(嚴重FF輕鬆愛情同居故)我與貓系女室友的二三事

因為天真嘅呀妹令到我同一個陌生女人同居。

「妳好，早晨。」

「⋯⋯」

「妳食咗早餐未？」

「⋯⋯」

「我煮埋妳個份，一唔一齊食？」原本一直望住我無反應嘅佢，對眼忽然發出閃光。佢立刻走到餐檯前坐低食嘢。

我哋一直無對話，忽然佢抬起頭望住我好認真咁同我講：「下次，我想要杯牛奶同想食煎蛋。」

我呆左咁望住佢，邊有人咁厚面皮叫人幫佢準備早餐，佢意思好似打算以後一直要我準備咁。

當相處耐左，望住佢一頭黑色長髮，一身健康膚色甚至凹凸有致嘅身材，都令我覺得佢唔單只神秘仲好傲嬌，就好似一隻黑色流浪貓咁。

單身宅男工程師 X 貓系美女插畫師 展開同居生活


如果鍾意我寫嘅故事，比個like同follow我，每一個like同follow對我嚟講係一個鼓勵。

Ig:weehours0000am
Facebook:https://m.facebook.com/weehours0000am

紙言：https://www.shikoto.com/articles/186375.html

Penana:https://m.penana.com/story/60515/嚴重ff愛情同居故-我與貓系女室友的二三事/toc

生命的價值出咗實體書有興趣可以睇下
https://m.penana.com/product/98/生命的價值

唔開心最好就係寫啲FF 無厘頭故，寫嚟自己笑下。
唔開心嘅你睇完，希望心情會好啲。

盡量每日出文，最少都會一星期出3-4篇。

Ch.1

人到三十歲，有好多男人係呢個年紀都無錢無樓更加唔好講女人。但可能我比其他人幸運，深知有樓就會有女嘅道理，係好細個嗰陣就已經認真讀書，出到社會做野慶幸有伯樂提攜，係社會上算係混得唔錯，又玩下投資，屋企人幫手先俾到首期。

無錯前面嘅都係廢話，靠父幹先係人生大贏家！

雖然買咗細單位，但俗語有話「麻雀雖小但五臟俱全」都叫做有個安樂蝸。而家樓就有啦！但由於做工程師經常OT都無時間識女仔。女⋯⋯都唔知幾時先有。

雖然無女但係終於可以自己一個人住，唔使同屋企人住係開心嘅，得閒係屋企客廳到睇下四仔，無左格仔，都咪話唔過癮，完全無人阻住晒，仲可以光明正大咁睇。

而且咁啱有個好兄弟都同我住同一橦大廈，放假都可以一齊睇通宵波，打下麻雀，所以我好期待搬屋嘅日子。

正當個單位裝修好，第二日可以拎埋行李開開心心咁搬去過自己一個人嘅世界時，我個白痴呀妹竟然同我講：「呀哥，我有一個外國回流返香港嘅朋友需要搵屋住，不如佢住你個到，你收佢租呀！」

聽到呀妹呢句說話我即刻放低手機望住佢。佢見到我唔耐煩嘅眼神就笑住話：「唔緊要啦！你咪當係有額外收入幫手供樓囉！佢話唔介意同人share house，外國好興嫁！」

佢唔介意但我好介意囉！

望住呀妹個甜美笑容，我內心有一種唔好嘅預感。因為我知道我呀妹講得好聽啲就係天真爛漫，唔好聽就係低能白痴兼低B，邊個做佢男朋友個嗰一定係英雄，因為佢會睇實我呀妹唔會俾佢做埋啲白痴嘢遺禍人間。

你話我同呀爸呀媽或者同妳住就話啫，無啦啦我做咩要同個三九唔識七嘅人同居呀！

我深呼吸一下然後問佢：「黃嘉柔妳同佢係點識嫁？」

「我哋係外國網上討論區識嫁！」

聽到佢呢句説話我眼都凸埋出黎，痴線嫁！我就知道我呀妹廿幾歲人仲係諗野咁天真。外國網上討論區識都信得過！

「個朋友男定女呀？」

黃嘉柔歪住頭諗左一陣，然後話：「嗯⋯⋯我無問過，不過佢係討論區set個性別係女，佢個名叫Man。」

今次無啦無啦⋯⋯

人蠢原來真係無藥醫嫁⋯⋯

Set性別做女，但係個名叫Man，擺明係紅巴啦！

「妳唔好傻的嗎咁去信網上面嘅人好唔好呀！妳連佢男定女都唔知，就叫我比佢住埋同一間屋？我話佢係人妖都得啦！如果佢真係女仔真係多謝妳，叫佢同個男人一齊住。」

我已經好留情面咁無鬧到好絕。我心諗妳有無睇外國新聞，有好多變態殺人狂，妳真係唔擔心個嗰係一個大隻肌肉佬將妳呀哥我先姦後殺，再姦再殺？真係諗起都菊花痛。

黃嘉柔聽到我嘅說話就好嬲，佢竟然嬲到面都紅埋向我大叫：「呀哥！你點可以話我朋友嫁！佢係好女仔黎嫁！」

係！係！佢實係嫁！佢實係當妳係好朋友嫁！

唉！我真係唔明點解妳呀哥我咁醒，但點解妳咁豬！都唔知道呀妹隻豬有無比男人呃左。

我真係無咁好氣同佢講野，好難得今晚唔洗OT我都懶得睬佢繼續用手機玩遊戲，心諗佢都痴痴地嫁。

但係嗰一刻，我無發現到呀妹佢眼神有啲閃縮，正確嚟講係心虛！

由細到大呀妹佢都唔識講大話，只要一望佢個樣就會知道佢諗緊咩，甚至知道佢又做左咩低能野。

如果嗰陣我有發現到佢個心虛樣，就唔會發生之後咁狼狽嘅事，亦都唔會遇到命中注定嘅佢。

聽日繼續

名已留

Ch2.

第二日我已經迫不及待咁執埋剩餘嘅行李準備去新屋，就離開住左三十年嘅屋企前，呀媽好語重心長咁拉埋我去一邊。

佢一定會話呀仔呀，呀媽同你講然後講一大輪野，長氣到死。

「呀仔呀，呀媽同你講。」

See比我講中咗。

「我同Daddy幫你手比首期，係為咗你第時結婚生仔。你都唔細啦，係時候識返個女仔，快啲生返個B比呀媽抱孫。」

我拍一拍呀媽膊頭：「放心啦，我好快就會識到女仔嫁啦。」

有層樓係手，啲女仲唔飛撲埋嚟！我都想快啲識返個女朋友仔到時日扑夜扑大戰千幾回合。

之前某參選議員講過一個好嚴重嘅問題，就係樓價太貴，年輕人想扑野都無地方可以扑呀！不過唔緊要，宜家有層樓就唔同講法。

「放心啦！我都大個仔啦！我走啦。」早一，兩日已經搬左好多野去新屋，拉埋呢轉行李就可以唔洗再返嚟，我拉住行李往門口方向走。

好鬼型咁頭也不回，一走出家門我立即深呼吸，係自由嘅空氣！我聞到自己嘅空氣呀！

係呢三十年我從未感受過！宜家終於可以一嘗自由嘅滋味。

我call左的士無幾耐就到左我住個座大廈，一入去就見到個保安呀姐坐左係一邊係到偷懶，完全無理過其他住客。我拉住行李走入𨋢，正當我想㩒關門制個陣，忽然有一把好甜美嘅聲音叫住我：「唔該！等埋。」

