真係諗多咗呀!
「你哋幾時走呀?」
「屌!啱啱食完食就趕人走,等無咁大雨先啦!」
「屌!你住樓上啫,你帶埋你上司返屋企啦!」咪阻住我同呀Man啦。
家強聽到我咁講,勁大反應手上面嘅碟差啲甩手跌落地。
「嘩⋯⋯咪玩啦!我帶魔女返屋企?我都唔知今晚會發生咩事呀。」
「發生咩事?咪sod情節囉。」
「總之⋯⋯我哋唔走住啦。」家強反咗好大個白眼。
屌⋯⋯瀨死唔走。
我哋洗完碗之後,就走出廳一邊飲酒一邊吹水。
出面開始落暴雨,過咗無耐天文台就話黑色暴雨警告。
頂⋯⋯我望一望時間,宜家都十點幾,睇嚟今晚佢哋都唔走啦。
「er⋯⋯家強上司呀⋯⋯」Michelle聽到我叫佢就望過嚟。
佢嘅眼神好凌厲,好似同我講宜家黑色暴雨警告,你唔係想叫我宜家走呀嘛?
佢嘅氣勢好強勁,我都怯咗怯。
「妳⋯⋯如果有需要嘅話,可以等細雨啲先走,或者可以上家強到。佢住係樓上咋。」
家強聽到我咁講,立刻話:「我今晚無諗住走嫁!我諗住係到玩通宵嫁!」
唔撚係呀!
「咁我都留係到。」
屌!唔撚係呀!
「無咁多位比你哋係到訓喎。」
「一世人兩兄弟,我同你一間房咪得囉。」
成日都話兄弟,但次次有麻煩嘢都搞著我。
正當我諗計仔打發佢哋上樓上個陣,門鐘竟然響係上嚟。
「咁夜,邊個呀?」
我走去開門,點知一打開門就見到Tracy著住制服,拉住行李全身濕晒咁企喺門口。
「Hello Gary⋯⋯」