無音響子
2017-06-05 11:41:41
---------------------------------
文仔:「你唔係好掂。」 之後文仔捉住我雙手,閉起眼。
哇吊~~ 咩事啊老細!? 心諗由一入黎到坐左咁耐文仔都眼甘甘咁望住我,佢成個人都唔同晒,好古怪,依家仲突然捉住我。
我同阿BEN都比佢依下舉動搞到呆左。 我地互望一眼見到文仔口中念念有詞,慢慢我感到有兩度暖流由手走向我身體,背脊同頸部微微散發熱氣。
突然文仔企起走左去我後面,一手貼住我背門另一手爪住我頭頂,口中仍然係念梗野。 我隱約聽到少少「摩、HO、啊、DOR」之類既聲,完全聽唔明白。
阿BEN係我對面睇到O晒咀問文仔:「咩事啊你?」 文仔冇理佢。
我只係感覺原本我好似有D精神彷彿,文仔係我頭頂搞完一輪野之後我個人好似精神左。
搞左幾分鐘左右,文仔坐返低,飲一口咖啡同我講;「你知唔知道自己奶左野比鬼搞?」
我聽到嚇左跳!!! 「下?咩話?」
文仔坐直身:「我睇得到,你有股陰氣。聽你講完應該係你新屋有污糟野搞你,令你依一排性情大變而同ALICE不停有負面情緒。」
我同阿BEN互望,一時間唔知道可以點講。 鬼??? 咩有鬼啊…. 傻左咩文仔!
文仔見到我同阿BEN既反應可能知道我地唔信:「大舟,你屋企係唔係冇陽光又好潮濕,仲要成日陰陰寒咁?」
阿BEN反應好大下:「係啊,上次你入伙我上黎,真係好凍。 你屋企仲凍過街!!! 仲有我留意到你洗手間牆身真係幾濕下,秋天都有水珠係牆真係好勁下。」
比佢兩個咁講,我回想返又好似真係好濕下。 再諗返自己又真係好似係開始上多左屋企之後就有D唔多耐煩脾氣差左。
「係啊。 我估ALICE都可能中左招所以你同佢兩個嘈到咁。 我印象中alice係一個冇脾氣既女仔。 而你就更加冇可能會出手打女人。」
我好驚訝:「下….咁點好啊?」 唔知係唔係真係文仔做左D咩,搞到我頭腦清晰左:「我同ALICE點算? 我地仲要結婚啊,有冇得好返?」
文仔笑笑口:「你好彩識到我,我一定會幫你。」再飲一口咖啡:「我都係因為比D污糟野搞先病,去台灣6年就係有人介紹我去搵個師傅。 師傅救左我一命,之後覺得我同佢有緣收我做弟子教我野。 」
真係有鬼? 其實我都唔係好知係唔係真係有… 不過信左先啦。 起碼我自己係真係想同返ALICE一齊。 無論係情感上或者係面子之上。
「咁我地點做啊依家?」 我急住想知點搞返掂好。
「EASY JOB!!! 你比ALICE電話我啊,我想今晚見一見佢,我估佢都受俊鬼影響左思想。 大舟你就先返自己阿爸阿媽度休息一下,今晚唔好返去新屋。」
「你新屋果度,我聽日中午時間矛陽氣最盛時上去睇下。我約你聽日11AM係新屋等。」
「好….」 我真係冇晒主意只好乖乖比左ALICE電話文仔,同早D返阿爸阿媽度訓。
「阿BEN係咪可以車我去ALICE屋企?」文仔問BEN
「可以~我去拎車過黎先,你地一陣見我到就車黎。」
阿BEN走左之後,得我同文仔兩個人。
文仔挨近我耳邊講:「你比隻女鬼搞! 佢吸你既陽氣啊。」
「下….」 唔通文仔所講既係阿儀….? 佢唔通睇得出得同佢有搞野?
