Ch.34
見Tracy越嚟越貼近我,我立即擰轉面望住呀Man。
呀Man呆咗瞪大咗對眼望實我,塊面好似比之前更加紅。
唔知點解我個心怦怦跳,跳到傻咗。可能飲咗酒嘅關係,我竟然夠膽仲手捉住呀Man嘅肩頭將佢拉緊我。
「Gary…… 」
我吞咗吞口水慢慢靠近呀Man,呀Man唔知係咪怕醜,佢瞇埋咗眼,當我哋兩個鼻尖互相掂到對方,個心好似跳咗出嚟。
明明只係磨十下好快,但唔知點解我覺得個一刻好似過得好慢長⋯⋯
亦都好令我心動。
「下!你竟然揀呀Man!」Tracy佢撒嬌咁講。
「係囉!」家強唔知發咩神經,竟然幫Tracy口。
「唔得咩!我鍾意呀!」當我同呀Man對上咗視線,唔知點解好似有一股曖昧嘅氣氛圍繞住我哋。
到我轉個酒樽,轉到去家強到。
哼哼!啱啱仲幫Tracy口,明知我討好緊呀Man都專登咁做,擺明想食花生!既然佢哋一個二個都問黃色問題,我都問返家強。
頭先想食我花生!今次仲唔到我!
「我揀誠實呀!唔會好似你哋咁揀咗又後悔!放馬過嚟!」家強High 大咗咁講。
既然佢都咁講到,咁我就唔客氣啦!
「你對你嘅上司有無性幻想!」