(嚴重FF輕鬆愛情同居故)我與貓系女室友的二三事

1001 回覆
195 Like 3 Dislike
2020-04-26 17:19:19
禁錯不推文
2020-04-26 17:33:56
2020-04-26 17:35:56
唔緊要
有人留言同睇故已經好開心啦
2020-04-26 17:44:04
樓主唔可以俾Tracy搶走男主
2020-04-26 18:41:02
唔可以
點解男主唔可以做羅志祥
2020-04-26 22:04:45
你好唔鍾意Tracy?
2020-04-26 22:07:20
個人覺得man吸引好多
2020-04-26 23:44:32
我都覺得呀Man吸引啲
但應該好多男人都鍾意Tracy個類多啲。
2020-04-26 23:58:45
Tracy不了
飛雞易帽
2020-04-27 01:22:32
開後宮
2020-04-27 01:24:42
其實幾ok呀
先Tracy 知道有問題之後再簡都幾好
不過唔知Tracy 之後呢個角色會有咩特別呢
2020-04-27 01:29:29
Tracy有種專呃男人嘅feel
2020-04-27 10:18:26
睇到後尾尾咪知囉
2020-04-27 12:45:44
有啲啦
2020-04-27 16:11:28
2020-04-27 17:04:00
2020-04-27 17:45:35
文呢
2020-04-27 17:59:31
見有60個正評
咁今日唔休息 晏啲8點放一篇文啦
2020-04-27 18:26:21

仲有幾多貨淨呀
2020-04-27 19:11:45
十三篇左右
2020-04-27 20:12:29
Ch.12

我對呀Man有意思?

「唔係!緊係唔係啦!我同佢係朋友嚟嫁咋!」我立即否認,撇清同呀Man有任何關係。

比Tracy誤會點得嫁!我係對Tracy有興趣嫁嘛!等等有機會都變無機會咁點算。

Tracy見到我反應咁誇張,強烈咁搖頭否認就忍唔住笑咗出聲:「哈哈!我講下笑咋!唔使咁緊張喎,鳳梨酥。」

聽到佢用咁sweet嘅聲線叫我鳳梨酥,我成個人暈哂大浪。

「妳想食咩呀?」

「嗯⋯⋯我想食西式嘢。」

食好西?嗯,我都想食。

我拎部手機睇openrice ,睇下有咩好西環境又好嘅餐廳。點知Tracy佢話佢有間平時經常去食嘅餐廳。

我見時間咁早,就提議約下晏五點幾先出嚟,點知呢個Tracy鬼馬啦。佢歪住頭用住無辜嘅眼神望住我。

「鳳梨酥,你唔想同我出去行下咩?」
2020-04-27 20:13:09
聽到佢用咁嗲嘅語氣同我講嘢,我嘅內心好似得到千軍萬馬咁,想向Tracy進擊,想要得到佢嘅芳心。

我估唔到今日咁好運可以同兩個靚女去街。

我同Tracy去咗附近地方商場行下,佢同我一齊行咗好多間名牌店,係到揀啲好貴嘅高跟鞋。

我一直坐係佢旁邊睇住佢係到叫Sales拎鞋比佢試。

我真係完全睇唔透,點解啲女人咁鍾意買名牌高跟鞋,名牌手袋。係咪呢啲係身份象徵定係點。

「Gary,你覺得靚唔靚呀?呢兩對邊對靚啲呀?」Tracy無啦啦咁問我。

我立即點頭話:「都靚!緊係靚啦!妳著咩都靚嫁!」聽到呢句說話我忽然有啲唔好嘅預感。通常女仔講呢句說話都係想你買比佢,又或者買哂比佢。

「唔該,呢兩對同我包起呀。」

嘩!我望一望個價錢都起碼接近一皮喎!比咁大嘅考驗我。

但Tracy佢自己好快咁去咗收銀處比錢,完全都無諗過叫我比錢。咁佢都唔算係好港女嘅⋯⋯
2020-04-27 20:13:29
「妳好似好鍾意買鞋咁喎。」

「係呀,每個月最少都會起碼買兩對。」

每個月都使咁多錢?啱啱個兩對鞋唔算係最貴個兩款。真係好難想像做空姐嘅佢係邊到嚟咁多錢,真係好古怪。

去完買鞋之後行咗陣商場,之後就跟住Tracy去佢平時食開嘅餐廳。

直到我同佢去到間餐廳,我先發現佢想食嘅並唔係普通好西,而係超級好西。

屌!唔係西式,係法式嚟嘅!

唔係普通西餐而係法國大餐呀!

間法國餐廳好大,一入到去個環境好昏暗,只係亮起好暗嘅燈光同燭光。四周嘅牆壁都掛咗好多望落好貴嘅名畫,而啲服務員全部都係外國人。

我哋跟住個服務員行到一邊近窗嘅位坐低,服務員向我哋推薦今日晚餐。我一望到個餐牌眼都突埋,我諗埋單都要幾千蚊。

Tracy佢向服務員點完餐後,仲點咗一枝紅酒。

一件鳳梨酥換一餐法國大餐真係抵,我完全無諗過Tracy平日使費會咁大。
2020-04-27 20:13:56
「啱啱見妳比咗張vip卡個服務員,妳唔似只係食過咁簡單喎。」

Tracy搖一搖個酒杯,聞一聞紅酒嘅香氣然後飲咗啖講:「比你發現咗,因為我好鍾意呢間餐廳嘅環境,所以都經常嚟食。」

果然啲女人鍾意嘅唔係間餐廳嘅嘢食,而係個到嘅環境。不論係普通餐廳定高級餐廳都係為咗影相係IG打卡。

唔知Tracy係咪都係呢啲人呢?

我四圍望覺得周身唔聚財,因為我好少去高級餐廳,以前同啲Ex慶祝紀念日就有去過。對比起高級餐廳個啲細細份,擺到好靚食極都唔飽嘅美食,我都係鍾意食茶餐廳嘅豆腐火腩飯,又或者係大排檔炒幾碟小菜,飲返幾枝啤酒咁都幾嘆嫁。

過咗無耐服務員就開始上菜,每一碟都好細份,每上一碟Tracy都用手機影相。

「妳影咁多相放ig呀?」

「係呀,我鍾意同人share我嘅生活。你都follow我呀。」佢伸手示意叫我比部電話佢,Tracy幫我係Ig follow佢之後就比返電話我。

我即刻一望,佢ig成幾廿萬人follow,除咗現實中係女神之後,就連網絡世界都係女神。

我哋好快就食完餐飯,係食飯嘅過程中,我發現Tracy一直以好奇怪嘅眼神睇住我,嘴角一直上揚。

佢同我分享咗好多有關佢係飛機上或者係外國嘅趣事,傾下傾下忽然出面開始落起雨。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