(嚴重FF輕鬆愛情同居故)我與貓系女室友的二三事

1001 回覆
194 Like 3 Dislike
2020-05-10 17:40:50
Ch.28

食完嘢後,家強同魔女上司要繼續去見客,先行離開咗。明明今日係星期六都要係辦公時間外見客,真係勤力。

我同呀Man就返咗屋企一轉,放低啱啱上泰拳班嘅嘢。之後就一齊去咗附近超級市場買餸。

我推住架手推車,呀Man就係我側邊一邊行一邊睇。見其他人都係一雙一對,忽然我又係到FF。

FF我同呀Man係一對新婚夫婦,一齊嚟買餸返屋企玩煮飯仔。

唉⋯⋯如果係真就好啦。

呀Man係到揀緊食材,望到佢咁認真,苦惱揀咩嘢食個樣好可愛。

「呀Man呀,點解你會同意家強佢嚟食飯嘅?」

呀Man聽到我嘅問題笑住話:「熱鬧啲唔好咩?」

嗯⋯⋯佢應該係整鬼我。

「熱鬧係好嘅~但我只係想同妳兩個人食飯囉。」我輕輕咁撞佢肩頭講。
2020-05-10 17:41:15
呀Man聽到我咁講塊面紅晒,佢哼咗聲話:「係咩。我唔覺喎。」

死火!果然女人係一個小氣嘅生物,呀Man仲記掛住上次件事,不過佢個反應真係好可愛呀~

「但我真係想同你兩個撐枱腳喎。」我又用手肘撞撞佢笑住講。

「嗯⋯⋯下次先啦。」呀Man佢扮矜持咁講,但係面上嘅笑容完全掩飾唔到佢嘅期待。

望到佢嘅笑容,唔知點解我都忍唔住笑。我哋兩個一邊行一邊笑好似傻咗咁。

忽然一陣電話聆聲打斷咗我哋。

邊鬼個咁唔識do呀!

我係褲袋拎部電話出嚟一望,原來係家強。

「喂。」

「喂!黃家杰,你快啲睇下我send比你個list。係魔女要求嘅菜式。」

「咩料呀⋯⋯你上司果然係極品。」我開始有啲同情家強,日日比魔女屌到上天花板,真係痴線。

「唉⋯⋯真係唔好意思。我諗住講笑點知佢會認真,搞到今晚你要煮埋我哋個份。」
2020-05-10 17:41:34
「你都知唔好意思咩!」

「呵呵~我都要食魔女要求嘅菜式。多謝。」

「比返錢我呀屌你。」

「得啦!得啦!你買完幾錢話我知,我payme返你。」

屌呀!果然家強一啲唔好意思都無,仲要求多多。明明我唔認識魔女,但係點解我要依照魔女嘅要求去煮佢想食嘅嘢。

係都係煮呀Man想食嘅嘢啦!

我打開whatsapp睇下家強send咩嚟。

「安格斯肉眼扒五成熟,黑松露魚子醬鵝肝⋯⋯」個list仲有好多款,叫我係裡面揀幾款整。個魔女真係考起我,我都未整過西餐,一嚟就要整咁難。

魔女真係識食啦!雖然聽佢唔少事蹟,同見到佢衣著同埋拎嘅袋,戴嘅飾物都知道佢係一個好著重品味嘅人。

但係佢竟然會鍾意家強,我就有啲懷疑佢其實係咪好無品格。

家強喎!元家強喎!

個嗰好撚鹹濕,做嘢好hea嘅家強喎!

認真咩!

真係睇唔透點解會鍾意家強。我睇唔透,不過我睇唔邊,家強就更加無頭緒。

「做咩呀?」呀Man見我皺晒眉頭就問我。

「家強佢send咗啲餐單list比我,話佢上司想食喎。」

「係咩,可唔可以比我睇下呀」

「好呀。」我將部手機遞比佢,呀Man睇咗一陣,然後抬起頭望住我。

「我都想食。」

「⋯⋯」
2020-05-10 17:41:48
今日完啦
2020-05-10 17:48:15
我都想食...阿man
2020-05-10 18:27:41
男豬開始主動flirt呀man
2020-05-10 18:54:39
新讀者留名,幾好睇
2020-05-10 19:28:21
呀Man聽到我咁講塊面紅晒,佢哼咗聲話:「係咩。我唔覺喎。」

