(嚴重FF輕鬆愛情同居故)我與貓系女室友的二三事

1001 回覆
195 Like 3 Dislike
2020-04-24 15:56:53
下次硬入
2020-04-24 19:44:19
其實佢得把口
可能遲啲佢都會有個短篇故事
2020-04-24 20:52:20
Ch.8

夏天經常帶嚟美腿外,更為大地帶嚟雨水。尋晚天文台仲話今日下午有機會掛八號風球,朝早仲好好天,心諗個天文台一定又報錯啦。點知放完lunch返嚟個陣落暴雨,有遮都搞唔掂。成個人都濕Q晒。

接近放工時間就話好快掛八號風球,所有office都提早收工,勁多人係條街到爭的士爭到鬧曬交,仲差啲大打出手。

「八婆!係我搶先嫁!」

「喂!你可唔可以有啲紳士風度呀讓下我呀!」

排係我前面嘅大叔同埋一個著到全身名牌,化咗個大濃妝嘅港女係到嘈交。個天越嚟越黑,啲雨水越落越大,落到「發發」聲,好似針咁打落塊面會痛嫁!企係我前面嘅港女用幾貴嘅名牌防水化妝品都無用,成個妝花哂,對眼好似流緊黑色墨水咁。見到都嚇死人,就算你平日幾咁靚女都好,宜家咁嘅樣邊個會讓你呀!
2020-04-24 20:56:26
佢哋完全無視後面排隊嘅人繼續係到嘈,係到拉拉扯扯。

「屌你老母!係咪上車嫁,唔係就過主啦!」連的士佬都忍唔住開聲屌佢地。

佢哋好似聽唔到的士佬屌佢哋,個個都趕住返屋企係到阻撚住曬。

「屌!」我忍唔住屌咗聲,撞開佢哋衝咗上的士到。

「司機開車!」

司機立刻開車,佢一邊揸車一邊講:「呀哥仔,做得好呀,屌你老味明知到就掛八號風球,屌你老味係到阻止曬,屌你老味我都要趕收工嫁!屌你老味⋯⋯」

我已經數唔清楚的士佬已經講咗屌咗啱啱對男女幾多次,我只係想快啲趕返到屋企。記得屋企無貼到膠紙係窗到,今次啲風勢又好似好勁咁,我立即打電話比Man,但係奇怪嘅係佢無聽到我電話。

佢應該係屋企嫁,點解會唔聽電話?

一落車我就衝去大廈到,但風勢勁大把遮都反埋。我索性掉把遮去垃圾筒到,當我轉身想走嘅時候,忽然聽到一陣陣微弱嘅聲。

「喵⋯⋯」

我停咗係到一陣,望一望垃圾筒。見係咩特別,就打算轉身就走,但呢個時候又聽到貓嘅叫聲。

「喵⋯⋯」

我伸個頭埋去望清楚,原來垃圾筒旁邊有一隻好細全黑色嘅貓訓係到,全身濕曬凍到係咁震望落去好似好虛弱咁。

原本我都打算走,但係聽到佢叫得咁慘,又越嚟越大雨我就除咗外套包住隻黑貓抱住佢返屋企。

一返到屋企,出面已經勁大雨仲行雷閃電。整間屋都黑媽媽,好似無人係到咁。我已經全身濕曬,我頂唔住全身濕曬,啲衫痴住自己濕𣲷𣲷好鬼唔舒服又凍。
2020-04-24 20:59:11
見隻黑貓又濕曬又凍,我就抱住佢走咗入廁所沖暖水涼,然後吹乾佢。我係房到拎張毛毯包住佢放係屋企搵嘅矮紙箱到,然後放係梳化上,就到我沖個暖水涼。

沖完涼後,我就坐咗係梳化到望住側邊黑媽媽嘅嘢,開始擔心起嚟。死啦,我對動物嘅嘢咩都唔識嫁喎,好驚佢過唔到今晚。

係咪女仔會識呢啲嘢多啲呢?我忽然諗起呀Man奇怪佢唔係屋企都唔講聲,於是我打電話比佢,但奇怪係屋企傳嚟呀Man嘅電話聆聲。
2020-04-24 21:31:01
聽日繼續
2020-04-24 23:12:46
2020-04-25 01:20:19
Man變左隻貓
2020-04-25 01:28:32
2020-04-25 05:19:06
係咪瞓死咗
2020-04-25 08:03:39
2020-04-25 10:24:17
唔係科幻故嘅。
係老套輕鬆FF故
2020-04-25 15:06:52
Ch.9

