--------------------------------
黃昏同MANDY手拖手漫步海旁,行到去一張公園長凳坐企對住個咸蛋黃。 (位置就係依家AA壁咚人果個大賣樓盤對出。) 雖然景觀好好,但個海傳來陣陣惡臭….
MANDY做個鬼臉:「依….依度好臭。」
「轉位去第二度?」
「唔洗啦~~~」攬住我錫左我一啖。「有時候有D野慢慢會習慣,習慣左就冇野。 唔洗要轉既…」
MANDY好似有D暗示,我冇理會。
「你係唔係有野想講啊?」 抬頭望住我。
「你做咩事要走啊?」
「我DADDY MUMMY咪講左囉~ 原因係覺得香港大環境唔好啊,佢地唔想我留係香港。」
「咁你自己想唔想? 」
「唔….無啊,其實好多朋友都係英國,反而係香港就冇咩人識,加上香港真係生活太有壓力。」 MANDY枕住我膊頭同我講。
「咁我呢? 唔值得你留低? 我其實鐘意你,想同你一齊!」 我表白左。
「……..」 大家都冇出聲,沉默左1分鐘。
MANDY企起身行左出去海邊欄杆上。 我跟上前。 「MANDY,我尋晚係講真,我愛你!」 攬到佢好實。「不如你留係香港同我一齊。」
「不如你放棄香港既野同我一齊去英國啊!」 MANDY好認真咁問我。
「….唔….」 一時間我答唔上嘴。
「其實好似係依度咁,一開始會唔習慣覺得臭,不過耐左你會習慣。 唔需要去第二度。」 MANDY鬆開左行前兩步。
「其實我好開心你尋晚同我講你愛我! 我都好愛你! 不過我知道你未放低ALICE!!! 」 MANDY背住我講。
「我同ALICE已經冇左,我唔會同佢一齊啦。 我地依家成日嘈,我打左佢….冇得返轉頭啦。」
「如果有得返轉頭呢? 如果佢肯原諒你呢? 你會選擇留低家同我去英國?」
「唔….」 我其實會選擇ALICE….
「你唔好逃避啦,你同ALICE已經一齊咁耐,其實你已經習慣左佢係你身邊. 我既出現只係為你帶黎新鮮感。 我知道架。 你唔好改變自己啦。」
「但係我….」 我未講完MANDY就錫左我一啖。
「多謝你依幾個月黎同我一齊,我好開心可以識到你。 我都好開心你愛我,我唔會忘記你。」 MANDY原本喊梗,兩行淚水流到面頰。
見到佢喊,我攬住佢。 我好怕佢會離開我。 但同MANDY傾完,我知道佢好了解我,亦令我更了解自己。
其實自己只係唔想行第一步去同ALICE講對唔住,只係自己死要面。 不過心底係好愛ALICE! ALICE其他一直都係我心入面。
「嗚…..」 MANDY抱住我個頭貼住我心口喊左出黎。
良久,MANDY淚已經喊光,人亦平靜下來。 「你啊….傻佬。 你知唔知道自己尋晚發開口夢,係咁講『ALICE唔好啊….ALICE唔好走。 ALICE ALICE ALICE』 。不停講佢個名。」
MANDY彈住咁走開左兩步:「不過,你都有叫我個叫既。」 甜絲絲咁笑住走。 「傻佬,你怏D主動追返ALICE啦!!! 以後唔好四圍玩乖乖地對自己老婆啦。 BYEBYE」
我目送住MANDY遠去… 係我最後一次見MANDY…