前比尾期我地嗎?」
我冷冷地回一句:「好啊,下星期比你」就目送PETER走。
ALICE先開口:「你個頭仲有冇痛啊?」
我真係忍到爆左:「痛極都唔夠個心痛!!! 你又話唔再搵JEFFERY!? 做咩佢又會上左黎???? 」
「咁你陪唔到我,我阿爸媽咪又趕唔到出黎啊。 咁岩JEFFERY又係附近又熟裝修……」ALICE解釋。
「我陪唔到你就搵第2個男人陪???? 你仲要明知我唔鐘意佢,你就偏要搵佢???」 我真係冇試過咁惡同ALICE嘈。
ALICE都有D激動「咩叫你唔陪搵第2個男人陪? 你講咩啊???? 我叫佢上黎幫手睇裝修姐,唔通你叫我一個女仔對住個裝修佬??」
其實我係有D無理取鬧:「咁你同佢睇完裝修之後又點啊? 我點知佢同你會做咩啊?」
「拍」一聲! ALICE打左我一巴:「羅大舟,同左你一齊5年,你竟然咁睇我! 你好野!!」 之後佢就走左…
果一巴真係好痛好痛,我跪左係地上。見住ALICE走左,我真係冇力量同勇氣去追,因為其實係自己錯左。
其實點解我會咁惡鬧ALICE??? 我真係好似失去左自我咁。 我完完全全係因為自己偷食,而將自己既心態放左係ALICE身上…