「嗯⋯⋯下次先啦。」呀Man佢扮矜持咁講,但係面上嘅笑容完全掩飾唔到佢嘅期待。

呀Man好可愛
2020-05-10 19:58:41
多摸以比多篇呀
2020-05-10 21:55:10
2020-05-11 09:55:50
多謝
2020-05-11 10:00:56
G持
2020-05-11 11:45:21
Ch.29

我同呀Man係超級市場睇咗好耐,揀咗好耐嘢先買好晒今晚要整嘅食材。

呀Man佢塊面紅紅咁幫我拎住袋餸,好似對於今晚餐飯好期待。

「我整最大塊牛扒比你。」

呀Man聽到笑住咁點頭,真係為食貓嚟嘅。

一返到屋企,我就洗手準備整嘢食,因為整得嚟應該家強同魔女差唔多嚟到。

好在之前有睇下本食譜點整,我諗應該點咩扒乜扒都差唔多做法。雖然有兩個電燈膽係到,但我都想趁呢個機會加好多分。

當我準備整嘢食個陣,呀Man一直企係我旁邊無離開過,佢一直望實我睇下我做緊咩。平時佢都係喺得整嘢食個陣坐係梳化到睇下電視,等開餐。

「妳⋯⋯想幫手一齊整呀?」

「係呀!」呀Man點點頭答。
2020-05-11 11:45:38
雖然咁講有啲衰,好在呀Man係話幫手而唔係過想試吓整。如果佢整嘅話,好難想像會整得幾難食。因為佢煮公仔麵已經出奇地難食。

我將洗食材同埋將食材切絲或者切粒嘅工作交比佢,但我開始準備整羅宋湯個陣,我見呀Man佢切食材嗰陣勁危險,每一下都好似就嚟切到手咁。

真係個心離一離呀!

呀Man係畫家嚟嫁嘛!靠對手搵食,萬一佢整到手咁點算呢!

「呀Man不如等我嚟啦。」為免佢會斬斷手指,所以我都係自己做返好啲。

呀Man停咗手行去後面,正當我以為呀Man佢厭倦咗切嘢,我接手返個陣。我覺得後面好似有人望實我咁。
我一擰轉面就見到呀Man一面好奇咁望實我,就連芝麻糊都好奇,走入嚟廚房望實我。

「不如呀Man妳同芝麻糊去玩啦。我整得嫁啦。」況且,我都答應過佢要整西餐比佢食。

呀Man聽到我咁講就抱起咗芝麻糊,打算走出廳睇電視。但佢臨走出客廳,就同我講:「記得留最大個塊肉眼扒比我。」

聽到佢咁講,我忍唔住笑出咗出聲。呀Man真係好鬼可愛。

「知道啦,為食貓。」

我睇實手錶時間,整好咗湯同前菜,好驚唔夠時間整晒四人份嘅主菜,好在最後都夠時間。

雖然過程中我都有係網上面搵教學,但係試食咗發現又幾好食喎衰鬼。我真無覺得自己好勁,做工程師晒咗。我覺得自己可以做一個米芝蓮嘅星級大廚。
2020-05-11 11:45:58
我覺得自己簡直係一個genius呀!

無幾耐聽到門鐘響起嚟,我諗應該係家強同埋佢嘅上司。

我一行出廚房,就見到呀Man開咗門。

「Yo bro~」家強佢心情好似好好咁。

佢將一個大紙袋遞比我,我一接住重到仆街。我打開一睇原來裡面有幾枝紅酒同香檳,仲要枝枝都係貴嘢。

「魔女拎嚟嘅見面禮,你賺到啦,簡直可以回返呢餐飯嘅本呀!咁我可以唔使比飯錢啦。」

屌你呀。你真係食軟飯嫁喎!

「諗都唔好諗呀你!錢我又要,酒我都要呀。」

「係啦!係啦!比返錢你啦!不過今晚不如開晒啲酒飲啦。」

頂!呢到接近半打紅酒香檳,打算係到飲通宵呀?