「等一等先,你意思吸陽氣係….?」
文仔停左一陣:「一般男士陽氣就來自下面。」 文仔暗示左。
「下….? 佢吸黎做咩啊…..?」 我聽到之後好驚好不安。
「鬼有時可能有D事投唔到胎要留係陽間,而係陽間會修練。 吸人氣就係其中一個修練方法。」 文仔好似講到好普通既一件事咁。
「咁我會點啊….會唔會死?」
「要死一早死撚左,點會仲同我傾到計。 總之你放心啦,多D休息做下運動養下身就OK! 走啦,阿BEN到左!」 文仔胸有成竹咁同我講。
阿BEN車左我返深水步之後就同文仔去搵ALICE。
我就上返阿爸阿媽度,休息。 唔想嚇親家人,所以要冇同佢地講同ALICE分開同有鬼既野。 其實自己都唔係好信文仔,因為自己一直都唔信世界上有鬼,而阿儀亦都同我既感覺好真實,一定唔會係鬼。
無音響子
2017-06-05 12:30:26
---------------------------------
食完飯,我入左房睇返WHATSAPP搵返阿儀出黎! 我好心寒…. 我搵唔到阿儀個電話。 唔通我真係一直都比隻鬼怪搞? 唔會既….冇可能! 所以野都好真,我同阿儀身體既接觸,感覺係真既。
我回想同阿儀一直以來既事。
第一次見阿儀,佢係企左係陳生身後一齊出LIFT,陳生好冷漠咁同我打招呼後,就自己一個開門入屋同阿儀冇交流。
另一次我同阿儀行去奧海城佢做GYM,我記得果次 同佢一齊行,沿路有唔少人望住我地。 我諗住係D人覺得阿儀太靚所以望。 但依家諗真一下,D人係用一種古怪目光望住我,望住自言自語既我。
仲有一次同ALICE一齊行街,見到阿儀時我份鎮定咁去同阿儀打左個招呼。而ALICE見到我講野,就好似唔知我做咩咁話我古古怪怪….
我越諗越驚。 唔係唔係係真既,我尋晚同佢拍左片。 我同阿儀做完愛之後之後仲一齊係床上睇過段片,仲記得佢比我搞到潮吹左之後我先拍入去。
我立即開出黎睇返段片。
HOLLY SHIT! 我唔敢相信自己對眼睛。 明明尋晚拍完開左既睇係見到阿儀同自己搞野。 但依家開出黎睇,我見到既係得我自己一個人, 先係舉起隻中指不停向上"了" 之後我就係度自己打飛機…最後射出黎係床上…..
冇可能!!! 點會可以咁真實,我明明真係同阿儀一齊,佢好真實。
我唔信。 我要去搵阿儀,佢一定係屋企等我既。
果一刻我冇理文仔同我屋既野,我一支箭咁衝左出去飛的去大角咀。
唔會既,阿儀唔係鬼。 我唔信!!!! 冇可能。 我腦海不停同自己講係假既,文仔呃我,一定係假既。
到大角咀,我企係屋企樓下望上去A室,A室完全冇開燈。 平時依個時間阿儀應該係屋企,點會冇燈? 冇可能!!! 唔會既。 我坐LIFT上去,LIFT到左1/F,門一開。
一度寒面向我面門襲來…. 我行出1/F 大堂望向A室阿儀單位,打左個冷震…. 但我同自己講,我要求證一下。
我伸手去按A坐門鈴。
冇人應門! 阿儀唔係度???? 「阿儀~~~~ 阿儀~~~~」 我開始有D唔耐煩,用手拍門。
都係冇人應。
我鼓起勇起,入自己屋企,打算去後門睇下阿儀係唔係等梗得。
打開門,又係一陣寒意打係我身上。 但我已經唔在乎! 我好想見阿儀。 「阿儀~ 阿儀~~」 入到自己屋企我邊走邊叫阿儀。」
去到廚房後門,我深吸一口氣之後,將度後門門打開!