我立刻㩒返開門制，𨋢門一開就見到一個著住紅色制服裙，拉住行李嘅空姐走入嚟。

「唔該。」佢望住我，露出好甜嘅笑容講。

「唔洗客氣。」唔知係咪做空姐嘅都一定喺靚女，我忍唔住偷偷望咗佢幾眼。

佢好像發現到我偷望佢：「咦⋯⋯我好似無見過你嘅？」

我無諗過佢會主動提出話題，我有啲愕然。

「係呀，我係新嚟嘅住客。」

「喔！咁唔怪得啦！我叫Tracy 呀，住你樓下個層。」到咗五樓，𨋢門一開佢就拉住行李箱走出𨋢。

趁𨋢門未關上，我都立即自我介紹：「我叫Gary呀。」我講完自己個名之後，望住佢甜美笑容我成個人呆咗𨋢門就關上左，我有啲後悔自己做咩發呆，唔㩒實𨋢門問佢拎電話。

到左六樓，我就走出𨋢拎鎖匙開門，走入屋企。

一入到屋企我就立即坐落棕色嘅皮製梳化到，我瞇埋眼攤左係度。

柔軟嘅梳發十分美好。

寧靜嘅環境都十分美好。

一嚟到新環境就識到個靚女空姐真係非常之美好！

我諗我開始轉運行桃花運啦！

諗起啱啱個Tracy 真係幾靚女，笑容好sweet個樣有啲似林明禎。下次搵機會八下佢住咩室，問佢拎電話，睇下有無機會認識認識下。

黎到新屋第一件事緊係嚟個新屋第一炮。正當我係到諗緊睇三上悠亞定上原亞衣嗰陣，我個好朋友忽然打電話嚟，我心諗又會咁啱打電話嚟，唔知係咪想約埋今晚一齊睇波。

唔聽佢電話還好，一聽佢電話就聽到佢好慌張嘅聲音：「黃家杰，你宜家係邊呀！」

「我咪到左新屋囉。元家強你做咩好似好驚咁嘅？」

「唔好講咁多啦，救命呀！你快啲上嚟九樓先啦！救命呀兄弟！」家強講完呢句說話之後就CUT咗我線。

「都唔知佢發咩神經！」家強叫到好似就死咁，好似佢屋企發生咗命案咁。既然佢叫到身為兄弟嘅我就只好上去佢屋企睇下搞咩鬼。我將電話放係褲袋，拎起放係枱上面嘅鎖匙就出門口搭𨋢上九樓。

點知一去就踏上咗條不歸路。

一到九樓我就㩒佢門鐘：「搞咩咁急叫我嚟呀⋯⋯」

我未講完門已經打開咗，我未反應得切眼前一個黑影，一個著住黑色LACE性感內衣嘅女人跌係我懷抱裡面。正確嚟講係家強將一個膠Mary推係我身上，我抱住個膠Mary呆咗咁望住佢，只見家強佢拉住褲頭好慌張咁叫：「快啲帶住個公仔走呀！我老母唔知發咩神經話上嚟幫我執屋，比佢發現就不得了啦！」

「我屌⋯⋯你唔係呀嘛！玩埋啲咁嘅野。你叫我點收埋拎落去呀！我唔要呀⋯⋯」識左家強咁耐，我無諗過佢竟然咁變態玩埋呢啲野，我情願佢出去玩女人。

我將個膠Mary推返佢到，家強又推返去我到。

「咪啦屌⋯⋯」

「嚟啦，趕唔切啦。」

我哋來來回回咁將膠Mary推嚟推去，忽然家強隔離屋傳出開門聲，咁啱Mary推係我身上，身體本能反應下我抱住Mary跑去後樓梯。

一關上咗防煙門，我背脊貼住道門流曬汗，個心怦怦咁跳。

仆街呀⋯⋯今次碌七啦！

我望住膠Mary個腦海好似停止咗思考咁，唔知自己接落嚟應該要點做。

「屌⋯⋯」今次真係屌佢老母啦。

搬個Mary去搭𨋢又唔可以，萬一比其他人見到咪以為我係個變態佬。最後我好白痴咁將Mary倒吊孭住佢落樓梯。

諗起家強一開門就拉住個褲頭，我嚴重懷疑佢係咪啱啱係屋企玩弄過個Mary，我專登將佢倒吊係因為我有一個兄弟就夠啦，唔洗再見到千千萬萬，億億聲嘅兄弟！

一諗到佢點輕撫個Mary，點玩弄個公仔。孭住佢嘅我好似比兄弟侵犯過咁，一諗到呢到我就忍唔住反胃乾嘔：「嘔⋯⋯」

個公仔又重到死孭到我喘曬氣，忽然「砰」一聲後樓梯迴響，內心有唔好預感。我一低頭就望到我部IPHONE跌咗落樓梯，個MON爆撚咗⋯⋯

我開始係到懷疑緊人生，點解我要上去朋友屋企，點解宜家我要孭住個膠Mary，點解宜家會咁折墮。

「我屌⋯⋯唔撚係呀。」我之後一定要問家強拎返錢去整個mon。

原本以為去到新屋，係一個美好嘅開始，點知係一場災難嘅開始。

終於行到落六樓，正當我想推門出去嗰陣，係防煙門嘅玻璃到見到有兩個女仔企係我屋企門外面。

「屌⋯⋯邊撚個呀！阻住曬。」當我望真啲點解個女仔咁熟面口嘅？

仆街啦⋯⋯

黃家柔！

點解佢會係到嫁！佢身邊點解企住一個女仔，仲要拎曬行李嫁！

忽然我回想起呀妹提過有個網友回流返嚟香港，想搵屋住。提過我可以租一間房比個網友住。

我明明講過唔得嫁！佢做咩仲帶個網友嚟，咁樣我點收埋個膠Mary呀。

忽然我聽到一陣好似從地獄傳嚟嘅腳步聲，嚇到我係咁標汗。

唔係咁黑仔呀嘛！係呢個時候有人行樓梯定有保安巡樓呀。

我黃家杰遇到呢三十年嚟人生最大嘅危機！

睇聽日定後日再更新

以為係下個月

唔好笑我寫得慢啦

你d 前科好似係幾個月一篇

個啲陳年舊事唔好提啦
最多我勤力啲放假寫幾篇
Keep住個進度
呢個故我寫到ch.16嫁啦

推