家強真係酒鬼嚟嫁喎。
2020-05-11 11:46:24
今日完
趕唔到文
2020-05-11 11:52:53
等你
2020-05-11 12:03:04
加油
2020-05-11 13:18:59
阿man so cute
如果家強醉咗拎mary出嚟就好笑
2020-05-11 13:30:21
加油等你
2020-05-11 20:57:09
2020-05-11 21:33:02
樓主文筆好好,睇到好有代入感
2020-05-11 21:58:27
Ch.30

Michelle佢一入到屋就係到四圍望,仲要皺晒眉頭咁,好似覺得我屋企啲裝修,啲傢私呀裝飾品呀⋯⋯都好bad taste咁。佢完全將佢嘅諗法擺晒上佢塊面到。

但我真係好想同佢講⋯⋯妳鍾意家強仲bad taste啦。

Michelle佢換咗套channel連身裙過嚟,佢坐係梳化到等開枱食飯,一副高高在上嘅姿態,我真係睇唔透點解佢會鍾意家強。真係令我鬼咁死好奇。

家強同呀Man幫手將嘢食傳出客廳放係枱面,因為唔係同呀Man兩個人浪漫晚餐,我緊係唔會拎啲香薰呀蠟燭呀出嚟。如果係同Man兩個人,我會拎埋玫瑰花瓣灑落地下同枱面。

不過可惜呀,有兩個咁大嘅電燈膽係到。

拎晒嘢食出嚟後,我都拎咗四個玻璃杯同開咗魔女拎嚟嘅紅酒。

「嘩!黃家杰!你煮啲嘢出嚟都有板有眼喎!。」

「緊係啦,你當我流嫁咩。」家強真係太睇少我啦。

呀Man一面興奮咁拎起刀叉,準備開大餐咁款。

但我覺得呢一刻好鬼奇怪,特別係家強個上司係到。佢一直無出聲咁𥄫實呀Man同家強。
2020-05-11 21:58:44
佢唔撚係覺得家強同呀Man有嘢呀嘛⋯⋯

明明屋主係我,我同呀Man一齊同居,佢唔會覺得呀Man同我係有嘢。啲女人呷醋上嚟真係不可理喻。

一諗到佢覺得家強同呀Man有嘢,我真係好唔鍾意。

家強一望到呀Man個碟就係到抗議:「點解呀Man塊肉眼扒大我哋個啲咁多嫁!」

「頂你啦!你咁肥仲食咁多,人哋咁瘦緊係食多啲啦。」

我對呀Man單眼,將佢個碟拎係我面前。

「我幫你切呀。」我幫呀Man塊肉眼扒切一粒粒,方便佢食。

呀Man面上露出笑容,但我睇唔透佢係因為我呢個舉動令佢窩心,定係因為塊肉眼扒太過吸引⋯⋯

我見呀Man啲口水就嚟流出嚟啦。

Michelle佢見到咁就用手肘撞一撞家強。

家強望一望佢,就繼續切塊扒,一塊一啖咁食到好滋味。Michelle好不滿咁又撞一撞佢。

「做咩呀⋯⋯」家強好迷茫咁望住佢。

「幫我切塊扒。」

「吓⋯⋯妳無手咩?」
2020-05-11 21:59:45
家強唔知係咪因為Michelle鍾意佢,好似食咗豹子膽咁,佢竟然咁夠薑同佢咁講嘢。

Michelle聽到佢咁講,瞪到對眼幾鬼死大。

「元家強。我宜家命令你幫我呀。」

家強聽到佢咁講嘢就認命咁幫佢切塊扒。

唔知點解我竟得宜家個畫面好鬼滑稽。無啦啦朋友同佢上司嚟食飯,而且係你面前係到嘈交咁款,而呀Man就完全無視眼前嘅陌生人,係到沉醉係美食入面。而我就唔知自己做緊咩。

食到一半,唔知點解無啦啦出面落大雨,仲要行雷。呀Man聽到雷聲,嚇咗一跳。

「妳無事呀嘛?」我係佢耳邊問。

呀Man佢擰過頭嚟笑住講:「無事,有咁多美食,今晚仲咁熱鬧,我唔驚嘅。」

見呀Man咁講我都放心啲。

當我哋食完嘢後,家強好自動自覺咁幫手洗碗。而Michelle就坐係梳化到睇電視。

我都走咗入廚房幫手。

「喂!估唔到你廚藝咁高超喎。」

「仲使講嘅!」我好得戚咁講。

「不如你煮埋我個份,每晚我都嚟食飯好無呀?」

「緊係唔好啦!我唔會開門比你嫁!」

我嘅廚藝係為咁呀Man,無你份喎。仲有,你經常比麻煩我,仲想我晚晚煮飯比你!
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