巴打真係好犀利，真係好厲志
想問下你有冇見過啲人係好仆街，
但又為左想假釋而做戲做到足，
最終真係出到去嘅仆街？
首先你要了解下咩叫『假釋』，我怕你誤解左呢個字．
首先，任何人，只要唔攪事加監，係一定有得減三份一刑期，提早放出去的，呢個係必須比你的，所以係人人都有，呢Ｄ唔係叫『假釋』。
『假釋』，即係要再早Ｄ，係２００６年以前，香港既『假釋』，係出左名『假』，即係你有你申請，根本唔會放你出去。咁係２００６年某一日，外國既一班唔知咩監獄組織既人黎，參觀香港既監獄，人地鬼佬做野極之認真，我見佢地睇過我地食飯個飯盒，因為距離個廚房好遠，所以送到黎既時候都已經凍，佢地就叫香港監獄改善，之後就改左用保溫飯盒，就好左好多，有熱飯食．
佢地仲睇埋監獄既文件，數據，發現左香港既『假釋』根本就搵笨柒，叫佢地認真去做，自個次之後，就係咁放人出去（由一年１－２個人，變到一年６０個人）．
『假釋』，分為Ａ計劃，Ｂ計劃：
Ｂ計劃，刑期４年－１２年之間，外邊有公司肯請你，你就可以提早出册，日頭去返工，夜晚去『豐力樓』度訓．
Ａ計劃：
即係係屋企坐監，係受監管之下，餘下既刑期，可以係屋企坐監，外邊要有人肯請你先可以申請，日頭要去返工，夜晚要返屋企，定期要報告你既行蹤，會有人忽然黎check你．
我有個朋友申請到，係個廣東省政協幫佢攪的．
多謝謝你呀巴打，覆得好有心好詳細
咁佢地出到去偷走偷渡去台灣咪引渡唔到變無罪？
留名