電話聆聲仲要係呀Man間房傳嚟,我吞咗吞口水望住呀Man間房。

「呀Man?」

無人回應我。

「轟隆!」出面行雷勁大聲,我都嚇咗一跳,黑貓更喵咗一聲縮埋一舊。我慢慢走到去Man間房前面,我cut咗佢線然後敲咗敲門。

「呀Man?」我再一次叫佢個名。

但房裡面仍然無人回應。

唔知邊到嚟嘅勇氣,我竟然夠膽去打開佢間房,睇下佢係唔係到。

我推開咗門,忽然轟隆一聲個天打咗勁大個雷勁大聲,嚇咗我一大跳,最令我嚇一跳係有個人影學撲埋嚟,攬住咗我。

我呆住咗,下意識伸手攬住咗對方,我感覺到懷中嘅人柔軟觸感,同溫暖嘅體溫。同埋佢因為受驚而不斷咁震緊。
2020-04-25 15:07:08
見到呀Man因為受驚而眼泛淚光。我第一次見到佢咁驚,個樣望落去楚楚可憐,激起咗男人嘅保護慾。

「呀Man唔使驚,係我Gary呀。」我仲手輕輕拍佢嘅背脊,希望佢可以冷靜落嚟。

因為佢胸前嘅偉大壓住我,令我忍唔住面紅起嚟。

佢著住白色背心,我向下望嗰陣可以清楚見到佢嗰條好深嘅事業線。我立刻轉移視線,免得比佢發現我望緊佢嘅身材。

我攬住咗佢一陣,呀Man開始慢慢冷靜落嚟,佢輕輕推開我,塊面紅曬。突然轟隆一聲,又打雷。

「啪」一聲,成間屋啲燈全部熄哂冷氣都熄埋,呀Man驚到叫咗出聲。我拍咗拍佢膊頭安慰佢:「唔駛驚,可能停電。我去睇下有無跳制。」正當我想出去廳睇嗰陣,呀Man立即拉住我件衫。
2020-04-25 15:08:08
「唔使驚喎,我唔會走好遠。一係妳跟住我一齊出去呀。」

呀Man拉住我件衫跟住我出客廳,我去睇吓個燈箱有無跳制,但發現無跳制。

我打開門睇吓出邊發生咩事,見其他鄰居都打開門係到討論,先打聽到原來全橦大廈都因為啱啱打雷而停電,要第二日夜晚維修先整好。

「呀Man,要聽晚先會維修好。今晚早啲訓啦。」正當我想行入房嗰陣,呀Man伸手拉住我。

「我⋯⋯我訓唔著,你可唔可以陪我一陣呀⋯⋯」

我見呀Man咁驚,記得之前呀妹送咗啲蠟燭呀,香薰蠟燭呀比我,我就拎哂出廳,點著哂佢。

當點著哂蠟燭之後,原本黑暗嘅客廳亮起左點點燭光,係燭光嘅映照下,呀Man嘅五官睇落都好深邃。而且係香薰氣味同環境嘅影響下,覺得宜家我同呀Man嘅氣氛有啲微妙。
2020-04-25 15:08:28
我哋兩個都坐咗係地下,背脊靠住梳發。

「哈哈⋯⋯好似整到好浪漫咁。」我傻笑住講。

我哋無再對話,靜咗一陣,我就問:「其實唔使咁驚喎,我間房係妳間房對面,有咩事可以敲門搵我呀。我唔知原來妳咁驚行雷閃電。」

呀Man佢搖搖頭,佢抱住腳回憶起以前:「其實我咁驚係因為以前細個嗰陣時,曾經喺落暴雨嘅日子比養母鎖咗喺間雜物房一晚。所以每逢落暴雨嘅夜晚我都好驚。」

「對唔住呀,我唔知道妳⋯⋯」雖然知道呀Man係外國回流返嚟,但我無諗過佢係孤兒。

「唔緊要,其實我好細嗰個陣就比人領養咗去外國。我返嚟香港係想搵返我家姐。我家姐比另一對夫婦領養係本地生活。」

我唔敢問咁多有關呀Man以前細個時候嘅嘢,我怕會勾起佢唔好嘅回憶。

但呀Man向我講咗好多關於佢以前嘅嘢,細個嗰陣養父母對佢好嚴格,做錯事會懲罰佢。佢中學嗰陣係學校比外國人歧視,佢點樣踏入畫畫呢一行。

呀Man第一次同我講咗咁多嘢,仲係咁多有關佢嘅嘢。聽住佢講以前嘅往事,我發覺自己好似對佢了解咁深。


忽然喵一聲打斷咗我哋嘅對話,我同呀Man同時轉頭一望,見到隻黑貓係毛毯到伸個頭出嚟,用住對碧綠色嘅眼睛望住我哋。
2020-04-25 15:15:25
如果正評有40
今晚會再有多篇
2020-04-25 15:24:25
難d
2020-04-25 15:27:49
咁等我打多啲儲下存貨先
2020-04-25 16:12:55
留名
2020-04-25 16:16:49
有甜嗎
2020-04-25 18:18:37
留名
2020-04-25 19:37:22
應該會有少甜
2020-04-25 20:00:40
俾多個正皮你
出文
2020-04-25 20:08:42
支持 幾好睇
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